ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ კორონავირუსის პანდემიასთან ბრძოლას 20-25 მილიარდი დოლარის ინვესტიცია სჭირდება.
„კორონავირუსის პანდემიამ ფუნდამენტური ჭეშმარიტება ცხადყო: პრევენცია მკურნალობას სჯობს. ის ასევე იაფია. თუ პანდემია განუწყვეტლივ გაგრძელდება, საერთაშორისო სავალუტო ფონდის შეფასებით, 2026 წლისთვის მსოფლიომ, შესაძლოა, 5.3 ტრილიონი დოლარის ეკონომიკური ზარალი განიცადოს. სწორი ქმედებების განხორციელებით, ჩვენ პანდემიის დასრულებას შევძლებთ. თუმცა, ჩვენ ფუნდამენტური ცვლილებები უნდა განვახორციელოთ. მარტივად რომ ვთქვათ, მზადყოფნისა და რეაგირების დაფინანსების არსებული არქიტექტურა დასახულ მიზანს არ შეესაბამება“, - აღნიშნა ტედროს ადჰანომ გებრეიესუსმა.
ჯანდაცვის მსოფლიო ორგანიზაციის გენერალურმა დირექტორმა ასევე განაცხადა, რომ საჭირო ინვესტიციის მოცულობაა 20-25 მილიარდ დოლარს შადგენს, რაც ტესტებზე, სამკურნალო საშუალებებსა და ვაქცინებზე წვდომის გაფართოებისთვის არის საჭირო.
გარდა ამისა, აღნიშნული მოცულობის ინვესტიცია საჭიროა ჯანდაცვის მსოფლიო ორგანიზაციის მიერ დასახული მიზნის მისაღწევად, რომლის თანახმად, მიმდინარე წლის ბოლომდე ყველა ქვეყანაში მოსახლეობის 40%-ის ვაქცინაცია უნდა მოხდეს.
imedinews.ge