ჯაფარიძე: „ოცნებამ

ჯაფარიძე: „ოცნებამ" 2 თვეში 3-ჯერ მოატყუა ევროკავშირი

access_time2021-09-25 13:03:26

"ძალიან დაძაბული წინასაარჩევნო გარემო გვაქვს. იმედი მაქვს, დარჩენილ ერთ კვირაში აღარ იქნება ძალადობის აქტები. ამის იმედს გვაძლევს ჩვენი საერთაშორისო მეგობრების, პარტნიორების ჩართულობა“, - ამის შესახებ პარტია „ლელოს“ ერთ-ერთმა ლიდერმა, ბადრი ჯაფარიძემ ჟურნალისტებთან საუბრისას განაცხადა, სადაც პრემიერ-მინისტრის, ირაკლი ღარიბაშვილის გაეროს 76-ე სესიის გენერალურ დებატებზე გაკეთებული განცხადებები შეაფასა.

როგორც ჯაფარიძე განმარტავს, ყველა ძალისხმევა უნდა გავიღოთ იმისთვის, რომ დარჩენილ 1 კვირაში აღარ მოხდეს ვითარების ესკალაცია.

„მას მოსწონს თავისი პოლიტიკური პარტია, რომელიც ერთი კაცის ირგვლივ არის შექმნილი და ერთი კაცის ნებაზეა დამოკიდებული. რა თქმა უნდა, გასული წლის არჩევნები, რომელიც აღიარებული იყო საერთაშორისო დამკვირვებლების მიერ, როგორც ერთ-ერთი ყველაზე ცუდი არჩევნები დამოუკიდებელი საქართველოს ისტორიაში, ამით სიამაყე შეუძლებელია.

ძალიან დაძაბული წინასაარჩევნო გარემო გვაქვს. იმედი მაქვს, დარჩენილ ერთ კვირაში აღარ იქნება ძალადობის აქტები. ამის იმედს გვაძლევს ჩვენი საერთაშორისო მეგობრების, პარტნიორების, ჩართულობა. ახლა ველოდებით სადამკვირვებლო მისიებს. შემდგომი კვირის განმავლობაში 350-მდე დამკვირვებელი უნდა ჩამოვიდეს. პარალელურად, რა თქმა უნდა, მიმდინარეობს გრძელვადიანი დამკვირვებლების მუშაობა. ყველა ძალისხმევა გავიღოთ იმისთვის, რომ დარჩენილ 1 კვირაში აღარ მოხდეს ვითარების ესკალაცია. ჩვენ გვჭირდება მშვიდი საარჩევნო გარემო და მშვიდი არჩევნები 2 ოქტომბერს, იმისთვის რომ ჩვენმა თანამოქალაქეებმა გამოტანილი ვერდიქტი გააფორმონ „ქართული ოცნების“ მიმართ, „ქართული ოცნების“ მწარე დამარცხებაში“, - აღნიშნავს ჯაფარიძე.

მან ირაკლი ღარიბაშვილის განცხადებაც შეაფასა, სადაც აღნიშნა, რომ „ქართული ოცნებები ხდება“. როგორც ჯაფარიძე განმარტავს, „ქართულმა ოცნებამ“ და მისმა ლიდერებმა დაამყარეს ანტირეკორდი. 2 თვის განმავლობაში 3-ჯერ მოატყუეს ევროკავშირი არ შეასრულეს ის პირობები, რომელიც აღებული იყო“.


„ევროატლანტიკურ სტრუქტურებში ქვეყნის ინტეგრირება, რა თქმა უნდა, პირველი პრიორიტეტია საგარეო პოლიტიკის თვალსაზრისით. „ქართული ოცნება“, რომელმაც სამჯერ მოატყუა ჩვენი უმნიშვნელოვანესი სტრატეგიული პარტნიორები, საუბრობენ, თითქოს მის პრიორიტეტშია ევროატლანტიკურ სტრუქტურებში გაერთიანება, რაც სამწუხაროდ, სასაცილოა.

„ქართულმა ოცნებამ“ და მისმა ლიდერებმა დაამყარეს ანტირეკორდი. 2 თვის განმავლობაში 3-ჯერ მოატყუეს ევროკავშირი, არ შეასრულეს ის პირობები, რომელიც აღებული იყო. დაკარგეს როგორც საიმედო პარტნიორის რეპუტაცია, შესაბამისად, ასეთ პოლიტიკურ ძალასთან ქვეყანას მომავალი არ აქვს“, - აღნიშნავს ჯაფარიძე.

ცნობისთვის, საქართველოს პრემიერ-მინისტრმა ირაკლი ღარიბაშვილმა გაეროს 76-ე სესიის გენერალურ დებატებზე სიტყვით გამოსვლისას განაცხადა, რომ ქართული ოცნებები ხდება. მთავრობის მეთაურის თქმით, ახალი კორონავირუსის მიზეზით გამოწვეული ღრმა ჩავარდნების მიუხედავად, საქართველოს ეკონომიკა ჯანსაღდება, ეკონომიკური ზრდა სახეზეა, სამუშაო ადგილები იქმნება და საქართველო კვლავ ერთ-ერთი წამყვანი ტურისტული დანიშნულების ცენტრია მსოფლიოში.

ამასთან, პრემიერის თქმით, 2012 წლიდან მოყოლებული დემოკრატიული არჩევნები 6-ჯერ ჩავატარეთ და ყოველი მათგანი საერთაშორისო დამკვირვებლების მიერ თავისუფალ და სამართლიან არჩევნებად იქნა მიჩნეული.

წყარო: ინტერპრესნიუსი





რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up