დიდ ბრიტანეთში სალათის მოსავლის ასაღებად რობოტ კომბაინს გამოიყენებენ, რაც ხარჯებს 50%-ით ამცირებს

დიდ ბრიტანეთში სალათის მოსავლის ასაღებად რობოტ კომბაინს გამოიყენებენ, რაც ხარჯებს 50%-ით ამცირებს

access_time2021-08-02 15:50:00

აგროტექნოლოგიის ბრიტანელი დეველოპერები სალათის მოსავლის აღების ავტომატიზაციას ბაზარზე რობოტის გამოშვებით გეგმავენ. მათთან გაერთიანებული სამეფოს სალათის ფოთლის ორი უმსხვილესი მწარმოებელი, G's Fresh და PDM Product უკვე თანამშრომლობენ. რობოტის გამოყენება ამ კომპანიებისთვის მოსავლის აღების ხარჯებს, თითქმის, 50%-ით შეამცირებს. ინფორმაციას პორტალი AgroXXI ავრცელებს.


მოსავლის აღების ავტომატიზაცია ხელს შეუწყობს მებაღეობაში მუშახელის ნაკლებობის პრობლემის მოგვარებასაც. AgroXXI-ის მონაცემებით, სალათა ბრიტანეთის ყველაზე ძვირფასი საველე ბოსტნეულია. 2019 წელს ქვეყანაში 178 მლნ ფუნტის საბაზრო ღირებულების, დაახლოებით, 99,000 ტონა სალათა აიღეს.


პორტალის შეფასებით, Brexit-ისა და Covid-19-ის შეზღუდვების გამო, ბოლო ორი წლის განმავლობაში შრომის ბაზარზე მწვავე დეფიციტია, ამდენად, მოსავლის მოყვანისა და აღების რობოტიზაცია მისი მოცულობის გაზრდას ხელს შეუწყობს.


პროექტის წამყვანი პარტნიორი ფირმა Grimme-ის სპეციალისტი ბოსტნეულის მიმართულებით, ტომ გრემი აცხადებს, რომ სოფლის მეურნეობის სექტორის წინაშე დიდი გამოწვევაა საკმარისი რაოდენობის მუშახელის პოვნა, რათა მოსავლის აღების ვალდებულებები დროულად შესრულდეს.


„გარდა ამისა, მუშახელზე ხარჯების ზრდამ, საცალო ფასების მატების გარეშე, ბიზნესისთვის მოგების მარჟის შემცირება გამოიწვია. მწარმოებლები ეძებენ გადაწყვეტილებებს, რომლებსაც შეუძლიათ, შეამცირონ დასაქმებულთა ხარჯები, რათა სექტორში თავიანთი მდგრადობა შეინარჩუნონ. ვიმედოვნებთ, რომ ჩვენი გამოგონება მათ დაეხმარება“,- აცხადებს ტომ გრემი.



კომპანია PDM-ის სოფლის მეურნეობის განყოფილების მმართველმა დირექტორმა, დერმოტ ტობინმა განაცხადა, რომ მრავალი ათწლეულის განმავლობაში მწარმოებლები სალათის მოსავლის აღებისთვის სეზონურ მუშახელს ეყრდნობოდნენ, მაგრამ მისი პოვნა დღეს რთულ ამოცანად იქცა.


„ჩვენმა ინდუსტრიამ სეზონურ მუშახელზე დამოკიდებულების შესამცირებლად რობოტული ტექნოლოგია უნდა გამოიყენოს, ამიტომ ამ პროექტში მონაწილეობას ჩვენი ბიზნესისთვის უდიდესი მნიშვნელობა აქვს“, - აცხადებს დერმოტ ტობინი.


სალათის აღების პროცესი ბოლო 30 წლის განმავლობაში განუწყვეტლივ ვითარდებოდა: მოსავლის აღების, შეფუთვისა და დასაწყობების სამუშაოები მინდორში, მოსავლის აღებიდან რამდენიმე წუთში, ადგილზევე სრულდებოდა.


პროექტის ფარგლებში მოხდება პრასის ასაღები არსებული ტექნიკის ადაპტირება: რობოტი სალათის ფოთლებს მიწიდან ამოიღებს და თასმებით შეკრავს. ღეროს გამოსაჩენად, სალათას გარე ფოთლები მექანიკურად მოშორდება, რის შემდეგაც აპარატი განსაზღვრავს ღეროზე ზუსტ ადგილს, საიდანაც ღეროს სალათის თავს მოაჭრის.


ინგლისში საველე ცდებისთვის რობოტული კომბაინის პროტოტიპს 2021 წლის სეზონის ბოლოსთვის შექმნიან.


BPN.GE




თეგები:
მოსავალი



დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up