დონალდ ტრამპი - ვაწარმოებთ ვაქცინას, დავამარცხებთ ვირუსს, დავასრულებთ პანდემიას და გადავალთ კეთილდღეობის უპრეცედენტო ერაში

დონალდ ტრამპი - ვაწარმოებთ ვაქცინას, დავამარცხებთ ვირუსს, დავასრულებთ პანდემიას და გადავალთ კეთილდღეობის უპრეცედენტო ერაში

access_time2020-09-22 22:00:00

ვაწარმოებთ ვაქცინას, დავამარცხებთ ვირუსს, დავასრულებთ პანდემიას და გადავალთ კეთილდღეობის უპრეცედენტო ერაში, – ამის შესახებ გაერო-ს გენერალურ ასამბლეაზე სიტყვით გამოსვლისას ამერიკის შეერთებული შტატების პრეზიდენტმა, დონალდ ტრამპმა განაცხადა.

დონალდ ტრამპმა ვრცლად ისაუბრა „კოვიდ-19“-ის პანდემიაზე და იმ გამოწვევებზე, რომელთა წინაშეც აშშ და მთელი მსოფლიო დგას.

„მეორე მსოფლიო ომიდან 75 წლის თავზე, ჩვენ კიდევ ერთხელ ვართ ჩართული გლობალურ ბრძოლაში, ბრძოლაში უხილავ მტერთან – ჩინურ ვირუსთან, რომელმაც უამრავი ადამიანის სიცოცხლე შეიწირა მსოფლიოს 188 ქვეყანაში. ამერიკის შეერთებულ შტატებში, მეორე მსოფლიო ომის შემდეგ, ყველაზე აგრესიული მობილიზაცია გამოვაცხადეთ. ჩვენ სწრაფად დავიწყეთ მართვითი სუნთქვის აპარატების წარმოება, აპრილის შემდეგ 85 პროცენტით შევამცირეთ სიკვდილიანობის მაჩვენებელი. ჩვენი ძალისხმევის შედეგად, სამი ვაქცინა კლინიკური ცდის ეტაპზეა. ჩვენ მათ მასობრივ წარმოებას მოვახდენთ. დავიწყებთ ვაქცინის დისტრიბუციას, დავამარცხებთ ვირუსს, დავასრულებთ პანდემიას და გადავალთ კეთილდღეობის უპრეცედენტო ერაში“, – განაცხადა დონალდ ტრამპმა.

დონალდ ტრამპმა სიტყვით გამოსვლის დროს მკაცრად გააკრიტიკა ჩინეთი და ჯანდაცვის მსოფლიო ორგანიზაცია.

„ვირუსის საწყისს ეტაპზე, ჩინეთმა შიდა ფრენები აკრძალა, თუმცა საერთაშორისო რეისები არა, რითაც მთელი მსოფლიო დააინფიცირა. ჩინეთმა მკაცრად გააკრიტიკა რეისების აკრძალვასთან დაკავშირებით ჩემი გადაწყვეტილება, მაშინ, როდესაც მათ შიდა რეისები გაუქმებული ჰქონდათ და ხალხი სახლებში ჰყავდათ გამოკეტილი. ჩინეთის მთავრობამ და ჯანდაცვის მსოფლიო ორგანიზაციამ, რომელიც ვირტუალურად ჩინეთის მიერ იმართება, მცდარი ინფორმაცია გაავრცელეს, რომ არ არსებობდა მტკიცებულება ვირუსის ადამიანიდან ადამიანზე გადაცემის შესახებ. შემდეგ, ასევე მცდარი ინფორმაცია გაავრცელეს და თქვეს, რომ უსიმპტომო ადამიანები ვირუსის გამავრცელებლები არ იყვნენ. გაერო-მ ჩინეთს პასუხისმგებლობა უნდა დააკისროს მისი ქმედებების გამო“, – განაცხადა დონალდ ტრამპმა.


ამერიკის შეერთებული შტატების პრეზიდენტმა სიტყვით გამოსვლის დროს ჩინეთი გარემოს დაბინძურებაშიც დაადანაშაულა. ტრამპის თქმით, გაერო ეფექტური ორგანიზაცია უნდა იყოს, რომელიც ფოკუსირებული იქნება მსოფლიოს რეალურ პრობლემებზე, როგორიცაა ტერორიზმი, ქალების ჩაგვრა, იძულებითი შრომა, ნარკოტრეფიკი, რელიგიურ ნიადაგზე დევნა და ეთნიკური წმენდა.

