ჯი-თი მოტორსი - „ტვ პირველის ეთერში კომპანიაზე გავრცელებული ინფორმაცია სიცრუეა“

ჯი-თი მოტორსი - „ტვ პირველის ეთერში კომპანიაზე გავრცელებული ინფორმაცია სიცრუეა“

access_time2020-10-05 19:55:50

კომპანია „ჯი-თი მოტორსი“ გუშინ ტვ პირველის ეთერში გავრცელებულ ინფორმაციას პასუხობს და საგანგებო განცხადებას ავრცელებს:


„გვსურს, გამოვეხმაუროთ ტვ პირველის ეთერში, ნოდარ მელაძის საავტორო გადაცემაში 19 სექტემბერსა და 3 ოქტომბერს გასულ სიუჟეტებს, რომლებშიც საუბარი იყო კომპანია „ჯი-თი მოტორსის“ მხრიდან თბილისის მერის, კახა კალაძისათვის ავტომობილების ჩუქებაზე.


სრული პასუხისმგებლობით ვაცხადებთ, რომ კომპანია „ჯი-თი მოტორსს“ თბილისის მერისთვის „ლენდ როვერ დეფენდერი“ და „ფორდ რაპტორი“ არ უჩუქებია. კახა კალაძემ „ლენდ როვერ დეფენდერი“ გაიყვანა იჯარის ხელშეკრულებით, ხოლო „ფორდ რაპტორი“ გაყვანილი ჰყავდა ტესტ დრაივზე. ამ ფაქტების დასადასტურებლად, „ჯი-თი მოტორსმა“ ტვ პირველს მიაწოდა ყველანაირი საჭირო ინფორმაცია და დოკუმენტაცია, რაც 3 ოქტომბრის სიუჟეტში არ გაჟღერებულა. ამიტომ, კომპანიამ მიიღო გადაწყვეტილება, აღნიშნული დოკუმენტაცია გაასაჯაროვოს.


2020 წლის 27 აგვისტოს, ანუ სიუჟეტის მომზადებამდე და ეთერში გასვლამდე დაახლოებით ერთი თვით ადრე, კახა კალაძემ კომპანია „ჯი-თი მოტორსთან“ იჯარის ხელშეკრულება გააფორმა. ამის დასტურად, წარმოვადგენთ წერილს, რომელიც ელექტრონული ფოსტის მეშვეობით კომპანიის გაყიდვების მენეჯერმა გაუგზავნა კახა კალაძეს. წერილში ჩანს, რომ კომპანია „ჯი-თი მოტორსის“ გაყიდვების მენეჯერი 2020 წლის 27 აგვისტოს კახა კალაძეს აწვდის იჯარის ხელშეკრულებას.


გარდა ამისა, ვასაჯაროებთ სადაზღვევო პოლისსაც, რომელსაც კომპანია, ზოგადად, ყველა საიჯარო ხელშეკრულების დადებისას აფორმებს. აღნიშნული დოკუმენტი ადასტურებს იჯარის ხელშეკრულების გაფორმების თარიღსა და ავტომობილის ღირებულებას. პოლისით დასტურდება, რომ კახა კალაძის ავტომობილის ღირებულება არა 94 000, არამედ 55 000 ევროა. აღნიშნული დოკუმენტაცია 25 სექტემბერს მივაწოდეთ ტვ პირველსაც.


კომპანიის გადაწყვეტილებით, ამ დრომდე დოკუმენტს არ ვასაჯაროებდით, რადგან ის შეიცავს კლიენტის პირად ინფორმაციას. თუმცა, 24 სექტემბერს, კახა კალაძემ თავად საჯაროდ ისაუბრა „ჯი-თი მოტორსთან“ გაფორმებული ხელშეკრულების შესახებ, რითაც საშუალება მოგვეცა, აღნიშნული დოკუმენტები მედიისა და საზოგადოებისთვის წარგვედგინა.



რაც შეეხება, ავტომობილის ფასის განსაზღვრას: ავტომობილის ფასს, უპირველესად, განსაზღვრას მისი აღჭურვა. ორი ავტომობილი, შესაძლოა, იყოს ერთი და იმავე ფერის, თუმცა, განსხვავდებოდეს აღჭურვით და, შესაბამისად, განსხვავდებოდეს ფასითაც. ეს დეტალი „ჯი-თი მოტორსის“ გაყიდვების მენეჯერმა ნოდარ მელაძის საავტორო გადაცემის ჟურნალისტს სატელეფონო საუბრისასაც განუმარტა, როდესაც მან კომპანიაში მომხმარებლის სახელით დარეკა.


ჟურნალისტმა ნოდარ მელაძემ გამოაქვეყნა საუბრის არასრული ჩანაწერი, რომელიც ვერ ასახავს სრულ სურათს. იმისათვის, რომ საზოგადოებამ ობიექტურად აღიქვას საუბარი და არ დაეყრდნოს მხოლოდ კონტექსტიდან ამოგლეჯილ ჩანაწერს, ვასაჯაროებთ „ჯი-თი მოტორსის“ გაყიდვების მენეჯერსა და ტვ პირველის ჟურნალისტის სატელეფონო საუბრის სრულ ვერსიასაც.


გაყიდვების მენეჯერი განმარტავს, რომ კონკრეტული მოდელის ზუსტი ფასის შესახებ ინფორმაციის მისაწოდებლად, მას სჭირდება ავტომობილის ვინ კოდი. ასევე, ის ჟურნალისტს აწვდის იმ მომენტში „შოურუმში“ არსებული ოქროსფერი „ლენდ როვერ დეფენდერის“ ფასს და აღნიშნავს, რომ იმავე ფერის მოდელი ცოტახნით ადრე გვყავდა სხვადასხვა აღჭურვისა და ფასის. ამ დეტალზე გაყიდვების მენეჯერი საუბრობს 2:00 წუთიდან.


