20 იანვარს დემოკრატი ჯი ბაიდენი აშშ-ს პრეზიდენტი ოფიციალურად გახდა. რისი გაკეთება მოასწო მან 1 თვეში?
1.ვაქცინაციის დაჩქარება
აშშ-ს მოსახლეობის ვაქცინაცია ჯერ კიდევ 2020 წლის დეკემბერში დაიწყო თუმცა, ნელი ტემპებით მიმდინარეობდა.
1 თვეში ბაიდენის ადმინისტრაციამ ამ პროცესის დაჩქარება მოახერხა - ყოველკვირეულად სხვადასხვა შტატში 11 მლნ. დოზა იგზავნება, რაც დეკემბერთან შედარებით 57%-ით მეტია.
მთლიანობაში ამერიკამ 70 მლნ. დოზა მიიღო - ძირითადად Pfizer-BioNTech და Moderna. ამ დროისთვის ვაქცინაცია აშშ-ს მოსახლეობის 12%-მა გაიარა - ეს მე-5 შედეგია მსოფლიოში ისრაელის ბრიტანეთის, სერბეთისა და ბაჰრეინის შემდეგ.
2.მიგრაცია და კლიმატური ცვლილებები
პრეზიდენტობის პირველივე დღეს ბაიდენმა ტრამპის რამდენიმე ბრძანებულება გააუქმა - კერძოდ, გადაწყვეტილებები, რომლებიც მიგრაციის და არალეგალური მიგრანტების ლეგლიზების გართულების საკითხებს ეხებოდა.
პირველ რიგში მან გააუქმა დონალდ ტრამპის დადგენილება, რომელიც 13 ისლამური ქვეყნიდან შტატებში მიგრანტების მიღებას კრძალავდა და ასევე მექსიკის საზღვარზე კედლის მშენებლობის დაფინანსება შეაჩერა.
ბაიდენმა ასევე ეკოლოგიური საკითხებისადმი მეტი ყურადღება გამოავლინა - კერძოდ, შეაჩერა კანადის საზღვართან ნავთობსადენს Keystone XL-ის მშენებლობა.
1 თვეში ბაიდენმა ხელი 31 განკარგულებას მოაწერა, მათ შორის 4 მიგრაციას, 4 კლიმატური ცვლილელებუს წინააღმდეგ ბრძოლას, 7 კი პანდემიასთან ბრძოლის ეფექტურობის ზრდას შეეხებოდა.
საერთაშორისო შეთანხმებებში დაბრუნება
ბაიდენის ადმინისტრაცია იმ საერთაშორისო შეთანხმებებში ბრუნდება, საიდანაც ქვეყანა ტრამპის დროს გავიდა -კერძოდ, კლიმატის დაცვის პარიზის შეთანხმარებაში, გარდა ამის ჯანდაცვის საერთაშორისო ორგანიზაციიდან გასვლის პროცესიც შეჩერდა.
ახალმა სახელმწიფო მდივანმა ენტონი ბლინკენმა განაცხადამ რომ აშშ ირანთან ბირთვულ გარიგებაში დაბრუნებასთან დაკავშირებით მოლაპარაკებების დაწყებისთვოს მზადაა.
ბადენმა ასევე ნატოს-სთან და ევროპასთან სამოკავშირეო ურთიერთობების გამყარების მზადყოფნა დაადასტურა. ამის ერთ-ერთი მაჩვენებელი იქნება გერმანიიდან ამერიკული ჯარების გაყვანის პროცესის შეჩერება.
„ამერიკა დაბრუნდა, ჩრდილოეთ ატლანტიკური ალიანსიც დაბრუნდა“ - განაცხადა ბაიდენმა.
რა დარჩა უცვლელი ამერიკულ პოლიტიკაში?
ბევრ საკითხში ბაიდენის მიდგომები მისი წინამორბედის პოლიტიკისგან თითქმის არ განსხვავდება - მაგალითად, ვაშინგტონი ჩინურ საქონელზე შემოღებული ტარიფების გაუქმწბას არ გეგმავს, ხოლო თავად ბაიდენმა მიუნჰენის კოფერენციაზე გამოსვლის დროს პეკინის მიმართ მკაცრი კურსის შენაჩუნება დააანონსა.
ის ასევე არ ცვლის ტრამპის ადმინისტრიაციის მიდგმას რუსეთისადმი, ბაიდენმა მოსკოვი ნატო-ს დ ევროკავშირის შესუსტების მცდელობებში დაადანაშაულა, და განაცხადა რომ მათ წინ აღუდგება, თუმცამ ამავე დროს ვაშინგტონი კრემლთან დიალორგისთვის მზადყოფნაზე საუბრობს, და ბაიდენის ერთ-ერთი პირველი გადაწყვეტილება სტრატეგიული თავდასმითი შეიარაღებუს შემცირების თაოზბაზე შეთანხმების 5 წლის გაგრძელება იყო.
ამ დროისთვის გაურკვეველია ბაიდენის ადმინისტრაციის დამოკიდებულება გაზსადენ „ჩრდილოეთ ნაკადი-2“-ს მიმართ, რომლის წინაამღდეგაც ტრამპის ადმინისტრიაციამ სანქციები შემოიღო. Bloomberg-ს ინფორმაციით, ვაშინგტონმა გადაწყვიტა სანქციებისგან თავი შეიკავოს იმისთვის, რომ ბერლინი არ გაანაწყენოს.
მოამზადა თენგიზ აბლოთიამ