სავალდებულო ინსპექტირების რეფორმამ ქალაქი  გამონაბოლქვისგან ვერ გაათავისუფლა - ეკა ლალიაშვილი

სავალდებულო ინსპექტირების რეფორმამ ქალაქი გამონაბოლქვისგან ვერ გაათავისუფლა - ეკა ლალიაშვილი

access_time2019-09-17 13:00:58

„ავტოსატრანსპორტო საშუალებების ტექნიკური ინსპექტირების რეფორმისგან ორი მოლოდინი გვქონდა  - საგზაო შემთხვევებისა და გამონაბოლქვის შემცირება.  სამწუხაროდ,ის სტატისტიკა არ არსებობს, რომელიც გვაჩვენებს, თუ რამდენი საგზაო შემთხვევა ხდება გაუმართავი ავტომობილების მიზეზით. შესაბამისად, ვერ ვადარებთ შემცირდა, თუ  არა ეს მაჩვენებლი  წინა პერიოდთან შედარებით. თუმცა, დიდი მოლოდინი არ არის, რომ რადიკალურად შეიცვალა რამე, ოდნავ  უკეთესი ხარისხი შეიძლება იყოს, ვიდრე იყო აქამდე.  მეორე პრობლემური საკითხი - ძალიან ბევრია ავტომობილი, რომელსაც გავლილი აქვს ტექნიკური ინსპექტირება და კვლავაც სერიოზულად აბინძურებს გარემოს.  ეს ნიშნავს,  რომ ამ ნაწილში გვაქვს ჩავარდნა, რადგან ქუჩაში გამონაბოლქვის შემოწმება არ ხდება და გვჭირდება რაღაც ახალი მექანიზმების შემუშავება.“ -  ასე აფასებს ავტოსატრანსპორტო საშუალებების ტექნიკური ინსპექტირების მეორე წელს საქართველოს ალიანსი უსაფრთხო გზებისთვის“ თავმჯდომარე ეკა ლალიაშვილი.


„კომერსანტმა“ ეკონომიკისა და მდგრადი განვითარების სამინისტროსგან გამოითხოვა 2019 წლის დასაწყისიდან ყველა სახის ავტოსატრანსპორტო საშუალებების სავალდებულო ტექნიკური ინსპეტირების შედეგები. 2019 წლის პირველი იანვრიდან 31 აგვისტოს ჩათვლით ტექნიკური ინსპექტირება გაიარა სულ 529 346 მა ავტოსატრანსპორტო საშუალებამ,  აქედან 1171 -ს გადაადგილება  აეკრძალა,  პირველადი დათვალიერებით 306 907 ავტომობილი გაუმართავი ავტომობილების კატეგორიაში გავიდა და მათ მოუწიათ სერვის ცენტრებში ხარვეზების გამოსწორება, რომლებიც ძირითადად გამონაბოლქვთან, ფარებსა და შუქამრეკლებთან, სამუხრუჭო მოწყობილობასთან იყო დაკავშირებული. ხოლო 220 760 -მა ავტოსატრანსპორტო საშუალებამ ტექნიკური ინსპექტირების პროცესის შედეგად დადებითი შეფასება მიიღო.

 



ეკა ლალიაშვილი აღნიშნავს, რომ ქუჩაში გამონაბოლქვის მაჩვენებლის შემოწმების არარსებობა მძღოლებს საშუალებას აძლევს სხვადასხვა გზებით გვერდი აუარონ ტექნიკურ დათვალიერებასთან დაკაშირებულ სანქციებს და ისინი კვლავაც აგრძელებენ გარემოს დაბიძნურებას. მანვე განაცხადა, რომ ავტომობილის არაერთი მფლობელი ამჯობინებს ჯარიმის გადახდას, ვიდრე ავტომობილის წესრიგში მოყვანას.


„ჩვეულებრივმა მოქალაქემაც კი ერთი შეხედვით რომ შეაფასოს, მარტივია იმის თქმა,  რომ ამ რეფორმამ ვერ შექმნა მოლოდინი, რომ გამონაბოლქვისგან გათავისუფლდეს ქალაქი.  უკვე მეორე წელი მიილია, რაც ტექნიკური ინსპექტირება ამოქმედდა და აშკარაა, რომ მომავალ წელს კიდევ უფრო სერიოზული მოქმედებებია საჭირო იმისათვის, რომ ეს გამონაბოლქვი შემცირდეს. მთავარი პრობლემა რაც ავტოსაგზაო საშუალებებს უკავშირდება, ესაა გამონაბოლქვის კონტროლის არარსებობა ქუჩაში, რაც ბიძგს აძლევს მძღოლებს, რომ ერთჯერადი მანიპულაციებით გავიდნენ ფონს, გაიარონ ტექნიკური ინსპექტირება და შემდეგ კვლავ ასე აბინძურონ ჰაერი.  მეორე პრობლემა არის ის სანქციები,  რომელსაც 30-დღიანი ვადა აქვს, ეს ეხმარება მძღოლებს, რომ დროულად არ მივიდნენ ინსპექტირების ცენტრებში და რიგ შემთხვევაში შეიძლება მათთვის ხელსაყრელი იყოს ჯარიმის გადახდა, ვიდრე ავტომობილის შეკეთება, რომელიც მეტ ხარჯებთანაა დაკავშირებული - ვფიქრობ, ეს არის შესაცვლელი,“ - აცხადებს ლალიაშვილი „კომერსანტთან“


ტექნიკური შემოწმების პირველი ეტაპი 2018 წლის პირველი იანვრიდან დაიწყო. სავალდებულო ინსპექტირება თავდაპირველად შეეხო მიკროავტობუსებს, ავტობუსებს და სატვირთო ავტომობილებს. პირველი ივლისიდან კი სავალდებულო ინსპექტირება კომპანიების ან სახელმწიფო სტრუქტურების საკუთრებაში არსებულ ავტომობილებისთვის გახდა. ოქტომბრიდან მხოლოდ იმ მსუბუქ ავტომობილებზე გავრცელდა, რომლის ძრავის მოცულობა 3 ათასი კუბური სანტიმეტრია ან აჭარბებს მას. სულ საქართველოს მასშტაბით 40 ტესტირების ცენტრია.


