ჯანდაცვის სამინისტროში სამი კლინიკის განვითარების პროექტის პრეზენტაცია გაიმართა

ჯანდაცვის სამინისტროში სამი კლინიკის განვითარების პროექტის პრეზენტაცია გაიმართა

person access_time2016-02-09 14:20:50

სამედიცინო კლინიკების განვითარების პროექტის პრეზენტაციას საპარტნიორო ფონდის  აღმასრულებელი დირექტორი დავით საგანელიძე  შრომის, ჯანმრთელობისა და სოციალური დაცვის მინისტრთან დავით სერგეენკოსთან ერთად დაესწრო. 

მთავრობის მიერ გამოცხადებულ  სამედიცინო კლინიკების განვითარების პროექტში ინვესტორის გამოსავლენ ტენდერში  ინტერესი სამმა კომპანიამ გამოხატა, თუმცა  წინადადებები ოფიციალურად ავსტრიულმა „ალფამედიკ კონსორციუმმა“ (AlphaMedic Consortium) წარადგინა. 


ავსტრიულმა კომპანიამ,  კლინიკებისა და პირველადი ჯანდაცვის სექტორის განვითარების საკუთარი კონცეფციის პრეზენტაცია შრომის, ჯანმრთელობისა და სოციალური დაცვის სამინისტროსა და საპარტნიორო ფონდისთვის გამართა. 


საპარტნიორო ფონდი  „ალფამედიკ კონსორციუმის“  მიერ წარმოდგენილ პროექტს  შრომის, ჯანდაცვისა და სოციალური დაცვის სამინისტროსთან ერთად  სწავლობს, რის შემდეგაც  იქნება მიღებული საბოლოო გადაწყვეტილება.     



დავით საგანელიძის განცხადებით, ეს არის ერთ-ერთი ყველაზე დიდი პროექტი, რომელიც საქართველოს ჯანდაცვის სფეროში განხორციელდება.  „ვამაყობ, რომ საპარტნიორო ფონდი ამ პროექტის მნიშვნელოვანი მონაწილეა. ფონდში ასევე წარმატებით არის დაწყებული პროექტი, რომელიც ფარმაცევტულ სფეროში წამლების გაიაფებას  უზრუნველყოფს. მოსახლეობამ უკვე შენიშნა, რომ წამლები იაფდება. ჩვენ ვფიქრობთ, რომ პრეპარატებზე ფასი მინიმუმ 30%-ით დაიკლებს, ხოლო როცა ახალი ფარმაცევტული ქარხანა დაიწყებს ფუნქციონირებას წამლების ღირებულება განახევრდება. რაც შეეხება საქართველოში პირველ მაშტაბურ რეფორმას, რომელიც ჰოსპიტალურ და ჯანდაცვის სფეროში უნდა განხორციედეს, ყველაზე საუკეთესო შეთავაზება  ტენდერში ალფამედიკმა წარმოადგინა. ახლა, სწორედ მათი წინადადებების შესწავლა-დამუშავება მიმდინარეობს. რა თქმა უნდა, აღნიშნული კომპანია გამარჯვებულად ჯერ არ გამოგვიცხადებია. გადაწყვეტილებას  წარმოდგენილი წინადადებების დეტალურად განხილვის შემდეგ მივიღებთ’’, აღნიშნა დავით საგანელიძემ. მისივე განცხადებით, „ალფამედიკი“ საკმაოდ სერიოზული და ძლიერი კომპანიაა, რომელსაც ანალოგიური რეფორმა ბევრ ქვეყანაში აქვს წარმატებულად განხორციელებული. პროექტის ღირებულება დაახლოებით ნახევარ მილიარდ დოლარამდეა. „ინვესტორს ვალდებულება აქვს მოიზიდოს დამატებითი ფინანსები. სახელმწოფო კი საპარტნიორო ფონდის  სახით მიიღებს მონაწილეობას. თანხის ოდენობა ჯერ განსაზღვრული  არ არის.  ჩვენ მხოლოდ საწყის ეტაპზე რამოდენიმე წელი ვმონაწილეობთ ბიზნესში, რათა გავაძლიეროდ მათი  საწყისი კაპიტალი. აწყობილი ბიზნესი კი რჩება ჩვენს პარტნიორს, საპარტნიორო ფონდი კი იბრუნებს თანხას გარკვეული მოგებით. ვფიქრობ, რომ  სახელმწიფო და კერძო სექტორების პარტნიორობის (PPP) პროექტები კერძო სექტორისა და სახელმწიფოს თანაარსებობის  საუკეთესო მაგალიათია, როგორც ფარმაცევტულ, ასევე ჰოსპიტალურ სფეროში“, აღნიშნა დავით საგანელიძემ.