ტვ პირველის სიუჟეტში საუბარი იყო ავტომობილ „ფორდ რაპტორზეც“. ხაზგასმით გვინდა აღვნიშნოთ, რომ მანქანა ეკუთვნის კომპანიას. „ფორდ რაპტორი“, რომელიც ნოდარ მელაძის საავტორო გადაცემის გადამღებმა ჯგუფმა კახა კალაძის ეზოში დააფიქსირა, ტესტ დრაივის ავტომობილია.


ტესტ დრაივ ავტომობილის დანიშნულებაა, მომხმარებელმა გამოსცადოს ის, ნახოს მისი შესაძლებლობები და მიიღოს ინფორმაცია, რამდენად კომფორტულია კონკრეტული მოდელი მისთვის. ეს მიღებული პრაქტიკაა საავტომობილო ინდუსტრიაში. თუმცა, არც ერთ მომხმარებელს „ჯი-თი მოტორსი“ არ ავალდებულებს ტესტ-დრაივ ავტომობილის რეკლამირებას. რაც შეეხება პერიოდს, ეს დამოკიდებულია მომხმარებლის სურვილსა და ავტომობილზე არსებულ მოთხოვნაზე. ტესტ დრაივი, შესაძლოა, გაგრძელდეს ერთ საათს, რამდენიმე დღეს, ან რამდენიმე კვირას. რიგ შემთხვევებში, როცა ჩვენთან მომხმარებელს გარკვეული სერვისის მისაღებად მოჰყავს საკუთარი ავტომობილი და ველოდებით საზღვარგარეთიდან ნაწილის ჩამოსვლას, ტესტ დრაივის ავტომობილს მას 1 თვის განმავლობაშიც კი ვატანთ.


კახა კალაძემ ტესტ დრაივზე ავტომობილი გაიყვანა 8 სექტემბერს და დააბრუნა 16 სექტემბერს. „ფორდ რაპტორის“ კომპანიისთვის დაბრუნებიდან მეორე დღესვე, ავტომობილი ტესტ დრაივზე რამდენიმე დღით სხვა მომხმარებელმაც იმავე პირობებით გაიყვანა. ამის დასადასტურებლად, წარმოგიდგენთ „შეთანხმებას სადემონსტრაციო ავტომობილის სატესტო მართვის შესახებ“, რომელიც გაფორმდა ჯი-თი მოტორსსა და კახა კალაძეს შორის.


აღსანიშნავია, რომ „ჯი-თი მოტორსის“ გუნდმა 25 სექტემბერს ნოდარ მელაძის საავტორო გადაცემას მიაწოდა ყველანაირი ინფორმაცია „ფორდ რაპტორის“ ტესტ დრაივით გაყვანის და „ლენდ როვერ დეფენდერის“ იჯარის ხელშეკრულების გაფორმების შესახებ. ასევე, ოფისში მისულ გადამღებ ჯგუფს აჩვენა სწორედ ის ავტომობილი, რომელიც მათ კახა კალაძის სახლის ეზოში გადაიღეს.


ამ ყველაფრიდან გამომდინარე, სრული პასუხისმგებლობით ვაცხადებთ, რომ ტვ პირველის მიერ გავრცელებული ინფორმაცია, თითქოს კომპანია „ჯი-თი მოტორსი“ თბილისის მერიასთან რაიმე სახის კორუფციულ გარიგებაში შევიდა, ან ტენდერში გამარჯვების სანაცვლოდ, რომელიმე მაღალჩინოსანს რაიმე სახის საჩუქარი გადასცა, სიცრუეა. ტენდერთან დაკავშირებული ყველა სახის დოკუმენტაცია საჯაროა და მისი გადამოწმება ნებისმიერ მსურველს შეუძლია სახელმწიფო შესყიდვების სააგენტოს ოფიციალურ ვებ-გვერდზე - http://www.procurement.gov.ge/


ibusiness.ge





„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“

„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“
access_time2020-11-24 16:25:46
მწვავე პანდემიურ პერიოდში აუცილებელია ვიზრუნოთ პატარების იმუნიტეტისა და ორგანიზმის მოძლიერებაზე. ბავშვებისთვის ვიტამინებისა და...

24 ნოემბერი - რეგიონში ქართული ლარი და თურქული ლირა გაუფასურდა

24 ნოემბერი - რეგიონში ქართული ლარი და თურქული ლირა გაუფასურდა
access_time2020-11-24 18:15:33
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 24 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3193 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-24 21:00:28
დღის Top 10 საინტერესო ამბავი: 1.„პოლიტიკური სტაბილურობა და დემოკრატიული გარემო ინვესტორისთვის პრიორიტეტია და მხოლოდ მთავრობის ბენეფიტების გამო არ შემოვა“ ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ...

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?
access_time2020-11-24 14:40:04
პანდემიის მეორე ტალღა პირველთან შედარებით გაცილებით მძიმე ჩანს. ინფიცირებულთა მაჩვენებელი ყოველდღიურად მატულობს და ახალ ანტირეკორდებს ხსნის, რაც ზოგად მდგომარეობას საკმაოდ...

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
access_time2020-11-24 17:30:23
ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის... ...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის...


მსგავსი სიახლეები

up