"ჯერჯერობით კონსესუსს ვერ მივაღწიეთ" - ლუდის ინდუსტრია ხელისუფლებისგან შეღავათებს ითხოვს

access_time2021-05-14 15:00:48

ლუდის სექტორსა და სახელმწიფოს შორის რიგ საკითხებზე შეთანხმების მიღწევა ამ დრომდე ვერ ხერხდება. კორონავირუსის პანდემიის პირობებში ინდუსტრია მთავრობისგან დახმარებას ითხოვდა, თუმცა უშედეგოდ. სექტორის მხრიდან წაყენებულ მოთხოვნებს შორის აქციზის გადახედვა და დღგ-ს გადავადება პრიორიტეტულ საკითხებად სახელდებოდა.

 

როგორც კომპანია „ზედაზენის“ დირექტორი, კახაბერ კოტრიკაძე აცხადებს, სექტორს მძიმე ტვირთად დააწვა ახლად ამოქმედებული რეგულაციებიც.

 

„სახელმწიფოს შეღავათების დაწესებას ვთხოვდით. თუნდაც, აქციზის შემცირების თვალსაზრისით. ვითხოვდით, რომ რაღაც პერიოდით 2014 წლამდე ნიშნულს დავბრუნებოდით. ეს იმის საშუალებას მოგვცემდა, რომ პროდუქციაზე ფასები დაგვეჭირა და მომხმარებელი უფრო მეტად გაგვეხალისებინა. ასევე მნიშვნელოვანია, რომ ის ახალი რეგულაციები, რასაც ჩვენი ქვეყანა იღებს დაჩქარებულ რეჟიმში, როგორიც არის მწარმოებელთა გაფართოებული ვალდებულება, შრომის კანონი და ა.შ, ესეც უნდა ყოფილიყო სახელმწიფოს მხრიდან მხარდაჭერილი. ყველა ახალ რეგულაციას კომპანიის მხრიდან დამატებითი რესურსის გამოყოფა სჭირდება. გვქონდა მიმართვები, რომ მწარმოებელთა გაფართოებული პასუხისმგებლობის რეგულაციას სხვანაირი ინტერპრეტაცია ჰქონოდა. შევთავაზეთ კიდეც სახელმწიფოს ჩვენი ხედვები, თუმცა ჯერჯერობით კონსესუსს ვერ მივაღწიეთ. ეს ყველაფერი პირდაპირ აისახება ბიზნესზე. არსებულ მძიმე ეკონომიკურ გარემოში ეს რთული მისაღები და დასანერგია“,- განაცხადა კახაბერ კოტრიკაძემ.


 

პანდემიის პირობებში არაერთი გამოწვევის წინაშე აღმოჩნდა ლუდი "ნატახტარის" მწარმოებელი „ეფეს საქართველოც“. კომპანიის კორპორაციულ საქმეთა დირექტორი, ნიკოლოზ ხუნძაკიშვილი იმ მიზეზებს განმარტავს, რომლის გამოც ინდუსტრია შეღავათებს ითხოვდა.

 

„ჩვენ ბოლო 1 წელია მთავრობასთან კომუნიკაცია გვაქვს, რომ შესაძლო შეღავათები ყოფილიყო სასმელების ინდუსტრიის წახალისების თვალსაზრისით, თუმცა ეს შეღავათები არ იქნა გათვალისწინებული. ეს ეხებოდა მაგალითად, დღგ-ს გადავადებას, აქციზის გადავადებას, გარკვეული პერიოდის განმავლობაში. ჩვენი სამუშაო კაპიტალის ძალიან დიდი ნაწილი ჩარჩა HoReCa სექტორში, რომელიც თითქმის 8 თვის განმავლობაში ვეღარ ამოვიღეთ. ეს იმას ნიშნავს, რომ ზოგადად ინდუსტრიას ქეშის პრობლემა შეექმნა. ინდუსტრიის დახმარება გავიდა იმ ძირითადი დახმარების კატეგორიებში, რომელიც ხელისუფლებამ გამოაცხადა სტიმულირების გეგმების თვალსაზრისით. მაგრამ კარგია, რომ იქნა სხვა ტიპის დახმარებები გათვალისწინებული. მათ შორის, რეგულაციების ოდნავ დაყოვნება და გადავადება. მაგალითად, მწარმოებლის გაფართოებული ვალდებულების საკითხი, რომელიც პრაქტიკულად 2023 წლამდე გადავადდა“,- აღნიშნა ხუნძაკიშვილმა.


წყარო: ბიზნესპარტნიორი





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...

ყველაზე დიდი ბრუნვის მქონე 10 კომპანია და მათი მფლობელები

ყველაზე დიდი ბრუნვის მქონე 10 კომპანია და მათი მფლობელები
access_time2021-06-14 15:30:31
„კავკასიის ავტოიმპორტი“, „ბეთლაივი“, „ავიატორი“, „სოკარ ჯორჯია გაზი“, „ენერგო-პრო ჯორჯია“, ეს იმ კომპანიების ნაწილია, რომელთაც 2021 წლის I კვარტალში ყველაზე დიდი ბრუნვა ჰქონდათ.   „ბიზნესპრესნიუსი“ ავრცელებს ინფორმაციას, ყველაზე დიდი ბრუნვის მქონე ტოპ-10 კომპანიის შესახებ:   შპს კავკასიის ავტოიმპორტი - სამეწარმეო რეესტრის მიხედვით, კომპანია...


მსგავსი სიახლეები

up