საპარტნიორო ფონდმა კონსულტანტ კომპანია „გლობალური ალიანსთან“ (Global Alliance for Health and Social Compact) ერთად სახელმწიფო საკუთრებაში არსებული სამედიცინო კლინიკების განვითარების პროექტის ტექნიკურ-ეკონომიკური კვლევა  განახორციელა. კვლევის საფუძველზე სამთავრობო ჯანდაცვის სისტემის რეფორმირების პროგრამის ფარგლებში, მთავრობის მიერ გამოცხადდა ტენდერი, რომელშიც მონაწილე სამი კომპანიიდან გამარჯვების პრეტენდენტი „ალფამედიკ კონსორციუმი“ გახდა. 


სატენდერო პირობების თანახმად, გამარჯვებულ კომპანიას   ეკისრება  ვალდებულება,  საჯარო და კერძო პარტნიორობის ფორმატში, მოიზიდოს ინვესტიციები და  განახორციელოს სამედიცინო კლინიკების განვითარების კონცეფცია. ასევე საქართველოს მასშტაბით განავითაროს მაღალტექნოლოგიური მეთოდებით და სამედიცინო აპარატურით აღჭურვილი ამბულატორიული ქსელი.  


სამედიცინო კლინიკების განვითარების ტექნიკურ-ეკონომიკურ კვლევა მოიცავს შპს „თბილისის ბავშვთა ინფექციური კლინიკური საავადმყოფოს“; ყოფილი რესპუბლიკური საავადმყოფოს ტერიტორიაზე განთავსებულ უძრავი ქონებას და სს „უნივერსალურ სამედიცინო ცენტრს.“ (ყოფილი ონკოლოგიის ცენტრი).



სამედიცინო ბიზნესი ბიუჯეტის ხარჯზე – როგორ მდიდრდებიან კონკრეტული ბიზნეს ჯგუფები საყოველთაო ჯანდაცვის პროგრამით

სამედიცინო ბიზნესი ბიუჯეტის ხარჯზე – როგორ მდიდრდებიან კონკრეტული ბიზნეს ჯგუფები საყოველთაო ჯანდაცვის პროგრამით
access_time2020-01-20 16:45:57
საყოველთაო ჯანდაცვა წარმოადგენს პროექტს, რომელიც ყველა მოქალაქეს აძლევს საშუალებას მიიღოს სამედიცინო სერვისი. იმის მიუხედავად როგორია მისი ცხოვრების დონე, თუ შემოსავალი. შესაბამისად, ჯანდაცვის წილიც მთლიან ბიუჯეტში საკმაოდ მაღალია და ის თითქმის, საერთო ბიუჯეტის მეოთხედს შეადგენს. მაგალითად, მიმდინარე წელს ჯანდაცვის ბიუჯეტი 4.347 მილიარდი ლარია, მაშინ როდესაც გასული წლის ბიუჯეტი 3.968 მილიარდს არ აღემატებოდა. თუმცა, ეს მხოლოდ 2 წლის სტატისტიკა არ არის, თუ...

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”
access_time2020-01-20 15:45:22
2020 წლის მესამე კვარტლიდან სტატისტიკის ეროვნული სამსახური დასაქმებისა და უმუშევრობის შესახებ მონაცემებს ახალი მეთოდოლოგიით შეაგროვებს. საქსტატის აღმასრულებელი დირექტორის, გოგიტა თოდრაძის ინფორმაციით, ახალი მეთოდოლოგიით, დასაქმებულად ჩაითვლება მხოლოდ ის ადამიანი, რომელიც საკუთარ სერვისს ან პროდუქტს ბაზარს სთავაზობს, ანუ საკუთარ შრომას ყიდის. ხოლო ადამიანი, რომელიც საკუთარ ნაკვეთზე სასოფლო-სამეურნეო საქმიანობით არის დაკავებული და მიღებულ მოსავალს მხოლოდ თავად მოიხმარს და არა კომერციული...

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...


მსგავსი სიახლეები

up