დიმიტრი ქუმსიშვილმა AIIB-ის წლიური შეხვედრის მონაწილეებს საქართველოს ინფრასტრუქტურული პროექტები გააცნო

დიმიტრი ქუმსიშვილმა AIIB-ის წლიური შეხვედრის მონაწილეებს საქართველოს ინფრასტრუქტურული პროექტები გააცნო

access_time2017-06-16 13:20:07

პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა, რომელიც სამხრეთ კორეაში აზიის ინფრასტრუქტურის საინვესტიციო ბანკის წლიურ შეხვედრაში მონაწილეობს, მოხსენება გააკეთა ბანკის წლიური შეხვედრის ოფიციალურ გახსნაზე.

 

როგორც "კომერსანტს" ფინანსთა სამინისტროდან აცნობეს, თავის გამოსვლაში, პირველმა ვიცე-პრემიერმა დადებითად შეაფასა აზიის ინფრასტრუქტურის საინვესტიციო ბანკის საქმიანობა და მის მნიშვნელობაზე გაამახვილა ყურადღება. მისი განცხადებით, ბანკი ორიენტირებულია წევრ ქვეყნებში ინფრასტრუქტურული პროექტების მხარდაჭერაზე, რაც ხელს შეუწყობს თანამშრომლობის გაღრმავებას ბანკის დამფუძნებელ ქვეყნებს შორის სხვადასხვა მიმართულებით, მათ შორის, ვაჭრობასა და საფინანსო სფეროში. განსაკუთრებული აქცენტი გაკეთდა იმაზე, რომ აზიის ინფრასტრუქტურის საინვესტიციო ბანკმა პირველ 20 პროექტს შორის საქართველოში მიმდინარე ბათუმის შემოვლითი გზის პროექტიც შეიტანა.

 

 

დიმიტრი ქუმსიშვილმა, ასევე, ისაუბრა საქართველოს ხელსაყრელ გეოგრაფიულ მდებარეობაზე, რომელიც ერთ-ერთი უმოკლესი სატრანზიტო მარშრუტია ევროპასა და აზიას შორის. მისი განცხადებით, საქართველოს მთავრობა ახორციელებს მნიშვნელოვან ინვესტიციებს დასავლეთი-აღმოსავლეთის სატრანზიტო დერეფნის ინფრასტრუქტურის განვითარებისთვის, მათ შორის, დიმიტრი ქუმსიშვილმა დაასახელა ჩქაროსნული ავტომაგისტრალი, ანაკლიის ღრმაწყლოვანი პორტი, საქართველოს რკინიგზის მოდერნიზაციის პროექტი. მისი თქმით, საქართველო, რომელიც ოდითგან იყო დიდი აბრეშუმის გზის მონაწილე სახელმწიფო, დღეს აქტიურად მონაწილეობს ჩინეთის ინიციატივაში „ერთი სარტყელი - ერთი გზა".

 

 

საქართველოს ეკონომიკურ მდგომარეობაზე საუბრისას, პირველმა ვიცე-პრემიერმა დეტალურად ისაუბრა საქართველოს მთავრობის 4-პუნქტიანი რეფორმების გეგმაზე და იმ ნაბიჯებზე, რომლებიც ამ გეგმის თანახმად იდგმება. მათ შორის, დიმიტრი ქუმსიშვილმა დიდი აქცენტი გააკეთა სივრცითი განვითარების რეფორმაზე, რომელიც ითვალისწინებს ქვეყნის საბაზო ინფრასტრუქტურაში ინვესტირებას, აგრეთვე აღმოსავლეთ - დასავლეთისა და ჩრდილოეთ - სამხრეთის სავაჭრო დერეფნების განვითარებას. აღნიშნული გეგმის მიზანია, საქართველოს, როგორც სატრანზიტო ქვეყნის, პოტენციალის სრული გამოყენება, აგრეთვე საქართველოს ტურისტული შესაძლებლობების განვითარებას, რაც, საბოლოო ჯამში, დადებითად აისახება მოსახლეობის კეთილდღეობაზე.


 

 

დიმიტრი ქუმსიშვილმა აგრეთვე ისაუბრა ეკონომიკური რეფორმის ფარგლებში, მიმდინარე და დაგეგმილ გადაწყვეტილებებზე, რომელთა მიზანსაც ბიზნეს გარემოს გაუმჯობესება წარმოადგენს, რაც დადებითად უნდა აისახოს ახალი სამუშაო ადგილების შექმნასა და ეკონომიკის ზრდის ტემპის დაჩქარებაში. პირველი ვიცე-პრემიერის განცხადებით, აღნიშნულმა რეფორმამ სტაბილური და ხელსაყრელი საინვესტიციო გარემო უნდა შექმნას.

 

 

გამოსვლაში, პირველმა ვიცე-პრემიერმა დიმიტრი ქუმსიშვილმა, აგრეთვე, ისაუბრა საქართველოს სავაჭრო პრეფერენციებზე სხვადასხვა ქვეყანასთან და საერთაშორისო ავტორიტეტული ორგანიზაციების პოზიტიურ რეიტინგებზე.

