რუსეთი საქართველოს ტერიტორიის 20%-ის ოკუპაციას, ეკონომიკურ ბერკეტებს, კიბერთავდასხმებსა და დეზინფორმაციას დაყოფისა და უნდობლობის გასავრცელებლად იყენებს, - განაცხადა სახელმწიფო მდივნის მოადგილის თანაშემწემ, ჯორჯ კენტმა აშშ-ის სენატის საგარეო ურთიერთობათა კომიტეტის ევროპისა და რეგიონული თანამშრომლობის ქვეკომიტეტის სხდომაზე.
„აშშ საქართველოს დემოკრატიული რეფორმების გატარებასა და ეკონომიკურ განვითარებაში, ასევე რუსეთის აგრესიისგან დაცვაში ეხმარებოდა. რუსეთი საქართველოს ტერიტორიის 20%-ის ოკუპაციას, ეკონომიკურ ბერკეტებს, კიბერთავდასხმებსა და დეზინფორმაციას დაყოფისა და უნდობლობის გასავრცელებლად იყენებს. ჩვენ მტკიცედ ვგმობთ აფხაზეთისა და სამხრეთ ოსეთის რუსეთის მიერ ოკუპაციას და მხარს ვუჭერთ საქართველოს სუვერენიტეტსა და ტერიტორიულ მთლიანობას. საქართველო სამხრეთ კავკასიასა და შავი ზღვის რეგიონში აშშ-ის მნიშვნელოვან პარტნიორად რჩება. მხარს ვუჭერთ საქართველოს ნატოსკენ სვლას და ევროატლანტიკურ სივრცესთან მჭიდრო კავშირებს“, - აღნიშნა ჯორჯ კენტმა.
imedinews.ge