სლოვაკურ-ქართულმა კომპანია „ჯინო ჰოლდინგმა“ COVID -19თან საბრძოლველად 200 000 ლარი გამოყო. ჰოლდინგი ამიერკავკასიაში ყველაზე დიდ აკვაპარკს, აღმოსავლეთ ევროპაში ყველაზე მრავალფეროვან სპა და ველნეს ცენტრს, ველნეს-სასტუმროებს მცხეთასა და რაბათში და რამდენიმე დეველოპერულ პროექტს აერთიანებს.
„ჯინო ჰოლდინგის“ აღმასრულებელი დირექტორის რუსუდან ჯიქიას განცხადებით, 200 000 ლარი ასე გადანაწილდა: 150 000 StopCov ფონდში ჩაირიცხა, ხოლო 50 000 ჯინო ჰოლდინგის თანამშრომლებს ერგოთ.
„ჩვენი კომპანიის დამფუძნებელი ეროვნებით ქართველი, სლოვაკეთის მოქალაქე და საქართველოს საპატიო კონსული სლოვაკეთში ნოდარ გიორგაძეა. ბატონი ნოდარის გადაწყვეტილებით ეს სოლიდური თანხა ორ ნაწილად გაიყო და კორონა ვირუსის წინააღმდეგ ბრძოლას მოხმარდება.“ - განაცხადა რუსუდან ჯიქიამ.
მისივე თქმით ამ რთულ ვითარებაში ინვესტორის გადაწყვეტილება, არა მხოლოდ გულისხმიერი საქციელი იყო, არამედ მხნეობის და სიმტკიცის შემძენი თითოეული თანამშრომლისთვის. მიუხედავად იმისა, რომ დღეს „ჯინო-ფერედაისი“ ვერ ფუნქციონირებს ჰოლდინგმა შეინარჩუნა ყველა, ჯამში 200-ზე მეტი თანამშრომელი და დამატებით დახმარების სახით ფინანსები გამოყო.
„ბიზნესმა უნდა მოახერხოს და მოერგოს ახალ რეალობას, ბაზარზე სტაგნაციის პერიოდის აქტიურ გამოყენებას ვაპირებთ. ამ წუთებშიც, უსაფრთხოების ყველა ნორმის დაცვით ჩვენთან ინფრასტრუქტურული სამუშაოები მიმდინარეობს. მენეჯმენტი აქტიურად ემზადება გახსნისთვის - არცერთი საინვესტიციო პროექტი არ გაუქმებულა - ჰოლდინგის სამშენებლო სამუშაოებში 100-ზე მეტი ადამიანია ჩართული, ვმუშაობთ მომსახურების სტანდარტების გაუმჯობესებაზე. ჯინო ფერედაისის, ისევე როგორც მთლიანად ჰოლდინგის ერთ-ერთი მთავარი ღირებულება მზრუნველობაა. სწორედ მზრუნველობის ცალსახა მტკიცებაა ინვესტორის აქტიური ჩართულობა კორონას წინააღმდეგ ბრძოლაში და მთლიანად გუნდი ამ პრინციპზე დაყრდნობით აგრძელებს მუშაობას დისტანციურ რეჟიმში თავისთავად ცხადია. ამ დისტანციის ფონზე, როცა ერთმანეთს მხოლოდ ციფრულ სამყაროში ვეკონტაქტებით - ერთიანობა როგორც არასდროს ისეა მნიშვნელოვანი და ამ ერთიანობას - სიმტკიცით მხნეობით და ახალი გამოწვევებისთვის მზაობით თუ გამოვხატავთ“.
შეკითხვაზე სურს თუ არა რამე მოუწოდოს ჯინო-ფერედაისის მომხმარებლებს დღეს, ამ ვითარებაში რუსუდან ჯიქია გვპასუხობს: „ ჩვენ ვემზადებით თქვენთან შესახვედრად, მანამდე კი თქვენ დარჩით სახლში.“- აცხადებს რუსუდან ჯიქია.
(R)