 

 

ვიზიტის ფარგლებში, 17 ივნისს საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი, ბანკის მმართველთა საბჭოს ვიცე-თავმჯდომარის რანგში ერთ-ერთ სესიას უხელმძღვანელებს. მოგვიანებით კი, პირველი ვიცე-პრემიერი ხელს მოაწერს შეთანხმებას აზიის ინფრასტრუქტურის საინვესტიციო ბანკთან 114 მლნ აშშ დოლარის ფინანსური რესურსის გამოყოფაზე ბათუმის შემოვლითი გზის პროექტის თანადაფინანსების მიზნით.

 

 

აზიის ინფრასტრუქტურის საინვესტიციო ბანკი (AIIB) წარმოადგენს საერთაშორისო საფინანსო ინსტიტუტს, რომლის ერთ-ერთი დამფუძნებელი ქვეყანა არის საქართველო. ბანკის საქმიანობის ძირითადი მიმართულებებია ეკონომიკური განვითარების სტიმულირება, აზიაში ინფრასტრუქტურული კავშირების გაუმჯობესება ინფრასტრუქტურასა და სხვა წარმოების სექტორში ინვესტირების გზით და სხვადასხვა მრავალმხრივ და ორმხრივ განვითარების ინსტიტუტებთან მჭიდრო თანამშრომლობა. ბანკის სადამფუძნებლო შეთანხმება 2015 წელს გაფორმდა.

 



ლევან კობერიძის კითხვები ეროვნული ბანკის პრეზიდენტს, კობა გვენეტაძეს

ლევან კობერიძის კითხვები ეროვნული ბანკის პრეზიდენტს, კობა გვენეტაძეს
access_time2019-12-13 22:47:07
საპარლამენტო ფრაქცია დამოუკიდებელი დეპუტატების წევრმა ლევან კობერიძემ  ეროვნული ბანკის პრეზიდენტ კობა გვენეტაძეს პარლამენტში პლენარულ სესიაზე, სადაც სებ–ის ფულად-საკრედიტო პოლიტიკის დოკუმენტი განიხილეს, რამდენიმე კითხვით მიმართა:  -საპენსიო ფონდის ხელმძღვანელის, ლევან სურგულაძის თანამდებობიდან წასვლა ვადაზე ადრე (1 წელიწადში წავიდა ის...

სახელმწიფო ბიუჯეტი საპარლამენტო არჩევნების სამსახურში

სახელმწიფო ბიუჯეტი საპარლამენტო არჩევნების სამსახურში
access_time2019-12-13 19:45:25
2020 წლის სახელმწიფო ბიუჯეტი პოლიტიკურად მიზანშეწონილი გადაწყვეტილებებით არის დატვირთული. სახელისუფლებო პარტიისთვის 2020 წლის მთავარი პოლიტიკური მიზანშეწონილობა საპარლამენტო არჩევნების მოგებაა. პირველ რიგში, ბიუჯეტსაც ეს დაკვეთა აქვს.2020 წლის სახელმწიფო ბიუჯეტის პრიორიტეტი პენსიისა და საჯარო სექტორში დასაქმებულთა ხელფასების ზრდაა. 2019 წელთან შედარებით, 2020...

მარსზე გაფრენილ პირველ ადამიანს შესაძლოა, საქართველოში დამზადებული კოსტიუმი ეცვას

მარსზე გაფრენილ პირველ ადამიანს  შესაძლოა, საქართველოში დამზადებული კოსტიუმი ეცვას
access_time2019-12-13 18:30:11
ქართული სტარტაპი Elven Technologies მარსის მომავალი მისიისთვის და ამერიკული ბაზრის დაპყრობისთვის ემზადება, თუმცა ამ ეტაპზე პროდუქტის საბოლოო ვერსიის დასამზადებლად ინვესტიციის მოზიდვას ცდილობს. ქართული დამწყები მცირე ბიზნესის პროდუქტი, მეხანძრის ინოვაციური კოსტიუმია, რომელსაც ორი მთავარი ინოვაცია აქვს, სრულიად ცეცხლგაუმტარია და ტემპერატურისგან 8-ჯერ უფრო ხანგრძლივი დაცვა გააჩნია, ვიდრე არსებულ კოსტიუმებს. ამავდროულად, მას გაგრილების სისტემის ახალი ტექნოლოგია...

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“
access_time2019-12-13 17:30:57
მეფრინველეობის დარგის წარმომადგენლები დღგ-სგან გათავისუფლებას ითხოვენ. სექტორში კანონმდებლობის დახვეწის საჭიროების საკითხიც ნათელია. პარალელურად პრემიერ-მინისტრი გიორგი გახარია მთავრობის წარმომადგენლებს თვითკმარი სოფლის მეურნეობის შექმნის და...


მსგავსი სიახლეები

up