ჯანდაცვის სამინისტრო ბიზნესის გახსნას აფერხებს - სახელმწიფო უწყებაში კომუნიკაციის პრობლემაა

ჯანდაცვის სამინისტრო ბიზნესის გახსნას აფერხებს - სახელმწიფო უწყებაში კომუნიკაციის პრობლემაა

access_time2020-06-03 11:10:07

„ვერ გავხსენი ობიექტი იმიტომ, რომ კეთილსინდისიერად ველოდები და მივყვები იმ ინსტრუქციებს, რაც იყო დაანონსებული“,- ამის შესახებ „კომერსანტს“ ტურიზმის ეროვნული ადმინისტრაციის ყოფილმა ხელმძღვანელმა მაია სიდამონიძემ განუცხადა. როგორც ირკვევა სასტუმრო/რესტორან „ტერასას“ მფლობელი ბიუროკრატიული პრობლემების გამო რესტორნის გარე სივრცეს ვერ ხსნის. სიდამონიძის თქმით, ამის მიზეზი არის ის, რომ ჯანდაცვის სამინისტროს შესაბამისი პირები შემოწმებაზე ამ დრომდე არ მისულან. ტურიზმის ეროვნული ადმინისტრაციის ყოფილი ხელმძღვანელი აცხადებს, რომ გაღატაკებული ბიზნესი და უხელფასოდ დარჩენილი ადამიანები ელოდებიან როდის მოიცლიან მათივე გადასახადებით დაფინანსებული სახელმწიფო მოხელეები.

 

„ეკონომიკური საქმიანობის განახლებისთვის ყველა ბიზნესი უნდა დარეგისტრირებულიყო ჯანდაცვის სამინისტროს კონკრეტულ საიტზე, ორ დღის შემდეგ უნდა ყოფილიყო სახელმწიფოს მხრიდან რეაგირება, რადგან პირველ ივნისს გარე სივრცეები იხსნებოდა. რეალურად ცხელ ხაზზე როდესაც ვრეკავდი მითხრეს, რომ ვერ მოვიდოდნენ, სოციალურ ქსელში პოსტის გამოქვეყნების შემდეგ აღმოვაჩინე, ნახევარზე მეტ გახსნილ ობიექტზე შესამოწმებლად არავინ ყოფილა. ცხელ ხაზზე მეუბნებიან, რომ თუ გავხსნი ტერესას დამაჯარიმებენ, აღმოჩნდა რომ რეალურად ჩანაწერი , რის საფუძველზეც უნდა დააჯარიმონ არ არსებობს. როდესაც აღსრულება არ ხდება, კონტროლის რესურსი არ აქვს და ვერ ხარ ეფექტური ყველაფერს ძალა ეკარგება. თუ ოფიციალურად ვრეგისტრირდები, უფლება მეძლევა 1 ივნისს გავიხსნა და იმიტომ მიფერხდება ბიზნესი, რომ ვერ შემოდიან შესამოწმებლად ეს ჩემი პრობლემა არ უნდა გახდეს, მით უმეტეს დღევანდელ დღეს, როდესაც გაკოტრებულია ყველა ბიზნესი, განსაკუთრებით ტურიზმის სფეროში და ერთი წელი არანაირი პერსპექტივა არ გვაქვს“, - განაცხადა მაია სიდამონიძემ.

 

„ტერასას“ მფლობელი არ გრძნობს თავს თანაბარ კონკურენტულ პირობებში, რადგან  გუშინ თითქმის ყველა რესტორნის გარე სივრცე გაიხსნა ხოლო „ტერასა“ მომხმარებლებს ტელეფონითაც ვერ პასუხობს როდის უმასპინძლებს სტუმრებს.მისი თქმით, სახელმწიფომ ხელი უნდა შეუწყონ ბიზნესს, რათა არცერთი ოპერირების დღეს არ ჩავარდეს.

