„ჯავშნები პრაქტიკულად, არ არის“ -  რას შესთავაზებენ წელს გუდაურის სასტუმროები დამსვენებლებს

„ჯავშნები პრაქტიკულად, არ არის“ - რას შესთავაზებენ წელს გუდაურის სასტუმროები დამსვენებლებს

access_time2020-11-18 18:00:00

თუ გასულ სეზონს გუდაურის სასტუმრობის უმრალესობა ახალ წელს 100%-იანი დატვირთვით შეხვდა, 2020-ში პანდემიამ ვითარება რადიკალურად შეცვალა. როგორც „ბიზნესპრესნიუსთან“ სასტუმროების წარმომადგენლები აცხადებენ, ზოგადად, ჯავშნები 97%-ით შეუმცირდათ, ადგილობრივი დამსვენებლები კი, ამ დრომდე არ ჩანან.

შექმნილი ვითარების გამო, კომპლექსები გეგმავენ, რომ ბიზნესი საკუთარი სახსრებით გადაარჩინონ, შიდა ტურისტებს კი, რაც შეიძლება მეტი ფასდაკლების პაკეტი შესთავაზონ.

სასტუმრო „გუდაურას“ დირექტორი ირაკლი კუტალია: „ჯავშნები პრაქტიკულად, არ არის. ყოველ შემთხვევაში, შარშანდელთან შედარებით, 97%-ით გვაქვს შემცირებული, რადგან ძირითადად, უცხოელ ტურისტებზე ვმუშაობდით.

ვგეგმავთ, რომ საკუთარი სახსრებით გადავარჩინოთ ბიზნესი. თუმცა ფასების მომატებას არ ვაპირებთ. გვინდა, რომ გარკვეული შეთავაზებები გავუკეთოთ დამსვენებლებს და ამ გზით მოვიზიდოთ ტურისტები. ამ მიმართულებით ჯერ ისევ სამუშაო პროცესში ვართ.

ჯერჯერობით პირადი სახსრებით ვიმუშავებთ, სასტუმრო რომ არ დაიხუროს და შემდეგ უკვე, გაზაფხულზე შევხედავთ, რა სიტუაცია იქნება, იმის მიხედვით დავგეგმავთ შემდეგ ნაბიჯებს“,- განაცხადა ირაკლი კუტალიამ.


სასტუმრო „ქუადრუმის“ ხელმძღვანელი ირაკლი ერისთავი ამბობს, რომ ამ დროისთვის, უცხოელების მხრიდან ჯავშნები მაინც არის. თუმცა, პანდემიის და ფრენების სირთულის გამო, სავარაუდოდ, გაუქმდება.

„ჩვენი სასტუმრო პანდემიის დაწყებისას, გაზაფხულზე დაიხურა. თუმცა ივლისის ბოლოსკენ ყველანარი ზომების დაცვით გავხსენით. ამ დროისთვის რა თქმა უნდა, ჯავშნები გაცილებით ნაკლებია, ვიდრე გასულ წელს. ჩვენ მაინც უფრო ორიენტირებული ვიყავით უცხოელ ტურისტებზე. მათი მხრიდან ნომრების 30-40% დაჯაშვნილია. ძირითადად არიან რუსეთიდან, უკრაინიდან და სხვა ქვეყნებიდან. თუმცა, სამწუხაროდ, ალბათ, ყველა გაუქმდება ფრენების სირთულის გამო. ჩვენ უკვე მზად ვართ ამისთვის და ვეუბნებით, რომ წინასწარ თანხის გადმორიცხვა არ გვინდა, რადგან მისი დაბრუნებაც შემდეგ საკმაოდ დიდ სირთულეებთან არის დაკავშირებული.

რაც შეეხება ადგილობრივებს, მათი მხრიდან ჯავშნები საერთოდ არ გვაქვს. ზოგადად, ქართველები დიდი ხნით ადრე ნაკლებად ჯავშნიან.

გასულ წელს მთლიანი ზამთარი წინასწარ იყო დაჯაშვნილი, მაგრამ ახლა ასეთ ვითარებაში აღმოვჩნდით.

მზად ვართ იმისთვისაც, რომ შესაძლოა, ზარალზე მოგვიწიოს მუშაობა, მაგრამ მაქსიმალურად ვცდილობთ, ადგილობრივ ტურისტებს მოვერგოთ და დავაინტერესოთ. ფასების მომატებაზე საერთოდ არ არის საუბარი, პირიქით, გვინდა, რომ რაც შეიძლება მეტი შეღავათიანი პაკეტი შევთავაზოთ“,-აცხადებს ირაკლი ერისთავი.

BPN.GE

თეგები:
სასტუმრო



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up