Die Welt: რუსები - საკრედიტო ხაფანგში

Die Welt: რუსები - საკრედიტო ხაფანგში

access_time2019-06-13 20:00:11


გავლენიანი გერმანული გამოცემა Die Welt რუსეთში ცხოვრების დონის გაუარესებაზე წერს, რის მიზეზადაც მოსახლეობის საკრედიტო დავალიანების ზრდის პრობლემას ასახელებს.



ხშირად გვესმის სტერეოტიპები მდიდარ რუსებზე, რასაც ადასტურებს ბოლო დროის ევროპული პოლიტიკის ყველაზე ხმაურიანი სკანდალი - ვიდეორგოლი, სადაც ჩანს ავსტრიის ყოფილი ვიცე-კანცლერი ჰაინც-ქრისტიან შტრახე იბიცას ერთ-ერთი ფეშენებელური სასტუმროში რუს მილიარდერებთან ერთად.



თუმცა, ამ დროს ყველას ავიწყდება, რომ რუსეთი არ შედგება მხოლოდ პუტინთან დაახლოვებული ოლიგარქებისგან და ქვეყნის მოსახლეობის ცხოვრება სულაც არ მიდის ასე კარგად - პირიქით.



მას შემდეგ, რაც მოსკოვი დაუპირისპირდა დასავლეთს ყირიმის ანექსიის გამო (2014 წელი), რასაც დაემატა ნავთობზე ფასების ვარდნა, რუსეთის რიგითი მოქალაქეების ცხოვრების დონე წლიდან წლამდე უარესდება.



მიმდინარე სტატისტიკა აჩვენებს, რომ დღეისათვის რუსეთის ცხოვრების დონემ პოსტსაბჭოთა ეპოქის ყველაზე მძიმე პერიოდამდე მიაღწია.



როსსტატის ინფორმაციით, 2018 წლის მე-4 კვარტალში, მოსახლეობის 48%-ს შემოსავლები მხოლოდ კვებაზე და ტანსაცმელზე ჰყოფნის, მათთვის მიუწვდომელია ხანგრძლივი მოხმარების საგნები, ისეთები, როგორიცაა ავეჯი ან ავტომობილი.
შექმნილ სიტუაციაში, ადამიანებს სულ უფრო ხშირად უწევთ შედარებით კარგ წლებში დაგროვილი დანაზოგების ხარჯვა ყოფითი მიზნებისთვის ისე, რომ ისინი ვერ ახერხებენ თუნდაც მინიმალური თანხების გადადებას. ე.წ. შავი დღისთვის თანხის შენახვას, მხოლოდ მოსახლეობის 3,7% ახერხებს.



იყო უარესი პერიოდებიც - როსსტატის მონაცემებით, 1998 წელს, როდესაც რუბლის კურსი ჩამოიშალა, მოსახლეობა დანაზოგებში მხოლოდ შემოსავლის 25%-ს ინახავდა.



სოციოლოგიური სამსახურის „ლევადა ცენტრის“ მონაცემებით, რუსეთის მოსახლეობის 2\3 საერთოდ არ ფლობს არანაირ დანაზოგს. საშუალო ფენა ყველაზე მეტად ყირიმის კრიზისის შემდეგ დაზარალდა.
ამასთან ერთად რუსეთში შენელდა ეკონომიკური ზრდაც. როსსტატის მონაცემებით, 2018 წელს მშპ-ს ზრდამ შეადგინა მხოლოდ 2,3% - თავისთავად ეს არ არის ძალიან დაბალი მაჩვენებელი, მაგრამ მიღწეულია მხოლოდ მსხვილი ინფრასტრუქტურული პროექტების განხორციელების ხარჯზე - ისეთების, როგორიც არის ფეხბურთის მსოფლიო ჩემპიონატის ობიექტების და ყირიმის ხიდის მშენებლობა.




ამის შემდეგ, უკვე 2019 წლის პირველ კვარტალში, ზრდა შემცირდა 0,5%-მდე.



ამის ერთ-ერთი მიზეზია მთავრობის მცდარი გადაწყვეტილება დღგ-ს მომატებაზე, რომელმაც შეამცირა შიდა მოხმარების დონე.



ეკონომიკის სამინისტროს ინფორმაციით, სახელმწიფოს ძალიან სჭირდება დღგ-ს გაზრდა, რადგან ბოლო წლებში ფინანსურ სირთულეებს განიცდის.



