ჯანდაცვის სამინისტრო გრიპის ვირუსს მოუმზადებელი შეხვდა - ექსპერტები კონკრეტულ ფაქტებს ასახელებენ

ჯანდაცვის სამინისტრო გრიპის ვირუსს მოუმზადებელი შეხვდა - ექსპერტები კონკრეტულ ფაქტებს ასახელებენ

access_time2019-01-11 09:00:00

გრიპი, გაციება, სურდო, A(H1N1) - ზამთარის ვირუსი არავის უკვირს და ყველამ იცის, რომ ამ მხრივ საქართველო გამონაკლისი ქვეყანა არ არის. ევროპის ბევრ ქალაქში დღეს გრიპი ფართოდაა გავრცელებული და ასეა ყოველწლიურად. მეტიც, ხშირად იგი ეპიდემიის სახესაც ღებულობს და მათ შორის ღორის გრიპიც აქტუალურია.  თუმცა საქართველო ამ მიმართულებაშიც აღმოჩნდა გამონაკლისი - სხვა ქვეყნებისგან განსხვავებით ადგილობრივი შრომის, ჯანმრთელობისა და სოციალური დაცვის სამინისტრო გრიპის ვირუსს მოუმზადებელი შეხვდა.


აღნიშნულს დარგის სპეციალისტებიც ადასტურებენ, „კომერსანტი“  ესაუბრა ჯანდაცვის ექპერტებს, რომელთა იდენტიფიკაციას გასაგები მიზეზების გამო არ ვახდენთ. მათი თქმით, დღევანდელმა მდგომაროებამ საბოლოოდ და ნათლად გამოავლინა ჯანდაცვის სამინისტროსა და მთლიანი სისტემის არაპროფესიონალიზმი.


„უკვე ყველა ხვდება იმას, რომ ჯანდაცვის სამინისტრო აბსოლუტურად მოუმზადებელი ხვდება გრიპის მორიგ აფეთქებას. არადა, სტატისტიკურად 3-4 წელიწადში  ერთხელ გრიპის მასობრივი აფეთექება  ხდება და ზუსტად წელს უწევდა ეს პერიოდი. ეს მთელმა მსოფლიომ იცის და ქვეყნები წინასწარ პრევენციულ ღონისძიებებს ატარებენ, ჩვენთან კი მსგავსი არაფერი მომხდარა. პირველ რიგში, ჯანდაცვის სამინისტროს უნდა გამოეცა ბიულეტენი, სადაც მითითებულია ვინ,  როგორ იქცევა ეპიდემიის დროს. სამინისტროს კი თავის ვებ-გვერდზე 2009 წლის, ანუ 10 წლის წინანდელი სახელმძღვანელო-რეკომედაცია აქვს გამოქვეყნებული, რაც დღევანდელ რეალობას აღარ შეესაბამება. ბრიტანულ მედიცინას, ამერიკული ჯანდაცვის გაერთიანებებს უკვე სხვა სახელმძღვანელოები აქვთ შემუშავებული ეპიდემიის საბრძოლველად. აი, აქედანაც კი ჩანს როგორია სახელწმიფოს დამოკიდებულება დღეს არსებული სიტუაციისადმი“,- აღნიშნავს ექსპერტი.


დარგის სპეციალისტების შეფასებებით, ჯანდაცვის სამინისტროსა და მთლიანი სისტემის არაპროფესიოანლიზმი  გამოიხატა შემდეგში:

 

  • ჯანდაცვის სამინისტროს არ დაუანონსებია, რომ გრიპი მოსალოდნელი იყო მიმდინარე წლის ნოემბრის ბოლოდან. აღნიშნულ საკითხე საზოგადოებისთვის სექტემბრის თვეში უნდა ეცნობინებინა;
  • სამინისტროს დაანონსების პარალელურად  უნდა გაეცა რეკომედაცია ვაქცინაციაზე (აცრა სასურველია სექტემბერი-ოქტომბრის თვეში გაკეთდეს);
  • ვაქცინაცია უნდა იყოს ყველასათვის ხელმისაწვდომი და როგორც მსოფლიოს უმეტეს ქვეყანაში, საქართველოშიც ამ ხარჯებს სახელმწიფო უნდა ფარავდეს;
  • ღორის გრიპი - ის ასევე მოსალოდენლი იყო როგორც წინა წლებში. შესაბამისად ჯანდაცვის სამინისტროს თავის დროზე მასზეც უნდა გაემახვილებინა ყურადღება და ეწარმოებინა შესაბამისი კამპანია;
  • ტამიფლუ - ღორის გრიპის ეფექტური სამკურნალო საშუალება. დღეს ქვეყანაში მედიკამენტის საკმარისი რაოდენობა არ გვაქვს, მეტიც დეპიციტშია. მნიშვნელოვანია, რომ მისი მიწოდება ბევრად გამარტივებული იყოს. თავის დროზე მედიკამენტის შესაბამისი რაოდენობით  უნდა  მომარაგებულნიყვნენ  სააფთიაქო ქსელები და ფასიც გონივრული დაედგინათ. ასეთ შემთხვევაში დღევანდელი პანიკა არ იქნებოდა;
  • სტაციონარები - სულ ცოტა ხნის წინ გადავიდნენ ჯანდაცვის ცენტრები 24 საათიან სამუშაო რეჟიმზე, რაც დაგვიანებულია. ეს პროცესი დეკემბერში უკვე დაწყებული უნდა ყოფილიყო.  

