დღის TOP10 საინტერესო ამბავი:

1. SWIFT, სანქცირებული რუსული ბანკები და საქართველო

SWIFT არის ორგანიზაცია, რომელიც 1973 წელს ბელგიაში დაარსდა და სისტემა 11 000-ზე მეტ საფინანსო დაწესებულებას ემსახურება მსოფლიოს თითქმის ყველა ქვეყანაში, მათ შორის საქართველოში. SWIFT-ის მეშვეობით დღეში 40 მლნ-მდე გადარიცხვა ხორციელდება.

2. გაყიდული 1 ლიტრი ბენზინიდან 1 ლარი ბიუჯეტში მიდის

საქართველოში ბრენდულ ავტოგასამართ სადგურებზე რეალიზებული ყოველი 1 ლიტრი საწვავიდან, როგორც ბენზინიდან ასევე დიზელიდან, 90 თეთრიდან 1 ლარამდე თანხა ბიუჯეტში აქციზისა და დღგ-ს სახით ირიცხება.

3. Contact-დან და Unistream-დან საქართველოში ფულადი გზავნილების განაღდება შეჩერებულია

საერთაშორის გზავნილების სისტემა Contact-დან და Unistream-დან საქართველოში ფულადი გზავნილების განაღდება შეჩერებულია. როგორც „კომერსანტს“ „თიბისი“ ბანკის საინფორმაციო სამსახურში უთხრეს, მიზეზი გზავნილების სისტემების მხრიდან ლიმიტის ამოწურვაა.

4. ფუტკრების ,,სადამტვერვო სამუშაოებისთვის“ მეფუტკრეები გადასახადს ითხოვენ

ქართველი მეფუტკრეები ამბობენ, ხილის და სხვა სასოფლო–სამეურნეო პროდუქციის მოსავლიანობის ზრდაში დამტვერვის პროცესი მთავარია, მაგრამ  საქართველოში  ფუტკრის ამ ,,ღვაწლს“ არავინ აფასებს. გარკვეულ გასამრჯელოს სექტორი ხილ-ბოსტნეულის მწარმოებლებისგან ითხოვს, ამასთან განიხილება სუბსიდიაც...

5. „ვის სჭირდება შენი სირბილი?“. ბოტასი – კრიპტოვალუტა, თუ ფინანსური პირამიდა

„ბოტასები არის ძალიან კარგად შენიღბული ფინანსური პირამიდა“ – ასე აფასებს საქართველოში პოპულარულ ე.წ. კრიპტოვალუტას ეკონომისტი კონსტანტინე მოსიძე, რომელიც რადიო „კომერსანტის“ გადაცემაში „პროფესიონალები“ იმყოფებოდა სტუმრად.

6. 2007 წელს დაწყებული ინფრასტრუქტურული პროექტი ბათუმში, რომელიც ამ დრომდე არ დასრულებულა

2007, 2008, 2009, 2010, 2011, 2012 … 2021, 2022 – ალბათ არ გაგიკვირდებათ, თუ გეტყვით, რომ მთელი ეს წლები, ერთი ქუჩის რეაბილიტაცია მიმდინარეობდა, ალბათ არც ის გაგიკვირდებათ, თუ გეტყვით, რომ რეაბილიტაციის პროცესი ამ დრომდე არ დასრულებულა.

7. პანდემიის განმავლობაში საქართველოში 1000 ტონამდე სარეალიზაციო თაფლი დაგროვდა

თაფლის ექსპორტი იზრდება, მაგრამ ქართველი მეფუტკრეების დიდ ნაწილს რეალიზაცია ადგილობრივ ბაზარზეც უჭირს. როგორც კომპანია ,,მეთაფლიას“ დამფუძნებელი, მეფუტკრე როლანდ ზირაქაშვილი ,,კომერსანტთან“ ამბობს, წლობით დაგროვილი მარაგი დაახლოებით 1000 ტონამდეა.

8. თურქეთის ბაზრის გახსნიდან დღემდე, საქართველოს მოქალაქეებმა, წამლებში, 43 მილიონი ლარი დაზოგეს

ჯანდაცვის სამინისტრომ თურქეთიდან იმპორტირებული მედიკამენტების გაყიდვების მაჩვენებელი შეისწავლა. შედეგად, გამოიკვეთა, რომ ფარმაცევტული ბაზრის გახსნიდან დღემდე, თურქეთიდან იმპორტირებული მედიკამენტები 125 000-ზე მეტმა მოქალაქემ შეიძინა, რაშიც 62 მილიონის ლარის ნაცვლად, დაახლოებით, 19 მილიონი ლარი გადაიხადა.

9. იპოთეკური სესხების მოცულობა 34%-ით გაიზარდა - „თიბისი კაპიტალი“

1-17 მაისის პერიოდში, ახალი გაცემული იპოთეკური სესხების მოცულობის ზრდამ მოიმატა 2021 წელთან შედარებით და 34%-ს გაუტოლდა. აღნიშნულია „თიბისი კაპიტალის“ ახალ მიმოხილვაში.

10. Forbes: უკრაინიდან მარცვლეულის ექსპორტი მაისში 64%-ით შემცირდა

უკრაინიდან მარცვლეულის ექსპორტი მაისში 64%-ით შემცირდა გასული წლის ანალოგიურ პერიოდთან შედარებით, განაცხადეს უკრაინის სოფლის მეურნეობის სამინისტროში.