როგორც რუსეთის პრეზიდენტის პრესმდივანი დმიტრი პესკოვი აცხადებს ეკონომიკაში პრობლემებზე წუხს კრემლიც.
2014 წლიდან რუსეთში მცირდება რეალური შემოსავლები. დღეს საშუალო სტატისტიკურ რუსს აქვს 8,3%-ით ნაკლები ფული, ვიდრე 2013 წელს, თანაც ეს - დათვლის შეცვლილი მეთოდოლოგიით - აქამდე არსებულით კი, მაჩვენებელი კიდევ უფრო მძიმეა და შეადგენს 11%-ს.



ამასთან, ყველა პროგნოზის თანახმად, ნეგატიური ტენდენცია შენარჩუნდება 2019 წელსაც.



შექმნილ სიტუაციაში ადამიანებმა დაიწყეს ზომების მიღება - ვისაც როგორ შეუძლია და რაზეც მიუწვდებათ ხელი. კერძოდ, დაიწყო სესხების მასობრივი აღება. ისეთი ტემპებით, რომ ცენტრალური ბანკიც კი შეწუხდა.



2018 წელს ფიზიკური პირების დავალაინება გაიზრდა 22,4%-ით და 14,9 მლრდ. რუბლს მიაღწია.



ეს არის დავალიანების ზრდის ყველაზე ინტენსიური მაჩვენებელი 2013 წლიდან. დავალიანების ტვირთი, ანუ სესხების ყოველთვიური მომსახურების და შემოსავლების შეფარდება 10% შეადგენს, რაც ისტორიულ მაქსიმუმთან ახლოსაა - 2014 წელს 10,4% დაფიქსირდა.



რუსეთის ცენტრალური ბანკის პრეზიდენტმა ელვირა ნაბიულინას თქმით, რუსეთის მოქალაქეები სესხების დაფარვაზე შემოსავლების 44%-ს ხარჯავენ. მისმა მოადგილემ დმიტრი ტულინმა კი განაცხადა, რომ „ადამიანები დაიღალნენ ცხოვრების ასკეტური წესით და ცდილობენ სესხების მეშვეობით შეინარჩუნონ მოხმარების თუნდაც დღეისთვის ჩამოყალიბებული დონე“.
ტულინის თქმით, ეს ძალიან საშიში პროცესია და შესაძლოა გახდეს ხაფანგი როგორც მოსახლეობისთვის, ასევე ბანკებისთვის. პირველ რიგში პრობლემას წარმოადგენს უზრუნველყოფის გარეშე გაცემული სესხების დიდი რაოდენობა და საკრედიტო აქტივების მკვეთრი გადახრა ფიზიკური პირებისა და სამომხარებლო სესხების მიმართულებით.



ცენტრალური ბანკის შეფასებით, რუსეთის ფინანსური სისტემის სტაბილურობას 4 ფაქტორი ემუქრება, მათ შორისაა მოსახლეობის შემოსავლების ვარდნა და პარალელურად დავალიანების ზრდა.



თუმცა, კომერციული ბანკები ჯიუტად ხუჭავენ თვალს ამ საფრთხეზე და აგრძელებენ მოგების მიღებას სესხებიდან.
„ყველას დაავიწყდა 2014 წელი, როდესაც საკრედიტო ბუმი შეიცვალა კონიუნქტურული ვარდნით, რის შედეგადაც ბევრი ბანკი გაკოტრდა და ვინც გადარჩა, ეს სახელმწიფო სუბსიდიების ხარჯზე მოახერხა. იმ პერიოდში გადაუხდელი დარჩა საკრედიტო ვალდებულებების მეოთხედი.




იმისთვის, რომ მსგავსი მოვლენები არ განმეორდეს, რუსეთის ცენტრალურმა ბანკმა დააწესა რეგულაციები არაუზრუნველყოფილი სესხების გაცემაზე. ამ ეტაპზე მიღებულ ზომებს შექმნილ მდგომარეობაზე ჯერ არანაირი გავლენა მოუხდენია, თუმცა, თვიურმა მაჩვენებელმა უკვე დაიწყო შემცირება.



სარეიტინგო სააგენტო «Эксперт РА»-ს დირექტორი ანტონ ტაბახი მიიჩნევს, რომ ცენტრალური ბანკი გაუმკლავდება შექმნილ სიტუაციას, თუ არ მოხვდა რაიმე ეკონომიკური კატასტროფა.



