ჭიათურაში „ჯორჯიან მანგანეზის” ხელშეწყობით, პირველი საჯარო სკოლის რეაბილიტაცია დასასრულს უახლოვდება

ჭიათურაში „ჯორჯიან მანგანეზის” ხელშეწყობით, პირველი საჯარო სკოლის რეაბილიტაცია დასასრულს უახლოვდება

access_time2019-09-20 20:06:37

შპს „ჯორჯიან მანგანეზმა“ ჭიათურის პირველი საჯარო სკოლის სამშენებლო-სარეაბილიტაციო სამუშაოების თანადაფინანსებაში მონაწილეობა მიიღო.


კომპანიის ხელშეწყობით, სკოლის მეორე კორპუსის პირველი სართულის ფოიეს მოწყობა მიმდინარეობს, ასევე მოწესრიგდება სველი წერტილები, სასადილო და გასახდელები.


სკოლის ძირითადი პირველი კორპუსის რეაბილიტაცია გასული წლის ივნისში დაიწყო, რომელსაც „ათასწლეულის გამოწვევის ფონდმა“, „მილენიუმის“ პროგრამის ფარგლებში დააფინანსა.


რაც შეეხება მეორე კორპუსს, ის სამსართულიანია. მეორე კორპუსის დაფინანსება თავის თავზე ჭიათურის მუნიციპალიტეტის მერიამ და კომპანია „ჯორჯიან მანგანეზმა“ აიღეს. მერიის მიერ დაფინანსებული თანხით, მეორე და მესამე სართულები გარემონტდა, ხოლო „ჯორჯიან მანგანეზის“ ხელშეწყობით - პირველი სართულის ფოიე.


სარემონტო სამუშაოებს „ჯორჯიან მანგანეზში“ დასაქმებული პირები ასრულებენ, საჭირო მასალების შეძენაც თავად კომპანიამ უზრუნველყო.


„სარეაბილიტაციო სამუშაოების ნაწილი უკვე დასრულებულია, კერძოდ, შემოსასვლელი მთლიანად გაკეთდა, დაიგო გრანიტის იატაკი, კედლები გაილესა და თავიდან შეიღება, გაკეთდა ჭერი, ანალოგიური სამუშაოები შესრულდა პირველი სართულის მეორე ოთახშიც, იატაკიდან დაწყებული ჭერით დამთავრებული, ყველაფერი შეიცვალა და ახალია. ასევე, დასრულდა სპორტული ოთახის სარემონტო სამუშაოებიც.


პარალელურად, რემონტდება სასადილო და სველი წერტილები.



„ჯორჯიან მანგანეზმა“ დაასრულა ის სამუშაოები, რომლებიც აუცილებელი იყო სასწავლო პროცესის დაწყებისთვის. ხოლო ის სამუშაოები, რომლებიც ახლა მიმდინარეობს, ჩვენს სასწავლო პროცესს ხელს არ უშლის და სწავლის პარალელურად მიმდინარეობს.


მე როგორც სკოლის დირექტორს, შემიძლია ვთქვა, რომ მათი დახმარების გარეშე ეს კორპუსი საერთოდ დაიხურებოდა, და ჩვენ ვერ შევძლებდით სასწავლო პროცესის დაწყებას.


მინდა, დიდი მადლობა გადავუხადო კომპანიის ხელმძღვანელობას იმ გადაწყვეტილებისთვის, რომელიც მათ ჩვენს სკოლასთან დაკავშირებით მიიღეს“,- განაცხადა ჭიათურის პირველი საჯარო სკოლის დირექტორმა გოჩა შუბითიძემ.


აღსანიშნავია, რომ ჭიათურის პირველი საჯარო სკოლა დღეს 900 მოსწავლეს აერთიანებს.


„ჯორჯიან მანგანეზისთვის“ საგანმანათლებლო პროცესის სოციალური პასუხისმგებლობის კუთხით მხარდაჭერა ერთ-ერთი მთავარი მიმართულებაა.


კომპანიისთვის, მნიშვნელოვანია, რომ ყველა სასწავლო დაწესებულებას საგანმანათლებლო პროცესის სრულფასოვნად წარმართვის შესაძლებლობა და პირობები ჰქონდეს.










„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up