ეკონომიკურად ძლიერი სახელმწიფოების ჯგუფმა, „დიდმა შვიდეულმა“ ტრანსნაციონალური კომპანიების დაბეგვრის შესახებ შეთანხმებას მიაღწია - აღნიშნული კომპანიები მეტ გადასახადს გადაიხდიან, - ამის შესახებ BBC წერს.
შვიდი ქვეყნის ფინანსთა მინისტრები ლონდონში გამართულ შეხვედრაზე შეთანხმდნენ, რომ გლობალური კორპორატიული გადასახადის განაკვეთი მინიმუმ 15%-ი უნდა იყოს.
ამასთან, კომპანიებმა გადასახადი იმ ქვეყნებში უნდა გადაიხადონ, რომლებშიც ოპერირებენ და არა მხოლოდ იქ, სადაც მათი სათაო ოფისებია განთავსებული.
როგორც სხდომაზე დიდი ბრიტანეთის ფინანსთა მინისტრმა რიში სუნაკმა განაცხადა, „შეთანხმება შექმნის სამართლიან საგადასახადო სისტემას, რომელიც შეეფერება 21-ე საუკუნეს“.
საქველმოქმედო ორგანიზაციები „დიდი შვიდეულის“ ამ გადაწყვეტილებას იწუნებენ და აცხადებენ, რომ ის ვერ შეცვლის ღარიბი ქვეყნების მდგომარეობას, ვინაიდან ეს მინიმალური პროცენტული ნიშნული ძალიან დაბალია და მისგან სარგებელს ისევ „შვიდეულის“ ქვეყნები მიიღებენ - უკიდურესად ღარიბი ქვეყნების ხარჯზე.
არსებული რეგულაციებით, კომპანიებს შეუძლიათ შექმნან ადგილობრივი ფილიალები იმ ქვეყნებში, რომლებსაც შედარებით დაბალი საგადასახადო განაკვეთებია და მოგების გადასახადსაც ამ ქვეყნებში იხდიან.
ეს ნიშნავს, რომ ისინი გადასახადს მხოლოდ ადგილობრივი რეგულაციების პირობებით იხდიან, მაშინაც კი, თუ მათი მოგების ძირითადი ნაწილი სხვა ქვეყნებში გაყიდვებიდან შესდით.
imedinews.ge