მარიამ მორგოშია




საპენსიო სააგენტოში ლევან სურგულაძის გადადგომის შესახებ ინფორმაციას არ ადასტურებენ

საპენსიო სააგენტოში ლევან სურგულაძის გადადგომის შესახებ  ინფორმაციას არ ადასტურებენ
access_time2019-12-07 20:32:24
საპენსიო სააგენტოში არ ადასტურებენ მედიაში გავრცელებულ ინფორმაციას ლევან სურგულაძის გადადგომის შესახებ ინფორმაციას. როგორც კომერსანტს უწყებაში განუცხადეს,  საპენსიო სააგენტოს დირექტორი ლევან სურგულაძე განმარტებას სავარაუდოდ ორშაბათს გააკეთებს. კურიერის ინფორმაციით, საპენსიო სააგენტოს ხელმძღვანელი თანამდებობას ტოვებს. ლევან სურგულაძეს განცხადება გადადგომის შესახებ უკვე დაწერილი აქვს და ოფიციალურად ამის თაობაზე მალე საჯაროდ...

Washington Post: დონალდ ტრამპის მოსამსახურეები არალეგალი იმიგრანტები იყვნენ

Washington Post: დონალდ ტრამპის მოსამსახურეები არალეგალი იმიგრანტები იყვნენ
access_time2019-12-07 20:00:18
  აშშ-ს დღევანდელი პრეზიდენტი დონალდ ტრამპი ცნობილია თავისი ანტიმიგრანტული განცხადებებით, თუმცა, როგორც ამბობს მისი ოჯახის 2 ყოფილი მოსამსახურე, ტრამპის სახლში და მისი კომპანიის გოლფ-კლუბებში ძირითადად მუშაობდნენ სწორედ არალეგალი-მიგრანტები,   ერთ-ერთი მათ შორის არის კოსტა-რიკელი  სანდრა დიასი.   ტრამპის სახლში შესვლის წინ მას უნდა დაეცვა რამდენიმე წესი - პირველი რიგში, ის უნდა ყოფილიყო უჩინარი. ტრამპის პირადი მოსამსახურე...

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან
access_time2019-12-07 16:00:09
  „ბელორუსია არასდროს არ შევა რუსეთის შემადგენლობაში და არ შექმნის ერთიან პარლამენტს. ჩვენ ამას არასდროს არ განვიხილავდით. დაიმახსოვრეთ - მე არ ვარ ბიჭუნა, რომელიც იყო პრეზიდენტი 3-4-5 წელი, და მე არ მსურს ხაზი გადავუსვა ყველაფერს, რასაც მივაღწიეთ ერთად - სუვერენულ დამოუკიდებელ სახელწიფოს. ჩვენ მას არ გადავაგდებთ და არ ვაჩუქებთ არავის. ჩემ დროს ეს არ მოხდება. ეს ჩვენი ქვეყანაა, დამოუკიდებელი და სუვერენული. ამით უნდა ვიამაყოთ“,  - განაცხადა ბელორუსიის პრეზიდენტმა...

მომავალ წელს 3000 IT სპეციალისტის გადამზადება იგეგმება

მომავალ წელს 3000 IT სპეციალისტის გადამზადება იგეგმება
access_time2019-12-07 14:00:30
ინოვაციებისა და ტექნოლოგიების სააგენტოს (GITA) ხელმძღვანელის ავთანდილ კასრაძის თქმით, მსოფლიო ბანკის მხარდაჭერით 3000 IT სპეციალისტი გადამზადდება. ავთანდილ კასრაძემ, რადიო კომერსანტის გადაცემაში „მთავარი ფაქტორი“ სტარტაპის სტატუსის მინიჭების სამართლებრივ ასპექტებზეც ისაუბრა.  „მომავალ წელს ვგეგმავთ 3 ათასი IT სპეციალისტის გადამზადებას. როცა ცოდნის ექსპორტზე ევსაუბრობთ, ხაზი უნდა გავუსვათ იმას,რომ საინფორმაციო ტექნოლოგიები არის ის მთავარი მიმართულება, რომლითაც შეგვიძლია რომ...

ვერ დავუშვებთ ანაკლიის პორტის პროექტის მეტად დაგვიანებას

ვერ დავუშვებთ ანაკლიის პორტის პროექტის მეტად დაგვიანებას
access_time2019-12-07 10:00:55
„ვფიქრობ, ყველაზე სწორი იქნება, განსაკუთრებით ამ ეტაპზე, როდესაც ვადა იწურება, ერთმანეთისგან გავმიჯნოთ პროექტი და კონკრეტული ინვესტორის პრობლემა" - ამის შესახებ ნათია თურნავამ ჟურნალისტებს ანაკლიის პორტის პროექტთან დაკავშირებით დასმული კითხვის პასუხად განუცხადა. ინფორმაციას ეკონომიკის სამინისტრო ავრცელებს. მინისტრის შეფასებით, ანაკლიის ღრმაწყლოვანი პორტი არის სტრატეგიული პროექტი და მნიშვნელოვანია ჩვენი ქვეყნისთვის. „ისედაც ძალიან დაგვიანდა - ორი წელი,...


მსგავსი სიახლეები

up