დიდთოვლობისა და ყინვის წინაშე უძლური დასავლეთ საქართველო

დიდთოვლობისა და ყინვის წინაშე უძლური დასავლეთ საქართველო

access_time2016-01-05 19:13:01

დიდთოვლობამ და ყინვამ ბოლო დღეებში არაერთი მძიმე პრობლემა შექმნა საქართველოს მასშტაბით და ძირითადად – დასავლეთ საქართველოში. იმის გარდა, რომ, მაგალითად, იმერეთის, სამეგრელოსა თუ გურიის სოფლების ნაწილი ახალი წლის დღეებში ელექტროენერგიის გარეშე დარჩა, ადგილობრივები უჩივიან გადაადგილების პრობლემასაც, რაც შიდა გზების გაუწმენდაობით არის განპირობებული. 


ნინა მამინაიშვილის ოჯახმა გურიის სოფელ შემოქმედში საახალწლო დღეები დიდწილად ელექტროენერგიის გარეშე გაატარა, თუმცა, სხვა სოფლებისგან განსხვავებით, შეიძლება ითქვას, რომ შემოქმედს მაინც გაუმართლა და ახალ წელს სანთლის შუქზე არ შეხვდა:


„შუქი არ იყო 31-ში და მოვიდა ძალიან გვიან, ალბათ, 11–ის ნახევარზე... 1 იანვარს იყო შუადღემდე და მერე წავიდა... ბედობას (2 იანვარს) არ იყო მთელი დღე და გვიან მოვიდა... ძირითადად არც გუშინ (3 იანვარს) იყო შუქი – შუადღისას გააკეთეს, უფრო სწორად, და მერე მოვიდა... დღეს კი, ისევ არ არის... ასევე არის გადაადგილების პრობლემა – ექიმთან რომ წახვიდე, ქალაქ ოზურგეთამდე ვერ ჩახვალ, რადგანაც ტრანსპორტი არ მოძრაობს. ფეხით წახვალ და მოყინულია გზა და დაიმტვრევი...“


ტრანსპორტის არარსებობის პრობლემა, თავის მხრივ, დიდთოვლობით არის განპირობებული და, მიუხედავად იმისა, რომ, ნინა მამინაიშვილის თქმით, გზები გაიწმინდა კიდეც, მაინც სულ გასაწმენდია და გადაადგილება შეუძლებელია.



დიდთოვლობამ და ყინვამ დიდი პრობლემები შექმნა აჭარაშიც. მაღალი სართულიდან მოწყვეტილმა თოვლის მასამ 4 იანვარს მნიშვნელოვნად დააზარალა მაღაზია „წიგნები ბათუმში“ და, შენობის ნაწილის ჩამონგრევის გარდა, პირველადი ინფორმაციით, მაღაზიაში გაფუჭდა 400-მდე წიგნი. მაღაზიის წარმომადგენლის მარი კორინთელის თქმით, კონკრეტულად ამ ფაქტის გამო ისინი პასუხისმგებლობას არავის აკისრებენ, თუმცა დიდთოვლობის შედეგად ბათუმში გამოვლენილმა სხვა პრობლემებმა გაუსაძლისი სიტუაცია შექმნა:


„რაღაც კატასტროფა ხდება... იმიტომ, რომ გზები არ იწმინდება და არც სახურავები. კონკრეტულად ჩვენი შემთხვევა არავის ბრალი არ არის, რადგანაც მე-10 სართულიდან მომწყდარი თოვლი დაგვეცა, მაგრამ, ზოგადად, ქალაქში პატრონი არ ჰყავს აქაურობას... რამდენი დღეა უკვე მოყინულია გზები და აბსოლუტურად არაფერი კეთდება იმისთვის, რომ მთავარი ქუჩები მაინც გაიწმინდოს...“

 

ტრანსპორტისა და გადაადგილების პრობლემის გარდა, 4 იანვრის მდგომარეობით, სხვადასხვა წყაროს ცნობით, ელექტროენერგიის გარეშე იყო დარჩენილი აჭარის რაიონის 10-მდე სოფელი. უშუქობას უჩიოდა ასევე ათასობით აბონენტი გურიაში, იმერეთსა თუ სამეგრელოში. 


საავტომობილო გზების დეპარტამენტის ინფორმაციით, გზებზე პრობლემებს ქმნიან ზამთრისთვის არასათანადოდ მომზადებული ავტომობილები და ამიტომ მოუწოდებენ მძღოლებსს არ გადაადგილდნენ შესაბამისი კონდიციის ზამთრის საბურავების გარეშე.


 

დიდთოვლობისა და ყინვის გამო ამ ეტაპისთვის შექმნილ ძალიან მძიმე სიტუაციაში დამაიმედებელი მხოლოდ ის არის, რომ მდგომარეობის კიდევ უფრო გაუარესება აღარ არის მოსალოდნელი. როგორც გარემოს ეროვნული სააგენტოსგრძელვადიანი პროგნოზების სამსახურის უფროსმა სვეტლანა ნიორაძემ უთხრა რადიო თავისუფლებას, ნალექი, თოვლის სახით, მხოლოდ მთაში და მაღალმთაში შენარჩუნდება. იმავე წყაროს ცნობით,  5 იანვრიდან ჰაერის ტემპერატურა მოიმატებს როგორც დასავლეთ, ასევე აღმოსავლეთ საქართველოში, ყინვა შესუსტდება და, 10 იანვრის ჩათვლით, ნალექს ძირითადად წვიმის სახე ექნება. 6 და 7 იანვარს დედაქალაქში +10 +11 გრადუსია მოსალოდნელი.

