„Doing Business-ის ათეულში ისევ თუ ვართ ეს ბედნიერებაა“- ბიზნესი მსოფლიო ბანკის კვლევას აფასებს

„Doing Business-ის ათეულში ისევ თუ ვართ ეს ბედნიერებაა“- ბიზნესი მსოფლიო ბანკის კვლევას აფასებს

access_time2019-10-24 18:00:24

 „ეს არის გრძელვადიანი გარანტია იმისა, რომ ქვეყანა სწორი მიმართულებით ვითარდება“- ასე აფასებს “ნატახტარის” კორპორაციულ საქმეთა დირექტორი, ნიკოლოზ ხუნძაკიშვილი ბიზნესის კეთების სიმარტივის (Doing Business) 2020 წლის რეიტინგს. კვლევის მიხედვით საქართველო მსოფლიოს 190 ქვეყანას შორის მეშვიდე ადგილს იკავებს. ნიკოლოზ ხუნძაიშვილის თქმით, ქვეყნის შესაფასებლად საუკეთესო ათეულში მოხვედრა  კარგი მაჩვენებელია. მისივე განმარტებით მსგავსი კვლევები მნიშვნელოვანია, რადგან ინვესტორთა ნაწილი გადაწყვეტილების მიღების პროცესში კვლევის შედეგებს ითვალისწინებენ.


 „მეექვსე - მეშვიდე ადგილი პრაქტიკულად ერთი და იგივეა, მთავარია, რომ ჩვენ პირველ ათეულში ვიყოთ. ის, რომ საქართველომ რაღაც ვერ გააკეთა და ამის გამო ჩვენ ჩამოვქვეითდით ეს არ არის. ჯერჯერობით ეს არის კრედიტ რეიტინგი, მაგრამ ჩვენ გვინდა, რომ გადავიდეთ ე.წ ინვესტმენთ რეიტინგში, რომელიც საშუალებას მოგვცემს არა კრედიტის აღების უნარიანი ვიყოთ არამედ ინვესტიციებისთვისაც ხელსაყრელი პირობები იყოს. რაღაც პერიოდში ალბათ მივაღწევთ ამ ეტაპს. რა თქმა უნდა ბიზნესის დაწყება საქართველოში ძალიან მარტივია ყველაზე დიდი პრობლემა არის ბიზნესიდან გასვლა ანუ გაკოტრების კანონმდებლობა არ გვაქვს, ყოველ შემთხვევაში ისეთი რომელიც ხელს შეუწყობს ბიზნესის განვითარებას. ეს არის ერთ-ერთი შემარფეხებელი ფაქტორი რაზეც, რამდენადაც ჩვენთვის ცნობილია, ხელისუფლება მუშაობს. ძალიან ბევრი უარყოფითი ფაქტორი შეიძლება ჰქონდეს თუ სწორად არ ჩამოაყალიბებ როგორც რეგულაციას ასევე პრაქტიკას“, - განაცხადა ნიკოლოზ ხუნძაკიშვილმა.


ნიკოლოზ ხუნძაკიშვილის მოსაზრებას იზიარებს კომპანია „რედიქს ჯგუფის“ დამფუძნებელ ლაშა პაპაშვილი. ბიზნესმენი, მიიჩნევს, რომ ინვესტორთა ნაწილი მსოფლიო ბანკის კველვას დიდ ყურადღებას აქცევს.

 

„ინვესტორები რეიტინგს რა თქმა უნდა უყურებენ, მაგრამ მე სულ ვამბობ ბოლო ერთი წელია ყველაზე ცუდი რაც ხდება ეს ეროვნული ვალუტის ვარდნა. აი ამას უფრო უყურებენ. რაღაცაში რომ ბრწყინავდე და რაღაცაში არ ვარგოდე მაინც აშინებთ. ზედმეტი გამყარება ლარის არც გვაწყობს ამიტომ როგორც მაკროეკონომიკური პარამეტრები გაძლევენ საშუალებას იმ დოზით უნდა შეუწყოთ ხელი ლარის გამყარებას. Doing Business-ის ათეულში ისევ თუ ვართ, ეს ბედნიერებაა. თუ  რუსეთთან აღდგება ავიამიმოსვლა ეს იქნება დაგვირგვინება“,- განმარტავს ლაშა პაპაშვილი.

 


„კომერსანტთან“ მსოფლიო ბანკის კველვას აფასებს ბიზნესმენი დავით კოდუა, რომელიც თვლის, რომ საქართველოში ბიზნესის კეთება მარტივია, თუმცა ის თავის მიმართულებით უკვე წლებია შეფერხებით მუშაობს.

 

„მე ვარ მშენებელი, თუმცა, მშენებლობის ნებართვები არ მაქვს. ბიზნესი საქართველოში კეთდება, მაგრამ კალაძე არ მაძლევს მშენებლობის ნებართვას იმიტომ რომ გვერდით ცხოვრობს და მეზობლებს დაპირდა არ ავაშენებინებო. ბიზნესის კეთებას რას ეძახიან არ ვიცი, თუ საგადასახადო კოდექსზე ამახვილებენ ყურადღებას ამ კუთხით არანაირი პრობლემა არ არის. ნამდვილად მარტივი საქართველოში ბიზნესის კეთება, მთავრია კალაძის სახლის გვერდით არ გქონდეს მშენებლობის ნებართვა ასაღები“, - დავით კოდუა.  