 

„ამ ყველაფერზე პასუხისმგებელი სახელმწიფოა. მე მესმის, რომ ეს ყველაფერი საჭიროა, გაგებით ვეკიდებით, თუმცაღა მათი რესურსის არ ქონა, რომ გააკონტროლონ ინსპექტირება არ უნდა გახდეს პრობლემა, რადგან დღეს ბიზნესი ისედაც აღარ არსებობს. რატომ უნდა ჩავაგდო თუნდაც ერთი დღე, პირველ ივნისსაც შემეძლო ობიექტი გამეხსნა, რადგან ყველა წესისა და რეგულაციის დაცვისთვის მზად ვართ. საქმე გვაქვს იმასთან, რომ რესურსი არ აქვთ შემოწმების, რადგან ვიღაცები გაიხსნენ და მეც ესე უნდა მოვიქცე. ინფორმაციული გაუგებრობაა, თუ ვერ მამოწმებენ, არ უნდა მეუბნებოდნენ რომ ობიექტები არ გავხსნა. უფრო დიდი ქვეყნებში, უფრო ორგანიზებულად მიმდინარეობს პროცესი“,- განმარტავს მაია სიდამონიძე.



აღნიშნულ საკითხზე სასაუბროდ საქართველოს შრომის ჯანმრთელობისა და სოციალური დაცვის სამინისტროს დავუკავშირდით კითხვით, უნდა შეამოწმონ თუ არა ჯანდაცვის სამინისტროს შესაბამისმა პირებმა ობიექტი გახსნამდე.  სახელმწიფო უწყების პრესსამსახურში აცხადებენ, რომ რესტორნები ჯერ ყველა რეგულაციის დაცვით უნდა გაიხსნას, რის შემდეგაც ინსპექტორების მიერ ეტაპობრივად მოხდება ობიექტების შემოწმება.

 

როგორც ჩანს აღნიშნულის შესახებ ჯანდაცვის სამინისტროს ცხელი ხაზის (15 05) ოპერატორებს ინფორმაცია არ აქვთ. „ტერასას“ მფლობელს 15 05 -ზე განუცხადეს, რომ იმ შემთხვევაში თუ რესტორანს გახსნიდნენ ობიექტს დააჯარიმებდნენ.

 

მას შემდეგ რაც ვესაუბრეთ ჯანდაცვის სამინისტროს და დავუზუსტეთ, რომ საქმე ეხებოდა სასტუმროს რესტორანს,საჯარო უწყების წარმომადგენელმა დაიწყო იმის გარკვევა  ხომ არ მოქმედებდა მათთვის სხვა რეგულაცია და  რა ნომრით შევიდა ზარი ცხელ ხაზზე. ასევე, რა ჰკითხა რესტორნის მფლობელმა ოპერატორს. ამის შემდეგ ჯანდაცვის სამინისტროს პრესსამსახურმა „კომერსანტის“ ზარებს აღარ უპასუხა, მივიღეთ მხოლოდ ტექსტური შეტყობინება: „შეხვედრაზე ვარ!“.

 

ტურიზმის ეროვნული ადმინისტრაციის ყოფილი ხელმძღვანელი აცხადებს, რომ სახელმწიფო სტრუქტურაში ზოგადად კომუნიკაციის პრობლემა და ინფორმაციის დეფიციტია, რის გამოც ისედაც რთულ მდგომარეობაში მყოფ ბიზნესს კიდევ უფრო დიდი ზიანი ადგება.

 

„ცხელ ხაზზე ოპერატორები უნდა დაატრენინგონ​, როდესაც მეუბნებიან რომ უფლება არ მაქვს ობიექტის გახსნის, რადგან სასტუმროს რესტორანია მათთვის წვრილმანი შეცდომა ჩემი ბიზნესისთვის დამაზიანებელია, რადგან გამოდის რომ გუშინ შემეძლო რესტორნის გახსნა. იქით რომ მამოწმებენ რა ჰგონიათ, ვიტყუები? თუ ჰგონიათ გამართული სტრუქტურა აქვთ? ბიზნესის დახმარება თუ უნდათ დარეკონ და გაარკვიონ, გამოძიება კი არ უნდა ჩაატარონ. ფაქტია, რომ ადეკვატური კომუნიკაცია არ შეუძლიათ“,- განაცხადა მაია სიდამონიძემ.



