დღის TOP10 საინტერესო ამბავი:
1. ნონა გაფრინდაშვილის საქმეზე მოსამართლემ Netflix-ის არგუმენტაცია არ გაიზიარა
ქართველი ლეგენდარული მოჭადრაკის ნონა გაფრინდაშვილის საქმეზე მოსამართლე ვირჯინია ფილიპსმა Netflix-ის შუამდგომლობა საქმის წარმოების შეწყვეტის შესახებ არ დააკმაყოფილა. ამის შესახებ ინფორმაციას იურიდიული ფირმა BLB ავრცელებს.
2. 1-ლი იანვრიდან დღემდე ბიძინა ივანიშვილის ქონება $75 მილიონით შემცირდა
Bloomberg-ის მილიარდერთა ინდექსის მიხედვით, საქართველოს ყოფილი პრემიერ-მინისტრის და პარტია „ქართული ოცნება — დემოკრატიული საქართველოს“ დამფუძნებლის ბიძინა ივანიშვილის ქონება 2022 წლის დასაწყისიდან დღემდე 1.2%-ით, $75 მილიონით შემცირდა.
3. საექსპორტო პროდუქციის დივერსიფიცირებისთვის მეტი უცხოური ინვესტიციაა საჭირო
2021 წელს საქართველოს ექსპორტი 900 მილიონი დოლარით ანუ 27%-ით, 4.2 მილიარდამდე გაიზარდა. ექსპორტში პირველ ადგილზეა ჩინეთი, სადაც 615.6 მილიონი დოლარის საქონელი გავიდა, მატებამ კი 29% შეადგინა.
4. სადაზღვევო კომპანიების ნაწილმა გეგმური ამბოლატორიული მომსახურება შეზღუდა
„შექმნილი ეპიდსიტუაციიდან გამომდინარე, პრიორიტეტი კოვიდ-ით ინფიცირებული დაზღვეულების მართვაა, ამიტომ სიტუაციის დასტაბილურებამდე დროებით იზღუდება იმ გეგმიური სერვისების მიწოდება, რომელთა გადავადებაც ჯანმრთელობისთვის საფრთხეს არ წარმოადგენს“.
5. წიგნი - როგორც ბრენდი საქართველოსთვის
რა სიკეთე შეიძლება მოუტანოს წიგნმა არა მხოლოდ ინდივიდს, არამედ ქვეყანას, როგორც ბრენდმა და რა ადგილი შეიძლება დაიკავოს წიგნმა საქართველოს შესახებ ცნობიერების ამაღლებაში — ამ თემაზე სასაუბროდ რადიო „კომერსანტის“ გადაცემის „ბრენდი საქართველო“ ავტორმა და წამყვანმა ლევან კობერიძემ გამომცემელი მამუკა ხანთაძე მიიწვია.
6. გზავნილებზე სახიფათო დამოკიდებულება იზრება - ინვესტიციები აღარ შემოდის
საქართველოში ფულადი გზავნილების მოცულობა ბოლო პერიოდში ყოველწლიურად იზრდება, ასევე იზრდება გზავნილებზე სახიფათო დამოკიდებულებაც. 2015 წლის შემდეგ გზავნილების წილი მშპ-ს ფორმირებაში 9.8%-დან 13.3%-მდე გაიზარდა.
7. 6 დღეში ზარალი $846 000 - Myway Airlines-სა და სამოქალაქო ავიაციის სააგენტოს შორის დავა გრძელდება
ავიაკომპანია Myway Airlines-ი ფრენებს, პრობლემების მიუხედავად, ჩვეულ რეჟიმში ახორციელებს, თუმცა როგორც კომპანიის იურისტი თამარ მამფორია „ბიზნესპრესნიუსთან“ საუბრისას აცხადებს, 6-დღიანი გაჩერების პერიოდში, გარანტირებული შემოსავალი ერთ დღეზე 141 000 აშშ დოლარი კომპანიამ უკვე იზარალა.
8. ტყავის შემცვლელი ხურმისგან - ესპანური კომპანია წარმოებას იწყებს
ვალენსიური კომპანია Laserfood ესპანეთში პირველ საწარმოს აამუშავებს, რომელიც ცხოველური ტყავის ვეგანურ შემცვლელს გამოუშვებს. ტყავის შემცვლელის ნედლეული ხურმა იქნება. ამის შესახებ პორტალი agroinformacion.com წერს.
9. ფერადი ბოსტნეულის ბიომეურნეობა შემოდგომიდან ბაზარზე ახალ სერვისს დანერგავს
იასამნისფერი კარტოფილი, შავი და იასამნისფერი სტაფილო, შავი პომიდორი და სხვა მრავალფეროვან ბოსტნეულს ნიკა ბაგალიშვილი ძირითადად სოციალური ქსელის მეშვეობით ჰყიდის. მისი პროდუქტი დედაქალაქში ხილბოსტნეულის რამდენიმე მაღაზიაშიც იყიდება.
10. საქართველოს ავიაბაზრის მოთამაშეების რეიტინგი დატვირთულობის მიხედვით – TOP-10 ავიაკომპანია
საქართველოს ავიაბაზარზე ოპერირებადი ავიაკომპანიებიდან 2021 წელს ყველაზე მაღალი დატვირთულობის მაჩვენებელი აზერბაიჯანულმა ავიაკომპანია Buta Airways-მა აჩვენა.