დღეს Domino's-ს პიცის ქსელს მაღაზიები მთელ მსოფლიოში, მათ შორის, საქართველოშიც აქვს. მისმა ძლიერმა საბაზრო კაპიტალმა და სწრაფი მიწოდების სისტემამ ბრენდის წარმატებას ხელი შეუწყო, რამაც კომპანიას საშუალება მისცა, კონკურენტები დაემარცხებინა.
თავდაპირველად კომპანიის კონცეფცია ტრადიციული პიცერიის ფუნქციონირება იყო, თუმცა სივრცის ნაკლებობის გამო მწარმოებლებმა განავითარეს სწრაფი მიწოდების სისტემა. დღეს მომხმარებელთა 60%-ზე მეტს ურჩევნია პიცა შეუკვეთოს ონლაინ.
Domino's იყო პიონერი რამდენიმე ინოვაციური ტექნოლოგიის შექმნაში. სწორედ მათ მოახდინეს რევოლუცია მომხმარებელთა გამოცდილებაში მიწოდების სისტემის მეშვეობით.
14,23 მილიარდ დოლარზე მეტი საბაზრო წილით, Domino’s-მა გაუძლო დროის გამოცდას და განაგრძობს კლიენტების მომსახურებას. კომპანია დღესაც ფიქრობს ინოვაციურ პროექტებზე.
როგორ დაიწყო ყველაფერი
Domino's-ის ისტორია იწყება მისი მფლობელების, ტომ და ჯიმ მონაჰანის ისტორიით. 1940 წელს ტომის მამა გარდაიცვალა. ახალგაზრდობაში იგი დიდ დროს ატარებდა ბავშვთა სახლში ან ახლობლების სახლებში. თუმცა მისმა მძიმე ბავშვობამ ამბიციები გაუძლიერა. მას ყოველთვის სურდა ფინანსურად დამოუკიდებელი და წარმატებული ყოფილიყო. ტომის ფუტურისტულმა ხედვამ აიძულა მას თავისი დანაზოგით საკუთარი ბიზნესი წამოეწყო.
1960 წელს ახალგაზრდა მეწარმემ ძმასთან - ჯიმთან ერთად მიჩიგანში იყიდა რესტორანი. ადგილობრივი პიცის რესტორანს DomiNick's ერქვა. ტომ მონაჰანმა მის შესაძენად 900 დოლარის სესხი აიღო.
საზეიმო გახსნიდან რვა თვის შემდეგ ის ფლობდა ბიზნესის 50%-ს. მან მიწოდესბის სისტემა ერთი ავტომობილით - 1959 წლიანი Volkswagen Beetle-ით დაიწყო, რომელსაც ძმები ფლობდნენ.
რესტორანი სახელს - DomiNick's მრავალი წლის განმავლობაში ინარჩუნებდა, სანამ წინა მფლობელმა არ აიძულა ძმები, რომ სახელი შეეცვალათ. ახალი სახელი Domino's Pizza იყო. Insider-ის თანახმად, 1965 წლისთვის ტომ მონაჰანმა გახსნა Domino-ს სამი მაღაზია მიჩიგანის შტატში.
ნაბიჯი საერთაშორისო წარმატებისკენ
მომდევნო ათწლეულის განმავლობაში Domino's-მა ამერიკაში 200-ზე მეტი პატარა რესტორანი გახსნა. კომპანია ყოველთვის ამახვილებდა ყურადღებას სიჩქარესა და ეფექტურობაზე.
1973 წელს მონაგანს გაუჩნდა იდეა, დაენერგა პიცის მიწოდების 30-წუთიანი სისტემა.
1983 წლისთვის ამერიკაში დომინოს 1000 მაღაზია იყო და კომპანიამ გადაწყვიტა საერთაშორისო მასშტაბით გაფართოება.
იმავე წელს Domino's-მა გახსნა თავისი პირველი საერთაშორისო მაღაზია კანადასა და ავსტრალიაში. 1993 წელს 30-წუთიანი მიწოდების სისტემა შეწყდა ამერიკაში მრავალი სასამართლო პროცესისა და უბედური შემთხვევის გამო. 1997 წლისთვის Domino's-ს ჰქონდა თავისი მაღაზიები ხუთ კონტინენტზე და 1500 ლოკაციაზე. შემდგომ კი ტომ მონაჰანი პენსიაზე გავიდა და თავისი კომპანიის აქციების 93% გაყიდა.
ტექნოლოგიის შერწყმა მიწოდებასთან
რეცესიის მწვერვალზე მყოფ Domino’s- ს 943,2 მილიონი დოლარის ვალი ჰქონდა, რომელიც საბოლოოდ გადაიხადა. იმავე დროს მომხმარებლებმა უპირატესობა მის კონკურენციას Pizza Hut მიანიჭეს. კომპანია კარგავდა კლიენტურას.
სწორედ ამ დროისთვის გადაწყვიტეს Domino’s ტექნოლოგიისთვის მიემართა. 2007 წელს მათ შემოიტანეს ონლაინ და მობილური შეკვეთის ფუნქცია. ხოლო შემდეგ წელს გამოუშვეს Domino's Tracker-რევოლუციური ტექნოლოგია, რომელიც მომხმარებელს საშუალებას აძლევდა თვალყური ადევნონ შეკვეთას ონლაინ შეკვეთის განთავსებიდან მის მიწოდებამდე.
2009 წლის ბოლოს, ბრენდმა გააუქმა თავისი ორიგინალური პიცის რეცეპტი, რათა შეექმნა ახალი რეცეპტი ახალი თაობის მომხმარებლებისთვის. ახალი პროდუქტებით და ტექნოლოგიების გამოყენებით, ის გახდა პიცის საუკეთესო მიმწოდებელი კომპანია მთელს მსოფლიოში. მისი მოგების 50%-ზე მეტი გენერირდება ამერიკის ფარგლებს გარეთ.
კომპანიამ 2013 წელს თავისი ლოგოს რებრენდინგი მოახდინა და გააუმჯობესა ონლაინ შეკვეთების სისტემა. დღეს Domino's მეხუთე ყველაზე პოპულარული პიცაა ამერიკაში და ქვეყანაში სიდიდით მეორე საბაზრო წილს იკავებს.
დღეისათვის Domino's რჩება ერთ-ერთ ყველაზე რჩეულ პიცერიად 90-ზე მეტ ქვეყანაში 17 000 რესტორანით.
წყარო : therichest.com, "ბიზნესპრესნიუსი"
დომინოს ეფექტი ბიზნესში
