ჯეფ ბეზოსსა და ილონ მასკს ქველმოქმედებაში საკუთარი ქონების 1%-ზე ნაკლები აქვთ დახარჯული

ჯეფ ბეზოსსა და ილონ მასკს ქველმოქმედებაში საკუთარი ქონების 1%-ზე ნაკლები აქვთ დახარჯული

access_time2021-10-11 21:30:00

გამოცემა Forbes-ის მიერ გამოქვეყნებული ახალი რეიტინგის მიხედვით, უმსხვილესი ონლაინმაღაზია Amazon-ის დამფუძნებელი ჯეფ ბეზოსი, კომპანია Tesla-სა და SpaceX-ის აღმასრულებელ დირექტორ ილონ მასკთან ერთად იმ 165 მილიარდერის რიგებში მოხვდა, რომლებმაც საკუთარი ცხოვრების განმავლობაში ქველმოქმედებას თავისი ქონების 1%-ზე ნაკლები შესწირეს. დაანგარიშების დროს სპეციალისტებს არ გაუთვალისწინებიათ კერძო ფონდები, ასევე საქველმოქმედო ორგანიზაციებში გადარიცხული თანხები, რომელთაგან გარკვეულ ფინანსურ სარგებელს თვითონ შემომწირველებიც იღებენ.



ექსპერტებმა მიმდინარე წლის Forbes 400-ში შემავალი მილიარდერები ხუთ ჯგუფში გაანაწილეს. თითოეული იმ პირებს აერთიანებს, რომლებმაც ქველმოქმედებაში ამ დროისთვის მათ განკარგულებაში არსებული ქონების 1%-ზე ნაკლები, 1%-დან 5%-მდე, 5%-დან 10%-მდე, 10%-დან 20%-მდე და 20%-ზე მეტი დახარჯეს.


აღსანიშნავია, რომ უკანასკნელ ჯგუფში მხოლოდ რვა ადამიანი მოხვდა. მათ შორის ყველაზე გულუხვი ამერიკელი ბიზნესმენი და ინვესტორი, უორენ ბაფეტი აღმოჩნდა. როგორც ცნობილია, მან ქველმოქმედებისთვის საერთო ჯამში დაახლოებით 44 მილიარდი აშშ დოლარი გაიღო. ამ დროისთვის ბაფეტის ქონება 103.1 მილიარდ აშშ დოლარს შეადგენს. შედეგად, ის Forbes-ის მიერ გამოქვეყნებულ მილიარდერების ყოველდღიურ რეიტინგში 11 ოქტომბრის მონაცემებით მე-9 ადგილს იკავებს.




საკუთარი ქონების 10%-დან 20%-მდე წილი ქველმოქმედებისთვის Forbes 400-ში შემავალმა თერთმეტმა მილიარდერმა გაიღო. მათ შორის მოხვდა ჯეფ ბეზოსის ყოფილი ცოლი მაკენზი სკოტი, რომელიც ფილანთროპიული მიზნებისთვის საკუთარი სიმდიდრის 13%-ს შეელია. აღსანიშნავია, რომ ამ დროისთვის სკოტის ქონება 55.3 მილიარდ აშშ დოლარად არის შეფასებული. ქველმოქმედებაში თავისი ფინანსური მონაგარის 5%-დან 10%-მდე ნაწილი – 44-მა, 1%-დან 5%-მდე ნაწილი კი 116-მა მილიარდერმა დახარჯა. რაც შეეხება ჯეფ ბეზოსსა და ილონ მასკს, რომლებიც ამ დროისთვის მსოფლიოს უმდიდრეს ადამიანების ჩამონათვალში პირველ და მეორე ადგილებს ინაწილებენ, ამ მხრივ ისინი ყველაზე ძუნწები აღმოჩნდნენ, ვინაიდან ქველმოქმედებაში ქონების 1%-ზე ნაკლები დახარჯეს. შეგახსენებთ, რომ Amazon-ის დამფუძნებელი ამ დროისთვის 191.7 მილიარდ აშშ დოლარს ფლობს და Forbes-ის რეიტინგში მეორე პოზიციაზეა, Tesla-სა და SpaceX-ის აღმასრულებელი დირექტორი კი 202.1 მილიარდი აშშ დოლარით ჩამონათვალს ლიდერობს.



წყარო: forbes.ge





საქართველოში ყველის ძირითადი იმპორტიორი გერმანიაა

საქართველოში ყველის ძირითადი იმპორტიორი გერმანიაა
access_time2021-11-28 21:00:55
საქართველოდან ყველის ექსპორტი 41%-ით გაიზარდა. „საქსტატის“ მონაცემებით, 2021 წლის იანვარ-ოქტომბერში საქართველომ 101.9 ტონა ყველის ექსპორტში $642.6 ათასის შემოსავალი...

მატარებელი ფრთებით - განვითარების რა ეტაპზეა რკინიგზა მსოფლიოში

მატარებელი ფრთებით - განვითარების რა ეტაპზეა რკინიგზა მსოფლიოში
access_time2021-11-28 22:30:05
...

რატომაა აუცილებელი საპორტო სიმძლავრეების გაზრდა საქართველოსთვის

რატომაა აუცილებელი საპორტო სიმძლავრეების გაზრდა საქართველოსთვის
access_time2021-11-29 00:00:11
...

ქართული წვენების ექსპორტი გაიზარდა - შემოსავალი $8 მილიონს აჭარბებს

ქართული წვენების ექსპორტი გაიზარდა - შემოსავალი $8 მილიონს აჭარბებს
access_time2021-11-28 19:00:46
2021 წლის იანვარ-ოქტომბერში გასული წლის შესაბამის პერიოდთან შედარებით, საქართველომ ხილის და ბოსტნეულის წვენების ექსპორტი 22%-ით, 6.7 ათას ტონამდე გაზარდა. „საქსტატის“ მონაცემებით, $6.5 მილიონიდან $8.2 მილიონამდე გაიზარდა ექსპორტიდან მიღებული...

როგორ მუშაობს პროექტი ,,იმუშავე საქართველოდან“

როგორ მუშაობს პროექტი ,,იმუშავე საქართველოდან“
access_time2021-11-28 18:00:19
პროექტ ,,იმუშავე საქართველოდან“ ამოქმედებიდან დღემდე, 3129 უცხოელი დარეგისტრირდა, საიდანაც 501 აპლიკანტს უარი ეთქვა - ამის შესახებ საქართველოს ტურიზმისა და კურორტების ეროვნულ ადმინისტრაციაში განაცხადეს. უწყების ცნობით, ქვეყნაში უკვე შემოსულია 1 117 პირი, რაც პოტენციურად 6 თვის განმავლობაში 14 მლნ...


მსგავსი სიახლეები

up