ჯეფ ბეზოსმა უსახლკაროების დასახმარებლად $100 მილიონამდე თანხა გაიღო

ჯეფ ბეზოსმა უსახლკაროების დასახმარებლად $100 მილიონამდე თანხა გაიღო

access_time2021-11-20 15:30:23

უმსხვილესი ონლაინმაღაზია Amazon-ისა და კომპანია Blue Origin-ის დამფუძნებელი, ჯეფ ბეზოსი ორგანიზაციებს, რომლებიც უსახლკარო ოჯახებს ეხმარებიან, 96.2 მილიონ აშშ დოლარს გადასცემს. ამის შესახებ ინფორმაცია ამერიკელი მილიარდერის საქველმოქმედო ფონდმა, Bezos Day One Fund-მა გაავრცელა.

როგორც ცნობილია, ზემოხსენებულ თანხას 750 ათასიდან 5 მილიონ აშშ დოლარამდე მოცულობის გრანტის სახით აშშ-ის 21 შტატში მოქმედი 32 ორგანიზაცია მიიღებს. აღსანიშნავია, რომ საქველმოქმედო ფონდი ჯეფ ბეზოსმა 2018 წელს, მაკენზი სკოტთან ერთად დააარსა, რომელიც ამ დროს ჯერ კიდევ მისი ცოლი იყო. Bezos Day One Fund-ი უსახლკარო ოჯახებისთვის ყოველწლიურად 100 მილიონ აშშ დოლარამდე თანხას გამოყოფს. საერთო ჯამში ფონდმა ქველმოქმედებისთვის უკვე 398 მილიონი აშშ დოლარი გაიღო.

შეგახსენებთ, რომ გასულ წელს ბეზოსმა კიდევ ერთი ფონდისთვის, Bezos Earth Fund-ისთვის, რომლის მიზანიც კლიმატის ცვლილების წინააღმდეგ ბრძოლაა, 10 წლის განმავლობაში 10 მილიარდი აშშ დოლარის შეგროვების პირობა დადო. ამას გარდა, მან სმითსონის ინსტიტუტის საჰაერო და კოსმოსური ეროვნული მუზეუმისთვის 200 მილიონი აშშ დოლარის გადაცემა დააანონსა. Forbes-ის ცნობით, ბიზნესმენს მსგავსი არაერთი დაპირება აქვს გაცემული.

აღსანიშნავია, რომ 1997 წლიდან დღემდე, მას შემდეგ რაც Amazon-მა აქციები საჯაროდ პირველად განათავსა, ჯეფ ბეზოსმა საერთო ჯამში დაახლოებით 27 მილიარდი აშშ დოლარის ღირებულების ფასიანი ქაღალდები გაყიდა. ბიზნესმენმა აქედან ქველმოქმედების მიზნით კომპანიის 650 მილიონი აშშ დოლარის ღირებულების აქციები გასცა.


Forbes-ის მიერ ცოტა ხნის წინ გამოქვეყნებული რეიტინგის მიხედვით ჯეფ ბეზოსი კომპანია Tesla-სა და SpaceX-ის აღმასრულებელ დირექტორ ილონ მასკთან ერთად იმ 165 მილიარდერის რიგებში მოხვდა, რომლებმაც საკუთარი ცხოვრების განმავლობაში ქველმოქმედებას თავისი ქონების 1%-ზე ნაკლები შესწირეს. დაანგარიშების დროს სპეციალისტებს არ გაუთვალისწინებიათ კერძო ფონდები, ასევე საქველმოქმედო ორგანიზაციებში გადარიცხული თანხები, რომელთაგან გარკვეულ ფინანსურ სარგებელს თვითონ შემომწირველებიც იღებენ.

ცნობისთვის, ჯეფ ბეზოსი Forbes-ის მილიარდერთა სიაში მეორე ადგილს იკავებს. ამ დროისთვის მისი ქონება 204.3 მილიარდ აშშ დოლარად არის შეფასებული. Amazon-ისა და Blue Origin-ის დამფუძნებელს ჩამონათვალში ილონ მასკი უსწრებს, რომელიც, ბოლო მონაცემებით, 286 მილიარდი აშშ დოლარის მფლობელია.


