დიდ სახელმწიფო კლინიკებში, სადაც ახალი სახელფასო სისტემა ამოქმედდა, მედპერსონალის მინიმალური ანაზღაურება, 30%-ით გაიზარდა

დიდ სახელმწიფო კლინიკებში, სადაც ახალი სახელფასო სისტემა ამოქმედდა, მედპერსონალის მინიმალური ანაზღაურება, 30%-ით გაიზარდა

access_time2022-08-04 22:00:00

დიდ სახელმწიფო კლინიკებში, სადაც ახალი სახელფასო სისტემა ამოქმედდა, მედპერსონალის მინიმალური ანაზღაურება, 30%-ით გაიზარდა.


როგორც „ინტერპრესნიუსს“ ნ. ყიფშიძის სახელობის საუნივერსიტეტო კლინიკის - რესპუბლიკური საავადმყოფოს' ხელმძღვანელმა, ლიკა ჭუმბურიძემ განუცხადა, ახალი სახელფასო სისტემის თანახმად, ექიმის მინიმალური ანაზღაურება ყოველთვიურად 1 620 ლარს შეადგენს, სანიტრის კი 504 ლარს.


„რესპუბლიკურ საავადმყოფოში აღნიშნული პროგრამის დანერგვა დავიწყეთ ივნისიდან. ეს რაც შეეხება თბილისს, ახალი სახელფასო სისტემის მიხედვით, ექიმის მინიმალური ანაზღაურება შეადგენს საათში 9 ლარს, რაც ყოველთვიურად 1 620 ლარია. უმცროსი ექიმის ანაზღაურება საათების მიხედვით 6 ლარია, თვეში კი - 1 080 ლარი; ექთნის - საათში 5,75, თვიურად 1035 ლარი; ექთნის დამხმარის - 3 ლარია, თვეში - 540 ლარი. სანიტრის შემთხვევაში კი ეს თანხა საათში 2,80-ია, შესაბამისად, ყოველთვიურად, 504 ლარი.


პირველი აგვისტოდან დიდ სახელმწიფო კლინიკებში - ბათუმის რესპუბლიკურ საავადმყოფოში, რუხის კლინიკასა და ქუთაისის ო.ჩხობაძის მრავალპროფილურ ცენტრში დასაქმებული მედპერსონალის ხელფასი გაიზარდა. ტარიფები კი შემდეგნაირად გამოიყურება: ექიმის ანაზღაურება საათში 8 ლარი, რაც ყოველთვიურად 1440 ლარია, უმცროსი ექიმის ანაზღაურება საათში 6 ლარი, თვიურად 1080 ლარია, ექთნის საათობრივი ხელფასი - საათში 5 ლარია, რაც თვიურად არის 900 ლარი, ექთნის დამხმარის - 3 ლარი, ანუ თვეში 540 ლარი, სანიტრის ანაზღაურება 2.50, ანუ თვიურად 450 ლარია. ყველაზე მნიშვნელოვანია, რომ ეს არის მორიგეობის ანაზღაურება, რომელზე დაბალი ხელფასი კლინიკაში თანამშრომელს არ ექნება. თუმცა, სხვადასხვა დეპარტამენტების სირთულის მიხედვით ეს ხელფასი იზრდება. მაგალითად, რეანიმაციაში, „ემერჯენსში“, კარდიოლოგიაში, ნევროლოგიაში, აღნიშნულზე მეტი ხელფასი აქვს. ის ექიმები, რომლებიც სხვადასხვა ნოზოლოგიების მიხედვით გამომუშავებულ პროცესში არიან ჩართულები, ამ ხელფასს გამომუშავებითი ნაწილი ემატება.



ჩვენი ქსელის კლინიკებში, საერთო ჯამში, 30%-ით გაიზარდა სამედიცინო პერსონალის ანაზღაურება“,- აღნიშნავს ლიკა ჭუმბურიძე.


როგორც ლიკა ჭუმბურიძე განმარტავს, მას შემდეგ, რაც რესპუბლიკურ საავადმყოფოში ახალი სახელფასო სისტემა ამოქმედდა, არაერთი კერძო კლინიკის ხელმძღვანელი უკავშირდება კლინიკას და პილოტური პროგრამის გაზიარებას ითხოვს.


