Die Tageszeitung: სამედიცინო კატასტროფა დაღესტანში

Die Tageszeitung: სამედიცინო კატასტროფა დაღესტანში

access_time2020-05-22 20:30:48

ჩრდილოეთ კავკასიაში, რუსეთის შემადგენლობაში შემავალ დაღესტანის რესპუბლიკაში კორონავირუსისგან დაავადებულთა რაოდენობა სწრაფი ტემპებით იზრდება. აქ წესებს არ იცავენ და იზოლირებას არ ჩქარობენ, ხოლო ხანძრის ჩასაქრობად მოსკოვის დახმარება გახდა საჭირო.


აბდულმანაპ ნურმაგომედოვი მახაჭკალიდან მოსკოვის სამხედრო ჰოსპიტალში სასწრაფოდ გადაიყვანეს. ჩრდილოეთ კავკასიაში მას უკვე ვერ შველოდნენ, რის გამოც მისი ტრანსპორტირება მოსკოვში გახდა აუცილებელი. თუმცა, ის არაა რიგითი, ჩვეულებრივი დაღესტანელი. მისი შვილია - შერეული ორთაბრძოლების აღიარებული ოსტატი, მსუბუქ წონაში მსოფლიო ჩემპიონი ჰაბიბ ნურმაგომედოვი. კორონავირუსით დაავადებულ სხვა ადამიანს მოსკოვის ყურადღების ლოდინი გაცილებით უფრო დიდხანს მოუწევდა. აბდულმანაპს გაუმართლა - რუსეთის პრეზიდენტი ვლადიმერ პუტინი ასევე შერეული ორთაბრძოლების მოყვარულია და ჰაბიბს პირადად იცნობს. თუმცა, დანარჩენები გაცილებით ნაკლებად იღბლიანები არიან. ოფიციალური მონაცემებით. 2-მილიონიან რესპუბლიკაში კორონავირუსით 3600 დაავადდა, 32 კი დაიღუპა. ჯანდაცვის ადგილობრივი სამინისტროს ინფორმაციით, დაავადებულთა რეალური ციფრი 14 000-ს შეადგენს.


რეალურად სიტუაცია გაცილებით უფრო მძიმეა  - სტატისტიკას კორონავირუსისის ნაცვლად პნევმონიის დიაგნოზის დასმა აუმჯობესებს. რუსეთში ტრადიციულად მაღალია უნდობლობა ხელისუფლებისადმი.


„პნევმონიისგან ოფიციალურად დაღესტანში კორონავირუსზე 20-ჯერ მეტი ადამიანი იღუპება“ - ამბობს მწერალი და საზოგადოებრივი აქტივისტი საიდ ნეინალოვი.



მისი თქმით, მატერიალური რესურსების გარდა შექმნილი მძიმე კრიზისის მიზეზი არასაკმარისი საინფორმაციო პოლიტიკაც აღმოჩნდა.


„სახლში არავინ რჩება, ასევე თვითიზოლაციის რეკომენდაციებსაც არავინ იცავს. ეს ადგილობრივი მოსახლეობის მენტალიტეტის ბრალიცაა - ადამიანები მეჩეთებში დადიან, დიდ ოჯახურ წვეულებებს და გასვენებებს აწყობენ - და ეს ყველაფერი - რეკომენდაციების მიუხედავად“  - ამბობს ნეინალოვი.


სოფლებში ტრაგიკული ვითარებაა შექმნილი - ნათესავებმა ვირუსი ასაკოვან ადამიანებს გადადეს, ავადმყოფების დიდი რაოდენობა სახლებში, უხმაუროდ და ყოველგვარი რეგისტრაციის გარეშე კვდება. იმის მიუხედავად, რომ ოფიციალურად კორონავირუსისგან დაღესტანში მხოლოდ 32 ადამიანი გარდაიცვალა, მხოლოდ მედიკოსებს შორის დაღუპულთა რაოდენობამ 40-ს მიაღწია. ზოგიერთ სოფელში  ნახევარი მოსახლეობა დაავადდა, იქ დღეში 3-4 ადამიანი კვდება. ეს სოფელ ტემეკმახის მერმაც დაადასტურა - მისი თქმით, სოფელში მცხოვრები 2000 ადამიანიდან 1000-ზე მეტი ინფიცირებულია, ხოლო აპრილში 12 ადამიანი გარდაიცვალა. და ეს მაშინ, როდესაც ეპიდემიამდე ტებეკმახში წელიწადში სიკვდილიანობა საშუალოდ 15 ადამიანს შეადგენდა.


ეს სრული სამედიცინო კატასტროფაა.


„მოსკოვმა რესპუბლიკის ხელმძღვანელად უცხო, არადაღესტანელი დანიშნა. მას რესპუბლიკაში კლანური და ეთნიკური შუღლის აღმოფხვრა ევალებოდა. თუმცა, წესრიგი და ეფექტურობა მხოლოდ ფასადური აღმოჩნდა“ - თვლის რუსი პოლიტოლოგი კირილ როგოვი.


მოამზადა თენგიზ აბლოთიამ





ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...


მსგავსი სიახლეები

up