წყარო: forbes.ge




„თეგეტა“ 2022 წელს სრული მომსახურების ციფრულ პლატფორმებზე მოქცევას გეგმავს

„თეგეტა“ 2022 წელს სრული მომსახურების  ციფრულ პლატფორმებზე მოქცევას გეგმავს
access_time2022-01-26 18:55:52
ციფრული სისტემებისა და ელექტრონული კომერციის მსოფლიო ტენდენციების ფონზე მომხმარებლისთვის თეგეტას ერთ გაჯეტში მოქცევა  ბოლო წლების პრიორიტეტია - ამის შესახებ კომერსანტთან „თეგეტა ჰოლდინგის“ აღმასრულებელმა დირექტორმა ვახტანგ კაჭარავამ ისაუბრა. მისი თქმით, დიჯიტალიზაციის მიზანია ავტომობილის მფლობელებს კიდევ უფრო...

“ჯორჯიან ეარვეისმა” მოსკოვის მიმართულებით პირდაპირი რეისი გააუქმა

“ჯორჯიან ეარვეისმა” მოსკოვის მიმართულებით პირდაპირი რეისი გააუქმა
access_time2022-01-26 18:55:58
ავიაკომპანია "ჯორჯიან ეარვეისმა” მოსკოვის მიმართულებით პირდაპირი ფრენა გააუქმა. ამის შესახებ ინფორმაციას კომპანია ავრცელებს. შეგახსენებთ, რომ დღეს დილით გავრცელდა ინფორმაცია, რომ “ჯორჯიან ეარვეისმა” მოსკოვის მიმართულებით პირდაპირი რეისი ჩანიშნა. პირდაპირი რეისი თბილისი-მოსკოვი-თბილისის მიმართულებით 28 იანვარს უნდა შესრულებულიყო.

დღის TOP10 საინტერესო ამბავი

დღის TOP10 საინტერესო ამბავი
access_time2022-01-26 21:00:18
დღის TOP10 საინტერესო ამბავი1. ქართული ღვინის ექსპორტზე უკრაინაში მიმდინარე მოვლენების გავლენა ჯერ არ...

26 იანვარი - ლარის კურსი დოლართან, ევროსთან და რუბლთან მიმართებით გამყარდა

26 იანვარი - ლარის კურსი დოლართან, ევროსთან და რუბლთან მიმართებით გამყარდა
access_time2022-01-26 18:00:52
26 იანვრის ვაჭრობის შედეგად ლარი აშშ დოლართან მიმართებაში 0.24 თეთრით 3.0696- მდე გამყარდა. Bloomberg-ის პლატფორმაზე დღის ბოლოს კურსმა 3.0635 შეადგინა. საერთაშორისო ვალუტებიდან ლარი ევროსთან 0.36 თეთრით 3.4625-მდე, 100 რუსულ რუბლთან 3.22 თეთრით 3.8759-მდე,  1000 სომხურ დრამთან კი 1.49 თეთრით 6.3685-მდე, აზერბაიჯანულ მანათთან 0.14 თეთრით 1.8052-მდე გამყარდა. ბრიტანულ ფუნტთან 1.06 თეთრით 4.1464-მდე, თურქულ ლირასთან 0.01...

„თეგეტამ“ სპეციალური და მძიმე ტექნიკის მიმართულება გააფართოვა

„თეგეტამ“ სპეციალური და მძიმე ტექნიკის მიმართულება გააფართოვა
access_time2022-01-26 16:55:34
საერთაშორისო კრიზისის მიუხედავად, თეგეტა ჰოლდინგმა გასულ წელს მძიმე და  სპეციალური ტექნიკის მიმართულების გაფართოება შეძლო. ამის შესახებ ჰოლდინგის აღმასრულებელმა დირექტორმა, ვახტანგ კაჭარავამ კომერსანტთან წლის შემაჯამებელ ინტერვიუში ისაუბრა. კომპანიამ 2021 წელს რამდენიმე ახალი ბრენდი დაიმატა, მათ შორის: Renault-ის სატვირთო მიმართულება, რომლის გაყიდვებსაც 2022 წლის მეორე კვარტლიდან დაიწყება, სამშენებლო მიმართულებით FIAT ჯგუფის ბრენდები,  Marin და...


მსგავსი სიახლეები

up