„ჯანდაცვის სამინისტროს მხრიდან ახალი სახელფასო სისტემის დანერგვამ ძალიან მნიშვნელოვანი და დიდი მოტივაცია გამოიწვია. როგორც ერთ-ერთი კლინიკის ხელმძღვანელმა, მინდა მადლობა ვუთხრა უწყებას. კოლექტივი ძალიან კმაყოფილია. წლების განმავლობაში ხელფასების გადახედვა არ მომხდარა. კორონავირუსმა გვაჩვენა, თუ რამდენად დიდია სამედიცინო პერსონალის როლი ყოველდღიურ ცხოვრებაში. ძალიან დიდი შრომა გაწიეს, ბევრი ადამიანის სიცოცხლე გადაარჩინეს. პოლიტიკა, რაც ბოლო დროს გვესმის, კერძოდ, ექიმების მუდმივი ლანძღვა, სწორი არ არის. ექიმები ადამიანის სიცოცხლის სადარაჯოზე დგანან. ეს გვაჩვენა დრომ. კოვიდის დროს, როდესაც დანამატი იყო, რა თქმა უნდა, იყო კმაყოფილება, თუმცა მედპერსონალის ნაკლებობა იყო და მათ მეტი შრომა უწევდათ. ეს ნაბიჯი დიდი მოტივაცია იყო. ყველა უზომოდ მადლიერია. სასიამოვნოა ის, რომ ძალიან ბევრი კერძო კლინიკის ხელმძღვანელი რეკავს და გვთხოვს ამ პილოტური პროგრამის გაზიარებას, ვფიქრობ, მომავალში გადაიტანენ საკუთარ კლინიკებში. ძალიან ბევრი სამედიცინო კლინიკის თანამშრომელი აგზავნის cv-ს, რეკავენ, და გვთხოვენ, რომ სამსახურში მივიღოთ, თუნდაც ამ ანაზღაურების გამო. თითოეული თანამშრომელი მოტივირებულია ჩვენს ქსელში“, - აღნიშნავს ლიკა ჭუმბურიძე.


ipn.ge






უკრაინის ვიცე-პრემიერი აცხადებს, რომ სავალდებულო ევაკუაცია, დონეცკის ოლქის გარდა, შესაძლოა, განხორციელდეს ხერსონის, ზაპოროჟიესა და ხარკოვის ოლქებიდანაც

უკრაინის ვიცე-პრემიერი აცხადებს, რომ სავალდებულო ევაკუაცია, დონეცკის ოლქის გარდა, შესაძლოა, განხორციელდეს ხერსონის, ზაპოროჟიესა და ხარკოვის ოლქებიდანაც
access_time2022-08-11 23:50:01
...

კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ

კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ
access_time2022-08-11 23:00:12
​კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ. ამის შესახებ განცხადება დანიის თავდაცვის მინისტრმა, მორტენ ბედსკოვმა გააკეთა. ინფორმაციას...

გაერო-ს გენერალური მდივანი მოითხოვს, ზაპოროჟიეს ატომურ ელექტროსადგურთან სამხედრო აქტივობა დაუყოვნებლივ შეწყდეს

გაერო-ს გენერალური მდივანი მოითხოვს, ზაპოროჟიეს ატომურ ელექტროსადგურთან სამხედრო აქტივობა დაუყოვნებლივ შეწყდეს
access_time2022-08-11 22:00:03
გაერო-ს გენერალური მდივანი ანტონიუ...

ევროკომისია - რუსებისთვის ვიზის გაცემის საკითხი წევრი ქვეყნების კომპეტენციაა

ევროკომისია - რუსებისთვის ვიზის გაცემის საკითხი წევრი ქვეყნების კომპეტენციაა
access_time2022-08-11 21:00:11
ევროკომისიაში აცხადებენ, რომ რუსეთის მოქალაქეებისთვის ვიზების გაცემის საკითხი წევრი ქვეყნების კომპეტენციაა და ცალკეულ სახელმწიფოს შეუძლია საკუთარი უსაფრთხოებიდან გამომდინარე მიიღოს გადაწყვეტილება. ამის შესახებ ევროკომისიის წარმომადგენელმა ანიტა ჰიპერმა...

მიმდინარე თვის ბოლოსთვის საწვავის ფასების შემცირებას ველოდებით — ლევან დავითაშვილი

მიმდინარე თვის ბოლოსთვის საწვავის ფასების შემცირებას ველოდებით — ლევან დავითაშვილი
access_time2022-08-11 20:00:25
ეკონომიკისა და მდგრადი განვითარებისა და ფინანსთა მინისტრები ლევან დავითაშვილი და ლაშა ხუციშვილი დღეს საწვავის რეალიზატორი მსხვილი ქსელების წარმომადგენლებს შეხვდნენ და მათთან ერთად ნავთობპროდუქტების სამომხმარებლო ბაზარზე არსებულ ვითარებაზე იმსჯელეს. ეკონომიკის სამინისტროში გამართულ შეხვედრაზე, რომელშიც ასევე კონკურენციის ეროვნული სააგენტოს ხელმძღვანელი ირაკლი ლექვინაძე მონაწილეობდა, საწვავის ბაზარზე არსებული პროგნოზები, კონკურენციის საკითხები და მარჟების მინიმუმამდე დაყვანის შესაძლებლობები...


მსგავსი სიახლეები

up