ბაჩო ადამია




რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა

რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა
access_time2021-08-02 16:00:48
საქართველოში თხილის მოსავლის აღება მომავალი კვირიდან იწყება. გასული სეზონი აღდგენითი ხასიათის იყო, როდესაც ბოლო 5 წლის განმავლობაში ყველაზე მაღალმოსავლიანობა იყო (33 000 ტ). მეწარმეები მიმდინარე სეზონზე კიდევ უფრო მეტ მოსავალს ელიან, თუმცა მსოფლიო ბაზარზე წარმატების მისაღწევად თხილის ხარისხის გაუმჯობესებაა აუცილებელი. EastFruit–ის ქართული ჯგუფი ბლაი ლორტ მარტის ესაუბრა, აგრონომსა და ტექნოლოგიების სპეციალისტს, FRUSESA, BAIN BORGES International Group–ის ყოფილ...

ცესკოს თავმჯდომარე 6 თვით გიორგი კალანდარიშვილი იქნება

ცესკოს თავმჯდომარე 6 თვით გიორგი კალანდარიშვილი იქნება
access_time2021-08-02 13:55:18
საქართველოს ცენტრალური საარჩევნო კომისიის თავმჯდომარე 6 თვით გიორგი კალანდარიშვილი იქნება. პარლამენტმა ის მეოთხე მცდელობაზე დღეს, 2 აგვისტოს აირჩია. კალანდარიშვილის კონკურენტმა გიორგი სანტურიანმა ხმების საჭირო რაოდენობა ვერ მოაგროვა. გიორგი კალანდარიშვილის კანდიდატურას 83 მომხრე და 3 წინააღმდეგი ჰყავდა;გიორგი სანტურიანს კი 4 მომხრე და 1 წინააღმდეგი.დღესვე ცესკოში პროფესიული ნიშნით ორი წევრი აირჩიეს, გია ცაცაშვილი და მაია ზარიძე. წევრობის...

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს
access_time2021-08-02 14:00:48
ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს. დამატებით რისკებად კი შესაძლო ძალადობის შემთხვევებს ასახელებს. გასათვალისწინებელია ის ფაქტიც, რომ ანგარიში 16 ივნისითაა დათარიღებული, მაშინ როცა კოვიდის შემთხვევათა 7 დღის საშუალო მაჩვენებლი 704-ს შეადგენდა და უცხოელებზე თავდასმხებიც არ იყო გახშირებული. ივნისში ვიზიტორების რაოდენობა, გასული წლის...

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა
access_time2021-08-02 15:00:10
სამხრეთ კავკასიის მილსადენის ტექნიკური ოპერატორის როლი კომპანია ბი-პი ექსპლორეიშენ (შაჰ დენიზ) ლიმიტედმა კომპანია სოკარ მიდსთრიმ ოპერეიშენს ლიმიტედს გადააბარა. სამხრეთ კავკასიის მილსადენი ერთ-ერთია სამხრეთის გაზის კორიდორის ოთხი სეგმენტიდან, რომელიც ემსახურება ბუნებრივი გაზის ექსპორტს აზერბაიჯანიდან თურქეთსა და ევროპაში საქართველოს გავლით. სოკარ მიდსთრიმ ოპერეიშენს ლიმიტედი კი სოკარის შვილობილი კომპანიაა. ტექნიკური ოპერატორობის გადაცემა...

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი
access_time2021-08-02 13:00:52
„სეისმურ ინფორმაციაზე ხელმისაწვდომობა შეზღუდულია და დაინტერესებული მეცნიერებისა თუ პოტენციური ინვესტორებისთვის ის, პრაქტიკულად, დახურულია“, -ამის შესახებ სპეციალურ ბრიფინგზე არასამთავრობი ორგანიზაცია „ახალგაზრდა ადვოკატების ასოციაციის“  ხელმძღვანელმა, არჩილ კაიკაციშვილმა განაცხადა. აღნიშნული პრობლემის გადაჭრისკენ მან ილიას სახელმწიფო უნივერსიტეტის რექტორ გიგა ზედანიას მოუწოდა. სწორედ ილიუნის ერთეულია „დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი“,...


მსგავსი სიახლეები

up