“თუ ჩვენმა პარტნიორმა ქვეყნებმა კითხვის ნიშნის ქვეშ დააყენეს არჩევნების შედეგები, სწორედ აქ დამთავრდება ხელისუფლების ბედისწერა“ - ანა დოლიძე პომპეოს განცხადებას აფასებს

“თუ ჩვენმა პარტნიორმა ქვეყნებმა კითხვის ნიშნის ქვეშ დააყენეს არჩევნების შედეგები, სწორედ აქ დამთავრდება ხელისუფლების ბედისწერა“ - ანა დოლიძე პომპეოს განცხადებას აფასებს

access_time2019-06-12 18:00:53

„ეს იყო ძალიან მაღალი ტრიბუნიდან გაკეთებული უსერიოზულესი განცხადება.  პომპეოს სიტყვები ლოგიკური გაგრძელებაა იმ მთელი წყება განცხადებებისა, რომელსაც აქ, ადგილზე აკეთებდა ამერიკის ელჩის მოვალეობის შემსრულებელი კონკრეტულად სასამართლოსთან მიმართებაში. დიპლომატიის ენაზე ეს ნიშნავს, რომ სფეროები, რომელიც მან გამოყო არის მგრძნობიარე, არის მიკროსკოპული დაკვირვების ქვეშ აშშ-სგან და ელოდება ხელშესახებ გაუმჯობესებას,“ - ასე შეაფასა იუსტიციის უმაღლესი საბჭოს არამოსამართლე წევრმა ანა დოლიძემ აშშ-ს სახელმწიფო მდივნის მაიკ პომპეოს განცხადება სასამართლო სისტემის გაუმჯობესებასთან დაკავშირებით.



ანა დოლიძე მიიჩნევს, რომ საქართველოში არჩევნების სისტემაზე აშშ-ს სახელმწიფო მდივნის მიერ ყურადღების გამახვილება ნიშნავს იმას,  რომ მისი შედეგების ლეგიტიმურობაზე კითხვის ნიშნები არსებობს ჩვენს პარტნიორ ქვეყანაში და სისტემის დაურეგულირებლობის შემთხვევაში სერიოზული საფრთხე დაემუქრება როგორც ევროკავშირში, ასევე ნატოში საქართველოს პერსპექტივებს.



„რაც შეეხება არჩევნებს, ყველაფერი დამოკიდებულია დარღევევბის ხარისხზე. აშშ-სა და ევროკავშირს ძალიან ხელშესახები ინფორმაცია აქვთ, თუ როგორ ტარდება აქ არჩევნები, რა ზეწოლით, შანტაჟით და დაშინებით. უნდა გამოვყო ბოლო არჩევნები, რომელიც ნამდვილი ფსკერი იყო  - სადაც არის სერიოზული კონკურენცია, სწორედ იქ ვლინდება ხელისუფლების მხრიდან ათასი უკანონო ბერკეტის გამოყენება.  ყველა არჩევნების შემდეგ ეს ინფორმაცია გროვდობა  და სახელმწიფო მდივნის განცხადება მიანიშნებს იმას, რომ ეს ინფორმაცია არ რჩება მხოლოდ ოლქებში და უბანზე.  პომპეოს სიტყვები მიუთითებს იმასაც, რომ არჩევნებიც არის მგრძნობიარე სფერო და აშშ -ში განსაკუთრებით მოითხოვენ, რომ ლეგიტიმურად ტარდებოდეს  იგი.  ამ საკითხს აღნიშვნა დასჭირდა იმიტომ, რომ არსებობს კითხვის ნიშნები.




ჩვენ, როგორც დემოკრატიული სახელმწიფო ვიღებთ უდიდეს პოლიტიკურ — ეკონომიკურ დახმარებას აშშ-დან, არა როგორც რომელიმე სხვა სახელმწიფო, როგორი პარტნიორებიც ჰყავს მას ცენტრალურ აზიაში, რომლებიც არ გამოირჩევიან დემოკრატიით, არამედ კონკრეტულად, როგორც დემოკრატიული სახელმწიფო. უარყოფითი შეფასებების შემთხვევაში ჩვენ უბრალოდ ამოვალთ ამ ყუთიდან და გადავჯდებით სხვა ყუთში,  ევროკავშირისა და ნატოს პერსპექტივებს დაემუქრება სერიოზული საფრთხე,  იმიტომ რომ ეს არის ელემენტარულად სხვა ტიპის სახელმწიფოების კლუბი.


აშშ ყოველწლიურად მილიონობით დოლარს დებს სასამართლო ხელისუფლების განვითარებაში, მაგრამ აქ რეფორმები ფასადურად მიმდინარეობს, ამიტომ  თუ მათ არ ვაჩვენეთ რეალური რეფორმა, ეს მილიონობით დოლარი კითხვის ნიშნის ქვეშ დადგება. ეს განცხადება იმიტომ გაკეთდა, რომ მათ ძალიან კარგად იციან, რომ  ის რეფორმა, რომელიც ე.წ.  სამუშაო ჯგუფში მიმდინარეობს არის სასაცილო.  თუ ჩვენმა პარტნიორმა ქვეყნებმა კითხვის ნიშნის ქვეშ დააყენეს არჩევნების შედეგები, სწორედ აქ დამთავრდება ხელისუფლების ბედისწერა. ამიტომ ადეკვატური ინფორმაციის მიწოდება მათთვის და მნიშვნელოვანი პარტნიორების კეთილგანწყობის შენარჩუნება ეკონომიკურად და პოლიტიკურად ძალიან მნშვნელოვანია,“ - აცხადებს ანა დოლიძე „კომერსანტთან“ ინტერვიუში.  



„დღევანდელი საუბრისას მოვუწოდე საქართველოს გააუმჯობესოს სასამართლოს სისტემა და დაადასტუროს, რომ მისი დემოკრატია მოიცავს თავისუფალ და სამართლიან არჩევნებს. პრემიერ-მინისტრთან აგრეთვე მქონდა შანსი, განმეხილა საქართველოს პარლამენტის პასუხისმგებლობა და დავრწმუნებულიყავი, რომ სახელმწიფო სააგენტოები მუშაობენ კანონიერად და ასრულებენ იმას, რასაც საკუთარ მოქალაქეებს დაჰპირდნენ“ - განაცხადა მაიკლ პომპეომ საქართველოს პრემიერ-მინისტრ მამუკა ბახტაძესთან შეხვედრისას.



მარიამ მორგოშია




კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...

ქართულმა ზეითუნის ზეთმა იმპორტირებულის 22% ჩაანაცვლა

ქართულმა ზეითუნის ზეთმა იმპორტირებულის 22% ჩაანაცვლა
access_time2020-08-11 13:30:04
„საქართველოში წარმოებული ზეითუნის ზეთით იმპორტის 22%-ს ვანაცვლებთ,“ - განუცხადა „ბიზნესპარტნიორს“ „ქართული ზეთისხილის“ დამფუძნებელმა გიორგი სვანიძემ. მისივე განმარტებით, უახლოეს პერიოდში ეს მაჩვენებლები 30%-საც გადააჭარბებს. „წლების წინ, როცა ჩვენ დავიწყეთ საქართველოში ზეთისხილის ბიზნესი. პროდუქტის 100% იმპორტირებული იყო. ეტაპობრივად ჩვენ მოვახერხეთ ბაზრის წილის ათვისება და ამ დროისთვის ეს მაჩვენებელი უკვე 20-22%-ს შეადგენს,“ -...


მსგავსი სიახლეები

up