ტრამპის თქმით, ამერიკა ყოველთვის იქნება ლიდერი სახელმწიფო ადამიანის უფლებების დაცვის კუთხით. აშშ-ის პრეზიენტმა ასევე ვრცლად ისაუბრა მისი ადმინისტრაციის მიღწევებზე, როგორც ქვეყნის შიგნით, ასევე მის ფარგლებს გარეთ და ამის მაგალითად რამდენიმე კვირის წინ არაბთა გაერთიანებულ საამიროებს, ლიბანსა და ისრაელს შორის მიღწეული შეთანხმება მოიყვანა.

„როგორც პრეზიდენტი, ამაყად ვაყენებ ამერიკას პირველ ადგილზე, ისევე, როგორც თქვენ უნდა აყენებდეთ თქვენს ქვეყანას პირველ ადგილზე. ეს სწორია, ეს ის არის, რასაც უნდა აკეთებდეთ“, – განაცხადა ამერიკის შეერთებული შტატების პრეზიდენტმა გამოსვლის დასასრულს.

1tv.ge




29 ოქტომბერი - რეგიონში ქართული ლარი გამყარდა, თურქული ლირა გაუფასურდა

29 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-29 18:05:03
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 29 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

„სილქფესტი“ ორი დღით ულიმიტო პირობებს შეთავაზებს მომხმარებლებს

„სილქფესტი“ ორი დღით ულიმიტო პირობებს შეთავაზებს მომხმარებლებს
access_time2020-10-29 16:55:29
სილქნეტის მობილური ქსელის მომხმარებლები 30 და 31 ოქტომბერს „სილქფესტის“ აქციით შეძლებენ 30 დღით გაიაქტიურონ ულიმიტო პირობები სასაუბრო და ინტერნეტ პაკეტებზე: კომბინაციით *019# მომხმარებელი ჩაირთავს ულიმიტო ინტერნეტს 19 ლარად, ხოლო კოდით *202# - ულიმიტო სასაუბრო* პირობას 10 ლარად გაიაქტიურებს. „სილქფესტით“ სარგებლობა შეეძლებათ ფიზიკურ და იურიდიულ პირებს. ასევე, შეზღუდვის გარეშე ორივე პაკეტის გამოყენება. *უსასრულო...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-29 21:00:29
დღის Top 10 საინტერესო ამბავი: 1.წლების შემდეგ ქართული ექსპორტი ისევ რუსეთზე დამოკიდებული ხდება - დინამიკა ციფრებში და პრობლემები, რაც შეიძლება მომავალშიც განმეორდეს რუსეთი საქართველოს ეკონომიკაზე გავლენას ზრდის. წლების შემდეგ რუსეთი ქართული პროდუქციის უმსხვილესი...

რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი

რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი
access_time2020-10-29 17:00:01
8 წლიანი მმართველობის დასასრულს „ქართული ოცნება“ მესამე ვადით ცდილობს ხელისუფლებაში დარჩენას. მთავარ ორიენტირად ისევ მემარცხენე მიმართულება რჩება. საარჩევნო პროგრამაში პირველივე გვერდზე ვკითხულობთ სიტყვებს „მზრუნველი ხელისუფლება.“ პროგრამის ეკონომიკურ ნაწილში აღნიშნულია, რომ ქართულმა ოცნებამ მმართველობის პირველივე წლებიდან „ეკონომიკის ხარისხობრივი განვითარებისთვის ფუნდამენტური...

ქართულმა ავტომობილების რეექსპორტმა სომხური ბაზარი დაკარგა

ქართულმა ავტომობილების რეექსპორტმა სომხური ბაზარი დაკარგა
access_time2020-10-29 14:00:38
სომხეთში ექსპორტი სექტემბერში შემცირებულია, წლიურად (Y.Y) 67%-ი (09/2020 მთლიანი ექსპორტი ზრდა 8.6%Y.Y). $16 მლნ -და (L/Y - $44.6 მლნ, 7.7) ადგილობრივმა ექსპორტმა - 8,5 მლნ. დოლარი შეადგინა. კლება რეექსპორტის ხარჯზეა. რაც მსუბუქი ავტომობილების შემცირებით აიხსნება, რაც ძირითადი საექსპორტო ჯგუფია. 2019 წლის სექტებერში სომხეთში საქართველოდან $31 მლნ -ის ავტომობილი გავიდა, 09/2020 - 0. საქტატში აღრიცხული არ არის და მსხვილი ექსპორტიორის კავკასიის...


მსგავსი სიახლეები

up