 

დარგის სპეციალისტების შეფასებით ზუსტად ეს ფაქტორები უნდა გაეთვალისწინებინა ჯანდაცვის სამინისტროსა და დაავადებათა კონტროლის ცენტრს თავის დროზე, რათა დღევანდელი მდგომაროება ბევრად ადვილი და მარტივი გადასატანი ყოფილიყო. 



„კომერსანტის“ კითხვაზე, თუ რატომ დგება საზოგადოება ყოველწლიურად ერთიდაიგივე პრობლემის წინაშე და რატომ არ იღებს ჯადანცვის სამინისტრო შესაბამის ზომებს - ეპქერტების შეფასებები ასეთია:


-„ერთგვარი ტრადიცია გახდა უკვე ეს ყველაფერი. ჯანდაცვის სამინისტრომაც მშვენივრად იცის რა და როდის უნდა გააკეთოს, მაგრამ მისთვის პრიორიტეტი სხვა რამაა. ზოგადად სისტემაშია პრობლემა - ჩვენ ვანვითარებთ ავადობის მედიცინას და არა ჯანმრთელობის მედიცინას. ეს გულისხმობს იმას, რომ პირველ რიგში, უნდა ვიზრუნოთ პრევენციასა და პროფილაქტიკაზე ყველა მიმართულებით. ასეთ ვითარებაში გამოვა, რომ ვზრუნავთ საზოგადოების ჯანმრთელობაზე. თორემ მერე შესაძლოა გვიანიც აღმოჩნდეს და გვაქვს ამის ნათელი მაგალითებიც“.


-„უკვე ათეული წელია სახელმწიფო ბიუჯეტიდან არასწორი მიმართულებით იხარჯება თანხები. ბევრი გვესმის პირველადი ჯანდაცვის განვითარებისა  და მისი დაფინანსების შესახებ და ამ დროს არაფერი კეთდება. საზოგადოებრივ ჯანდაცვაში სწორედ ის სეგემენტი შედის რასაც ოჯახის ექიმი, ვაქცინაცია, იმუნიზაცია ჰქვია და ყველა ქვეყანაში  ეს არის უფასო. უფრო სწორად სახელმწიფო აფინანსებს“.


რა თქმა უნდა, თუ ჯანდაცვის სამინისტრო გადაწყვეტს, რომ პრობლემას მიუდგეს სერიოზულად, მაშინ დორულადაც გაატარებს პრევენციულ ღონისძიებებს. ბევრი მითქმა-მოთქმა არსებობს რატომ არ დგამს ადეკვატურ ნაბიჯებს; იგივე ლუგარის ლაბორატორიაზეც ითქვა, რომ ამ გზით ვიღაც ფულს შულობს. ეს არავინც იცის და საჭიროა საკითხით პროკურატურაც დაინტერესდეს. საერთო ჯამში კი გეტყვით, რომ რომ არა სისტემის არაპროფესიოანალიზმი ის შედეგები არ გვექნებოდა, რაც გვაქვს.



სალომე ლემონჯავა




 






„ბიზნესის და სახელმწიფოს ურთიერთობის ანატომია შეიძლება რამდენიმე ადამიანმა იცის ჩემზე უკეთ“

„ბიზნესის და სახელმწიფოს ურთიერთობის ანატომია შეიძლება რამდენიმე ადამიანმა იცის ჩემზე უკეთ“
access_time2019-03-22 21:25:02
„ბიზნესის და სახელმწიფოს ურთიერთობის ანატომია შეიძლება რამდენიმე ადამიანმა იცის ჩემზე უკეთესად ამ...