 

 შეგახსენებთ, რომ გასულ წელთან შედარებით საქართველოს რეიტინგი 1 ერთეულით გაუარესდა, თუმცა ქვეყანა საუკეთესო ათეულშია და ანგარიშის თანახმად, ბიზნესის კეთების სიმარტივით წინ უსწრებს ისეთ ქვეყნებს, როგორიცაა დიდი ბრიტანეთი, ნორვეგია, შვედეთი, გერმანია და ა.შ.

 

აღნიშნულ რეიტინგში ახალი ზელანდია ლიდერობს, ბოლო ადგილზე კი - სომალია. რაც შეეხება საქართველოს მეზობელ სახელმწიფოებს, აზერბაიჯანს რეიტინგში 76.7 ქულით 34-ე პოზიცია უჭირავს, სომხეთი კი - 74.5 ქულით 47-ე ადგილზეა.

 

მსოფლიო ბანკი ბიზნესის კეთების რეიტინგს 2003 წლიდან აქვეყნებს. კვლევაში მსოფლიოს 190 ქვეყანაა ჩართული.



ბაჩო ადამია





ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები

ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები
access_time2020-08-10 19:00:43
6 აგვისტოს უეფას ორგანიზებით მორიგი ვიდეო კონფერენცია გაიმართა, რომელშიც ევროპული ფეხბურთის მმართველი ორგანოს წევრი ასოციაციების გენერალური მდივნები მონაწილეობდნენ. აღნიშნულის თაობაზე ინფორმაციას საქართველოს ფეხბურთის ფედერაციის პრეს-სამსახური ავრცელებს. შეხვედრაზე უეფას ეგიდით გასამართ უახლოეს საკლუბო და სანაკრებო მატჩებზე იმსჯელეს. გადაწყდა, რომ ევროპა ლიგის ოთხივე ეტაპზე და ჩემპიონთა ლიგის სამ ეტაპზე მატჩები მაყურებლის გარეშე გაიმართება, ჩემპიონთა ლიგის პლეი-ოფის...

დონალდ ტრამპმა ამერიკელებს TikTok-ით სარგებლობა აუკრძალა

დონალდ ტრამპმა ამერიკელებს TikTok-ით სარგებლობა აუკრძალა
access_time2020-08-10 20:00:57
აშშ-ს პრეზიდენტმა დონალდ ტრამპმა ამერიკელებს ჩინური კომპანიების ByteDance და Tencent-ის სერვისებით ყოველგვარი სარგებლობა აუკრძალა - მათ შორისაა მოკლე ვიდეოჩანაწერების სერვისიTikTok და მესენჯერი WeChat. აკრძალვის ქვეშ ყველა გარიგება მოხვდება, მათ შორის მოლაპარაკებები წილების შეძენასთან დაკავშირებითაც. ტრამპის ბრძანებულება ძალაში 20 სექტემბერს შევა. გადაწყვეტილებას წინ პრეზიდენტის მუქარები უძღოდა. შემდეგ, 6 აგვისტოს, აშშ-ს სახელმწიფო მდივანმა...

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება
access_time2020-08-10 18:00:32
კორონავირუსის პანდემიის გამო, საზღვრების ჩაკეტვამ და ფრენების გადადებამ, ტურიზმზე დამოკიდებული კომპანიების შეჩერება გამოიწვია. ერთ-ერთი ასეთი, მთაში მოგზაურობის და თავგადასავლების სააგენტო Mountain Freak-ია, რომელიც მსოფლიოს სხვადასხვა ქვეყნიდან ჩამოსულ სტუმარს ალპინისტურ, სალაშქრო, „ტრეკინგ“ თუ კულტურულ -ფოლკროლურ ტურებს სთავაზობს. პანდემიამდე მთელი სეზონი დაჯავშნილი იყო, თუმცა კორონავირუსმა გეგმები შეცვალა და წლევანდელი წელი მთლიანად ჩავარდა, ამის შესახებ „კომერსანტი“...

მთავრობა „თელასის“ კაპიტალში კუთვნილი აქციების წილს ჰყიდის

მთავრობა „თელასის“ კაპიტალში კუთვნილი აქციების წილს ჰყიდის
access_time2020-08-10 17:00:11
„საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%- ის გასასხვისებლად საჯარო აუქციონს აცხადებს. ინფორმაციას საპარტნიორო ფონდი ავრცელებს. საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. ბიჯის ოდენობაა 50,000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის...

გველის თუ არა უფრო ღრმა კრიზისი?!

გველის თუ არა უფრო ღრმა კრიზისი?!
access_time2020-08-10 16:00:18
ამომრჩევლის მოსყიდვა თუ კრიზისის დროს შეხიდება? ახალ სოციალურ პაკეტს, რომელიც მთავრობამ მოსახლეობის სხვადასხვა ჯგუფს შესთავაზა, უკვე მოჰყვა არაერთგვაროვანი შეფასებები. რადგან არჩევნებამდე 3 თვეა, ოპოზიციამ ჩათვალა, რომ ხელისუფლება იმ ამომრჩევლის გულის მოგებას ცდილობს, ვინც შესაძლოა „ქართული ოცნების“ 8-წლიანი მმართველობით კმაყოფილი არ არის. ხელისუფლებაში ამბობენ, რომ ამ პროგრამებს არჩევნებთან საერთო არაფერი აქვს და აანონსებენ, რომ შესაძლოა კიდევ ერთი სოციალური პაკეტი მომავალი წლის...


მსგავსი სიახლეები

up