დონალდ ტრამპი აცხადებს, რომ თუ ანკარა სირიელ ქურთებს გაანადგურებს, მაშინ ის თურქეთის ეკონომიკას ჩამოშლის

დონალდ ტრამპი აცხადებს, რომ თუ ანკარა სირიელ ქურთებს გაანადგურებს, მაშინ ის თურქეთის ეკონომიკას ჩამოშლის

access_time2019-10-10 10:20:57

აშშ-ის პრეზიდენტი დონალდ ტრამპი აცხადებს, რომ გაანადგურებს თურქეთის ეკონომიკას, თუ ანკარა სირიელ ქურთებს გაანადგურებს. ამის შესახებ დონალდ ტრამპმა თეთრ სახლში მედიასთან საუბრისას განაცხადა. რეპორტიორის შეკითხვაზე, არის თუ არა პეზიდენტი შეშფოებული იმით, რომ თურქეთმა შესაძლოა, ქურთები გაანადგუროს, დონალდ ტრამპმა უპასუხა, რომ თუ ეს მოხდება, ის თურქეთის ეკონომიკას გაანადგურებს.


„მე გავანადგურებ თურქეთის ეკონომიკას, თუ ეს მოხდება. მე ეს ერთხელ უკვე გავაკეთე პასტორ ბრანსონის შემთხვევაში. ვიმეოდვნებ, რომ ის რაციონალურად იმოქმედებს. თქვენ უნდა გესმოდეთ, რომ ისინი ერთმანეთს ათეულობით წელია ებრძვიან“, – განაცხადა ტრამპმა.


აშშ-ის პრეზიდენტმა ასევე აღნიშნა, რომ თურქეთის მიერ ოპერაციის ჩატარების ზონაში ამერიკელი სამხედროები არ იმყოფებიან. ტრამპმა ქურთებისა და თურქეთის მრავალწლიან დაპირისპირებაზე ისაუბრა და აღნიშნა, რომ აშშ დაუსრულებელი ომებიდან გადის.


„ჩვენ აღნიშნულ რაიონში სამხედროები არ გვყავს.თურქეთთან მლაპარაკებებს სამი წელია ვაწარმოებთ. მათ ამის გაკეთება მრავალი წელია სურდათ. როგორც იცით, ისინი ერთმანეთს საუკუნეების განმავლობაში ებრძოდნენ. ჩვენ ჩავერთეთ ამ ბრძოლაში, ჩავერიეთ, ეს 30 დღე უნდა გაგრძელებულიყო, თუმცა ჩვენ იქ მრავალი წელი ვიყავით. ახლა გასვლის დროა. ჩვენ ორივე მხარეს ველაპარაკებით. ვუთხარით პრეზიდენტ ერდოღანს, რას ვგრძნობთ, თუმცა ჩვენ ორივე მხარეს ვესაუბრებით და განვიხილავთ, თუ რისი გაკეთება შეიძლება ამ სიტუაციიდან. თუმცა აღნიშნულ რაინში სამხედროები არ გვყავს. ჩვენ გავდივართ დაუსრულებელი ომებიდან, ჩვენ ეს უნდა გავაკეთოთ და საბოლოოდ ვინმემ უნდა მიიღოს გადაწყვეტილება“, – განაცხადა დონალდ ტრამპმა.



აშშ-ის პრეზიდენტი ასევე გამოეხმაურა რესპუბლიკელი სენატორის ლინდსი გრემის ინიციატივას, თურქეთის ლიდერისთვის სანქციების დაწესების შესახებ და აღნიშნა, რომ ის სანქციების დაწესებას ეთანხმება, თუმცა განიხილავს სანქციებზე მეტად მკაცრ ზომებსაც.


„მე უკვე ვუთხარი პრეზიდენტ ერდოღანს, რომ სანქციების დაწესებაზე ბევრად მეტს გავაკეთებ. ვფიქრობ, ლინდსი იქ კიდევ მომავალი ორასი წლის განმავლობაში დარჩებოდა და შესაძლოა, ყველგან ასობით ათას ადამიანს განათავსებდა. თუმცა მე ამაში ლინდსის არ ვეთანხმები, მაგრამ ვეთანხმები სანქციებთან დაკავშირებით. თუმცა მე განვიხილავ ბევრად უფრო მკაცრ ზომებს, ვიდრე სანქციებია“, – აღნიშნა ტრამპმა.


აშშ-ის პრეზიდნეტის თქმით, თუ ერდოღანი სირიაში უსამართლოდ მოიქცევა, მას ეს ეკონომიკურად ძალიან ძვირი დაუჯდება.



1ტვ





ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...


მსგავსი სიახლეები

up