დონალდ ტრამპი დღესაც მილიარდერია, თუმცა, პრეზიდენტობის დროს მისი ფინანსური იმპერია სერიოზულად დაზარალდა.
ამჟამად მისი მდგომარეობა შესაძლოა კიდევ უფრო გართულდეს - ყველაფერთან ერთად ის პროკურატურის სამიზნეც გახდა. ტრამპი საგადასახადო მაქინაციებშია ეჭვმიტანილი, რაც საფრთხეს არა მხოლოდ მის ქონებას, არამედ თავისუფლებასაც უქმნის.
თუმცა, ერთადერთი, რამ დედამიწაზე ტრამპის ეგოს აღემატება - მისი კომერციული ინტუიცია და ლტოლვა ფულის და ძალაუფლებისადმი, ამიტომაც ყოველგვარი პროგნოზები მისი არასახარბიელო მომავლის თაობაზე - ნაადრევია.
ამ დროისთვის ყოფილი პრეზიდენტის ქონება 2,5 მლრდ. დოლარადაა შეფასებული, ხოლო
Forbes-ის მონაცემებით ის 339-ე ადგილზეა ყველაზე მდიდარ ამერიკელებს შორის.
თუმცა, 2019 წელთან შედარებით ტრამპი 64 პუნქტით ჩამოქვეითდა. მისი ფინანსური მდგომარეობა მანჰეტენზე რამდენიმე ათეულ შენობაზეა დამოკიდებული, და ეს არც თუ ისეთი კარგი ამბავია მაშინ, როდესაც შტატებში პანდემიისგან ყველაზე მეტად სწორედ ნიუ-იორკი დაზარალდა.
იმის შემდეგ, რაც ამერიკის მთავარი მეგაპოლისი პანდემიის ეპიცენტრი გახდა, ქალაქში ეკონომიკური ვარდნა დაიწყო. ნიუ-იორკში ასობით შენობა დაცარიელდა, ხოლო უძრავი ქონების ქირის ფასი 20%-ით შემცირდა. დონალდ ტრამპს ეს დიდ პრობლემებს უქმნის.
სავარაუდოდ, ასევე არც ვაშინგტონში და არც ჩიკაგოში ტრამპის შენობებს მოგება არ მოაქვთ. ცუდადაა საქმე სხვა ობიექტებზეც - დონალდ ტრამპის კუთვნილმა გოლფ-კლუბმა მაიამიში ღირებულების 80% დაკარგა.
თუმცა, ტრამპი მრავალჯერ კიდევ მომგებიან აქტივს ფლობს - დახურულ პარკინგებს ნიუ-იორკში და კურორტ მარ-ა-ლარგოს ფლორიდაში, სადაც ექს-პრეზიდენტი ამჟამად ცხოვრობს.
ეს მხოლოდ ობიექტური პრობლემებია, მოსალოდნელია სუბიექტურიც - მაგალითად, ვაშინგტონის კაპიტოლიუმის შტურმის შემდეგ ნიუ-იორკის მერიამ განაცხადა, რომ ტრამპთან საქმიან ურთიერთობებს შეწყვეტს, ასევე მის საოფისე შენობებში მომუშავე კომპანიების დიდი ნაწილი კონტრაქტების გაწყვეტას ცდილობს.
ტრამპს ასევე რამდენიმე საჩივარი ემუქრება, მის წინააღმდეგ რამდენიმე პროკურორი მუშაობს, რომელიც მას საგადასახადო მაქინაციებში ადანაშაულებს.
წლების მანძილზე ტრამპის მიმართ სხვადასხვა ბრალდებები ისმის - ამბობენ, რომ ის საგადასახადო ხრიკებს იყენებდა, საკუთარ აქტივებს გადაჭარბებულად აფასებდა მომგებიანი სესხების მიღებისთვის, და პარალელურად, ამავე დროს აქტივების ღირებულებას ხელოვნურად ამცირებდა იმისთვის, რომ ბიუჯეტში ნაკლები გადაეხადა.
თუმცა, ტრამპი ყოველთვის უფრო ბიზნესმენი იყო, ვიდრე პოლიტიკოსი და სავარაუდოდ, ის ამ კრიზისსაც გადაიტანს.
მას ფინანსური პრობლემები ხშირად ჰქონდა, 2-ჯერ გაკოტრდა კიდეც, თუმცა, საბოლოო ჯამში, არასდროს წაქცეულა.
ტრამპს მარცხების არ ეშინია და ის, პოსტპრეზიდენტობის ეპოქის სირთულეების მიუხედავად, მომავალს ოპტიმიზმით უყურებს.
„ზოგ ადამიანს აქვს სიმდიდრის ნიჭი. ეს ტალანტია, ისეთივე, როგორც რომელიმე სხვა. ზოგი კარგად უკრავს ფორტეპიანოზე, ზოგი თამაშობს გოლფს, ზოგს ფიზიკოსის ნიჭი აქვს. მე კი ფულის კეთების ნიჭი მაქვს“ - განაცხადა მან ერთ-ერთი ინტერვიუში.
ადამიანისთვის ასეთი ცხოვრებისეული ფილოსოფიით, მარცხიც და აღორძინებაც - ყოველდღიური ცხოვრების შემადგენელი ნაწილი, და ტრამპს ეს პირველ რიგში ეხება.
Focus.com
მოამზადა თენგიზ აბლოთიამ
დონალდ ტრამპი