„თუმცა, საბოლოო ჯამში ჭარბი დაკრედიტების პრობლემის გადაწყვეტა არ არის მხოლოდ ცენტრალური ბანკის საქმე. ადამიანები იღებენ სესხებს იმიტომ, რომ მათ უჭირთ და მათი ფინანსური მდგომარეობა მკვეთრად გაუარესდა. ამას კი რეგულატორი ვერაფერს უზამს - ეს უკვე მთავრობის და ხელისუფლების საქმეა,“ - ამბობს ტაბახი.


Die Welt


თეგები:
რუსეთი



19 ოქტომბერი - რეგიონში ყველა ვალუტა გამყარდა

19 ოქტომბერი - რეგიონში ყველა ვალუტა გამყარდა
access_time2020-10-19 18:30:02
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 19 ოქტომბრის ვაჭრობის შედეგად, ქართული ლარის კურსი უმნიშვნელოდ გამყარდა და ერთი აშშ დოლარის ღირებულებამ 3.2117 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-19 21:00:58
დღის Top 10 საინტერესო ამბავი     1. კომერსანტის ექსკლუზივი - პერსონალური მონაცემების დაცვის მიზნით, ამოქმედებული დადგენილება თუ წინასაარჩევნოდ დაგეგმილი ქაოსი კოვიდ სტატისტიკაში   კორონავირუსის პირველი შემთხვევის დადასტურებიდან რვა თვის შემდეგ, კომერსანტმა...

Le Figaro: კომენდანტის საათის შემოღების გამო მაკრონს აჯანყება ემუქრება

Le Figaro: კომენდანტის საათის შემოღების გამო მაკრონს აჯანყება ემუქრება
access_time2020-10-19 20:30:21
დღეს ორი განსხვავებული საფრანგეთი არსებობს, ერთი რომელიც კომენდანტის საათში კორონავირუსის გამო 21.00-დან 6.00-მდე ჩაკეტეს და  მეორე, რომელიც ცხოვრების გაგრძელებას ცდილობს, თუ ამას ინფექციის გავრცელების სიჩქარე დააცდის.   ემანუელ მაკრონმა არჩევანი მკაცრი ზომების და დიდ ქალაქებში კომენდანტის საათის სასარგებლოდ გააკეთა და ამით რეალურ რისკზე წავიდა.   სწორედ დიდ ქალაქებში, პირველ რიგში პარიზში, პანდემიამ ყველაზე მძიმე სოციალური  ჭრილობები დატოვა,...

Financial Times: ეკონომიკური აღდგენა არათანაბარი იქნება

Financial Times: ეკონომიკური აღდგენა არათანაბარი იქნება
access_time2020-10-19 19:30:29
როდესაც კორონავირუსი ჩინეთის ტერიტორიას გასცდა და პანდემია დაიწყო, ყველა ეკონომიკა მსოფლიოში ერთბაშად და უნისონში ჩამოიშალა. ყველა ქვეყანაში ეკონომიკური მაჩვენებლები მკვეთრად შემცირდა ისეთ დონეზე, რომელიც კაცობრიობას მშვიდობიანობის დროს არ უნახავს.   ამის შემდეგ აგრესიული ფისკალური და მონეტარული რეაქცია დაიწყო, ასევე სხვადასხვა ქვეყნებში ვირუსის წარმატებული შეკავება, მაგალითად ჩინეთში.   საერთაშორისი სავალუტო ფონდის პროგნოზის...

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს
access_time2020-10-19 17:30:07
ავიაკომპანია „აირ ჯორჯიამ“ შესაძლოა, დაბალბიუჯეტიანი ფრენები დაიწყოს. როგორც ,,ჰაბ ჯორჯიას“ დამფუძნებელმა გიორგი კოდუამ განაცხადა, პირველი AIRBUS A320 ტიპის თვითმფრინავი თბილისის აეროპორტში ხვალ შემოვა, მეორე კი დაახლოებით, 1 თვეში.   გიორგი კოდუას თქმით, ამ ეტაპზე მთავრობასთან მოლაპარაკებები ისევ გრძელდება და დადებითი პასუხის შემთხვევაში, ეს იქნება პირველი ქართული დაბალბიუჯეტანი ავიაკომპანია, რომელიც კონკურენციას Wizz Air-ს გაუწევს. თუმცა, იმ შემთხვევაში, თუ სახელმწიფო...


მსგავსი სიახლეები

up