აუდიტის სამსახური - საქართველოში 100 000 მოსახლეს 7 სოცმუშაკი ემსახურება, რაც მნიშვნელოვნად ჩამორჩება სხვა ქვეყნების პრაქტიკას

აუდიტის სამსახური - საქართველოში 100 000  მოსახლეს  7  სოცმუშაკი ემსახურება, რაც მნიშვნელოვნად  ჩამორჩება სხვა ქვეყნების პრაქტიკას
access_time2019-03-22 19:30:32
საქართველოში 100 ათას მოსახლეს 7 სოციალური მუშაკი ემსახურება, რაც მნიშვნელოვნად ჩამორჩება სხვა ქვეყნების პრაქტიკას, მაგალითად, სლოვენიაში 100 ათას მოსახლეზე გათვალისწინებულია 772 სოციალური მუშაკი,- ამის შესახებ სახელმწიფო აუდიტის სამსახურის ანგარიშშია აღნიშნულია.   სახელმწიფო აუდიტის სამსახურმა შეისწავლა, რამდენად ეფექტურია ოჯახში ძალადობისგან დაცვისა და პრევენციის მექანიზმები. აუდიტის ანგარიში 2015 წლიდან 2018 წლის მესამე კვარტლის ჩათვლით პერიოდს...

New York Times-ის გენერალური დირექტორი გამომცემლობებს Apple-თან პარტნიორობის რისკებზე აფრთხილებს

New York Times-ის გენერალური დირექტორი გამომცემლობებს Apple-თან პარტნიორობის რისკებზე აფრთხილებს
access_time2019-03-22 21:00:46
Apple ახალ გასართობ და ფასიან ციფრული ახალი ამბების სისტემას ააქტიურებს. New York Times-მა და Washington Post-მა უარი თქვეს ამ პროექტში Apple-თან თანამშრომლობაზე. Apple New ყველა IPhone-სა და iPad-ზე წინასწარ იქნება დაინსტალირებული. The New York Times-ის გენერალური დირექტორი მარკ ტომპსონი სხვა გამომცემლობებს აფრთხილებს იმ რისკების შესახებ, რაც შეიძლება Apple-თან თანამშრომლობამ გამოიწვიოს. ტომპსონის განცხადებით პირველი რისკია ელექტრონული ჟურნალის...

ლიტერატურა ბიზნესის მოყვარულებისთვის - დენიელ პინკის წიგნის Drive-ის პრეზენტაცია

ლიტერატურა ბიზნესის მოყვარულებისთვის - დენიელ პინკის წიგნის Drive-ის პრეზენტაცია
access_time2019-03-22 17:40:34
29 მარტს 19 საათზე სასტუმრო „თბილისი მერიოტში“ ბიზნესლიტერატურის პროექტ „ლურჯი ოკეანის“  ფარგლებში მორიგი წიგნის პრეზენტაცია იმართება.  ამჯერად დენიელ პინკის ცნობილი ბიზნეს-ბესტსელერი სახელწოდებით Drive ითარგმნა. წიგნისა და ღონისძიების მთავარი თემა მოტივაციაა. ღონისძიების სახელიც წიგნში განხილული თეორიიდან გამომდინარეობს „მოტივაცია 3.0 - რა გვამოძრავებს სინამდვილეში“. წიგნი გამოსვლისთანავე გახდა New York Time-ის ბესტსელერი და დღემდე არ კარგავს...

მრავალფუნქციური კომპლექსი ვაკეში მერიისგან მშენებლობის ნებართვას ელოდება

მრავალფუნქციური  კომპლექსი ვაკეში მერიისგან მშენებლობის ნებართვას ელოდება
access_time2019-03-19 19:00:10
მრავალფუნქციური  კომპლექსი ვაკეში მერიისგან მშენებლობის ნებართვას ელოდება. საუბარია, პროექტზე, რომლის განხორციელება ძველი სტუდქალაქის ტერიტორიაზე იგეგმება.„კომერსანტი“ დაუკავშირდა თავად, პროექტის განმახორციელებელ კომპანია, შპს „დეველოპმენტი ჭავჭავაძეზე“  ხელმძღვანელ ივერი ჭალიძეს და პროექტის ირგვლივ დამატებითი დეტალების გაჟღერება სთხოვა.  როგორც  ჭალიძე განმარტავს, ამ დროისთვის კომპანიას თბილისის მერიაში სამშენებლო ნებართვის მისაღებად განაცხადი...


მსგავსი სიახლეები

up