DHL Express 2024 წლიდან პირველ სატვირთო ელექტრო თვითმფრინავებს გამოიყენებს

DHL Express 2024 წლიდან პირველ სატვირთო ელექტრო თვითმფრინავებს გამოიყენებს

access_time2021-08-04 18:30:00

გერმანული ლოგისტიკური ჯგუფის, Deutsche Post-ის განყოფილება DHL Express-მა გადაწყვიტა, მსოფლიოში სატვირთო ელექტრო ავიაციის პირველი ქსელი შექმნას. ამ მიზნით, კომპანიამ სტარტაპ Eviation-ს 12 სატვირთო ელექტრო თვითმფრინავი შეუკვეთა, რომლის ექსპლუატაციასაც 2024 წლიდან გეგმავს. DHL Express-ის განცხადებას სააგენტო Reuters-ი ავრცელებს.


განცხადებაში ნათქვამია, რომ DHL Express მსოფლიოში პირველი კომპანიაა, რომელმაც Eviation-ს ელექტრო თვითმფრინავი Alice შეუკვეთა, რითიც მნიშვნელოვანი ნაბიჯი გადადგა მდგრადი ავიაციის განვითარებისკენ.


„ჩვენ მტკიცედ გვჯერა, რომ მომავალი ნულოვანი გამონაბოლქვის ლოგისტიკისაა. ჩვენ ერთობლივად შევაბიჯებთ მდგრადი ავიაციის ახალ ათწლეულში“, - აცხადებს DHL Express-ის გენერალური დირექტორი, ჯონ პირსონი. მისი თქმით, Eviation თავის ელექტრო თვითმფრინავს წლის ბოლოსთვის დატესტავს, ხოლო DHL Express-ს შეკვეთილ 12 სატვირთოს 2024 წლისთვის მიაწვდის.



„Alice-ის სამართვად ერთი პილოტია საჭირო და 1200 კგ (2600 ფუნტი) ტვირთის გადაზიდვა შეუძლია. ერთსაათიანი ფრენისთვის დასამუხტი დრო, დაახლოებით, 30 წუთია, ხოლო ფრენის მაქსიმალური მანძილი 815 კმ-ს (440 საზღვაო მილს) შეადგენს“, - ნათქვამია DHL Express-ის განცხადებაში.


Eviation სინგაპურის Clermont Group-ის სტარტაპია და მცირე ზომის ელექტრო თვითმფრინავების შექმნაზეა სპეციალიზირებული. კომპანიის მიზანია, მისმა თვითმფრინავებმა ცოტა ენერგია გამოიყენონ და ნაკლები საექსპლუატაციო ხარჯებით გამოირჩეოდნენ, მუშაობდნენ უხმაუროდ და რაც მთავარია, ნულოვანი გამონაბოლქვით.


BPN.GE



თეგები:
DHL Express



დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up