 

რადიო "თავისუფლების" მასალები



„დიდგორელის“ მონაწილეთა პირველი კონფერენცია

„დიდგორელის“  მონაწილეთა პირველი კონფერენცია
access_time2021-12-06 17:50:47
საქართველოს პარლამენტის ეროვნულ ბიბლიოთეკაში, საგანმანათლებლო პროექტ  „დიდგორელის“ ორგანიზებითა და  არემჯის მხარდაჭერით,  ოკუპირებულ აფხაზეთში არსებული კულტურული მემკვიდრეობის ძეგლების შესახებ მოსწავლეთა კონფერენცია გაიმართა. მოსწავლეთა კონფერენციაში მონაწილეობა თბილისის, ზუგდიდის, მესტიის, მარნეულის ახალციხის, გარდაბნის და თეთრიწყაროს სკოლების ოცამდე მოსწავლემ მიიღო. მოსწავლეებმა, პროექტ ,,დიდგორელის’’ ავტორებთან და...

ლარის კურსი ყველა ძირითად ვალუტებთან მიმართებით გამყარდა

ლარის კურსი ყველა ძირითად ვალუტებთან მიმართებით გამყარდა
access_time2021-12-06 18:00:16
6 დეკემბრის ვაჭრობის შედეგად ლარი აშშ დოლართან მიმართებაში 2.43 თეთრით 3.0967-მდე გამყარდა. Bloomberg-ის პლატფორმაზე დღის ბოლოს კურსმა 3.0900 შეადგინა. საერთაშორისო ვალუტებიდან ლარი ევროსთან 3.09 თეთრით 3.4993-მდე, ბრიტანულ ფუნტთან 4.10 თეთრით 4.1037-მდე, აზერბაიჯანულ მანათთან 1.60 თეთრით 1.8215-მდე, ლარი თურქულ ლირასთან 0.44 თეთრით 0.2247-მდე, 1000 სომხურ დრამთან 5.06 თეთრით 6.2921-მდე, ხოლო 100 რუსულ რუბლთან 4.26 თეთრით...

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება
access_time2021-12-06 18:30:16
ინფექციური კლინიკა ახალ შენობაში, დიდი ალბათობით, არც წელს გადავა. ამის შესახებ jandacva.ge-ს  „ავერსში“ განუცხადეს, რომელსაც ის ტერიტორია ეკუთვნის, სადაც ინფექციური საავადმყოფოა განთავსებული. „ავერსი ფარმას“ დირექტორის ირაკლი ფურცელაძის განცხადებით,  ახალ შენობაში, რომელიც ინფექციურ საავადმყოფოს სახელმწიფომ 2020 წლის მაისში შეუძინა და რომელიც თეთრი კარკასის მდგომარეობაშია, „კარიც კი არავის შეუღია“ და იქ ამ ხნის განმავლობაში არანაირი...

დაიბრუნეთ საკომისიო ვითიბის მობაილ და ინტერნეტ ბანკით გადახდისას

დაიბრუნეთ საკომისიო ვითიბის მობაილ და ინტერნეტ ბანკით გადახდისას
access_time2021-12-06 15:50:29
მომხმარებელი, რომელიც დარეგისტრირდება ვითიბის მობაილ და ინტერნეტ ბანკით წლის ბოლომდე. დაიბრუნებს როგორც დეკემბრის, ისე იანვრის კომუნალური გადახდების საკომისოს. შეღავათი მოიცავს კომუნალური, სადაზღვევო, საფოსტო და სწავლის გადახდებზე...

Myway Airlines-ი სასამართლოში მიდის - „თუ აქტი სასამართლოში გასაჩივრებით არ შეჩერდა, კომპანია 1 კვირაში გაკოტრდება“

Myway Airlines-ი სასამართლოში მიდის - „თუ აქტი სასამართლოში გასაჩივრებით არ შეჩერდა, კომპანია 1 კვირაში გაკოტრდება“
access_time2021-12-06 20:00:00
Myway Airlines-ი სამოქალაქო ავიაციის სააგენტოს გადაწყვეტილებას სასამართლოში გაასაჩივრებს. როგორც კომპანიის იურისტი „ბიზნესპრესნიუსთან“ საუბრისას აცხადებს, სააგენტოს გამოცემული აქტი სასამართლოში გასაჩივრებით თუ არ შეჩერდა, ნიშნავს, რომ კომპანია ოპერირებას ვერ შეძლებს და პირდაპირ 1 კვირაში გაკოტრდება. შეგახსენებთ, რომ საქართველოს მთავრობა ავიაკომპანია Myway Airlines-ისთვის კომერციული ფრენის ლიცენზიის გაუქმებას გეგმავს. ეს კი ავიაკომპანიის გაჩერებას...


მსგავსი სიახლეები

up