პარლამენტის დამოუკიდებელმა კანდიდატმა ლევან კობერიძემ ჯანდაცვის კომიტეტის თავჯდომარეს თხოვნით მიმართა , რომ "ჯანმრთელობის დაცვის შესახებ" კანონი, ექიმებისა და კლინიკების მოთხოვნით, ჯერ ნებისმიერ სამუშაო ფორმატში სექტორთან ყოფილიყო გავლილი და შემდეგ განხილულიყო კომიტეტზე, კობერიძის განცხადებით, ექიმები და კლინიკები ითხოვენ კონსულტაციებს და მათ ამის უფლება აქვთ.
„იქნებ ეს კანონპროექტი ხვალინდელ სხდომაზე წინასწარი კონსულტაციის გარეშე არ იყოს განხილული.პრემიერ-მინისტრიდან დაწყებული, ჯანდაცვის მინისტრით დამთავრებული ყველა ჰპირდება ამ ადამიანებს, რომ კონსულტაციები იქნება და რეალობაში ეს ასე არ ხდება.თქვენ მოგმართავთ თხოვნით და იმედი მაქვს, რომ ამ რიცხვს თქვენ არ შეუერთდებით როგორც კომიტეტის თავჯდომარე და გთხოვთ რომ პირველ რიგში, ჯერ სექტორთან დაინიშნოს შეხვედრა თუ გნებავთ სამუშაო დახურულ რეჟიმში ან როგორც თქვენ ჩათლით საჭიროდ .
კონსულტაციები იყოს გავლილი, მათი მოსაზრებები მოისმინოთ და ამის შემდეგ იყოს შეტანილი დღის წესრიგში , რადგან მერე ისევ დროის დეფიციტი იქნება და კლინიკების წარმომადგენლების და ექიმების მოსმენის დრო პრაქტიკულად აღარ იქნება. მე კომიტეტის წევრებსაც მოგმართავთ , რომ კოლეგიალურად მოვეკიდოთ ამ საკითხს, აქ იმაზე არ არის საუბარი თუ როგორი კანონის ფორმულირება საბოლოო ჯამში, ექიმები და კლინიკები ითხოვენ კონსულტაციას და მემგონი მათ ამისი უფლება აქვთ.“ - ლევან კობერიძე
ჯანდაცვის კომიტეტის თავჯდომარემ დიმიტრი ხუნდაძემ, ლევან კობერიძეს უარყოფითად უპასუხა და აღნიშნა, რომ კანონპროექტი დაჩქარებული წესით განიხილებოდა 2 კომიტეტის გაერთიანებულ სხდომაზე , რაც საკმარისი იყო. თუმცა, დაჩქარებული წესით არ განხილულა რადგან საკითხი, სამსჯელო იყო და ამისთვის ცალ-ცალკე დამატებით დრო იყო გამოყოფილი, სადაც შეზღუდული არავინ ყოფილა.
მან ასევე აღნიშნა, რომ რასაც არ ეთანხმებოდნენ, იყო ის რომ სასამართლო ამოვარდნილიყო პროცესიდან და თუ ეს მაინც მოხდება, ხუნდაძის განმარტებით მხარს არ დაუჭერენ.
„საკმაოდ კარგი მსჯელობა იყო გაერთიანებულ კომიტეტზე და შემდეგ უკვე დარგობრივი ეკონომიკის კომიტეტზე. მე როგორც ვიცი იყო შეთანხმებაც მითუმეტეს ეხლა დროც აღარ არის, დაჩქარებული წესით არ იხილება და ამისთვის არის დადგენილი დრო, ასე რომ ამის განხილვის საშუალება მეორე მოსმენაზეც გვექნება.
მთავარი რასაც ჩვენ არ ვეთანხმებოდით კომიტეტში ეს იყო, ის რომ სასამართლო ამოვარდნილიყო ამ პროცესიდან ეს რა თქმა უნდა არ იქნება ასე, იმიტომ რომ თუ ასე იქნება მაშინ ჩვენ ამას არ დავუჭერთ მხარს. არის შეთანხმება იმაზე, რომ იყოს მხოლოდ წინასწარი შეტყობინების გარეშე, რომ მათ მონიტორინგის ეფექტურად განხორციელების საშუალება მიეცეთ. თუმცა, სასამართლო რა თქმა უნდა დარჩება თავის ფუნქციებში.
ვფიქრობ, საკმარისი იყო ორი გაერთიანებული კომიტეტი, როცა ვიმსჯელეთ, შემდეგ დარგობრივი კომიტეტი და ჯანდაცვის კომიტეტი, არამგონია ,რომ დამატებით დრო იყოს კიდევ საჭირო.კიდევ ერთხელ დაჩქარებული წესით აღარ განიხილება და სასამართლო რჩება სასამართლოდ , რა თქმა უნდა იქნება მეორე და შემდეგ კიდევ მესამე მოსმენაც.“- დიმიტრი ხუნდაძე.
თაკო კვაჭანტირაძე
ლევან კობერიძე 
