დღის TOP10 საინტერესო ამბავი:
1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები
საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას ითვალისწინებს, კერძოდ, მთავრობის ასიგნებების მოცულობა 332 მილიონი ლარით, 19.17 მილიარდ ლარამდე იზრდება.
2. 2021 წელს მზის პანელების მონტაჟზე მოთხოვნა 10-15-ჯერ გაიზარდა
2021 წელს ბიზნესის მხრიდან მზის პანელების მონტაჟზე მოთხოვნა, 2020 წელთან შედარებით, დაახლოებით 10-15-ჯერ გაიზარდა. ხოლო მოსახლეობის მხრიდან უცვლელად ერთ დონეზე დარჩა.
3. სავაჭრო ცენტრებს შორის 2020 წელს მომგებიანი მხოლოდ „ლილო მოლი“ იყო
შოპინგი, კვება, გართობა და სერვისი - ბოლო რამდენიმე წელიწადში თბილისში სავაჭრო ცენტრების რაოდენობა განსაკუთრებით გაიზარდა. მულტიფუნქციური სივრცეები, რომელიც სხვადასხვა, სრულიად განსხვავებულ საჭიროებებზეა მორგებული მომხმარებლებში დიდი პოპულარობით სარგებლობს.
4. ექსპორტმა ჩინეთში $600 მლნ-ს გადააჭარბა
2021 წელს ექსპორტი 2020 წელთან შედარებით 26.9%-ით. 2019 წელთან შედარებით კი 11.7%-ით გაიზარდა და დამოუკიდებელი საქართველოს ისტორიაში რეკორდულ მაჩვენებელს $4.243 მლრდ-ს მიაღწია.
5. თბილისში მიკროავტობუსის 76 სამარშრუტო ხაზი იფუნქციონირებს
20 იანვრიდან პირველ თებერვლამდე, მიკროავტობუსის 53 მოქმედი მარშრუტი განახლებული ხაზებით ჩანაცვლდება. ამის შესახებ ინფორმაციას თბილისის მერია ავრცელებს.
6. შპს ,,ქართული მწვანილის“ წარმოება 2021 წელს 25%-ით შემცირდა
კომპანია ,,ქართული მწვანილის“ წარმოება და რეალიზაცია გასულ წელს 25%-ით შემცირდა. ამის მიზეზად კომპანიის ხელმძღვანელი, მეწარმე ჯუმბერ ბელთაძე პანდემიურ მდგომარეობას, განსაკუთრებით სამუშაო ძალასთან დაკავშირებულ პრობლემას მიიჩნევს.
7. ქეთევან დედოფლის გამზირი იკეტება - სრული რეაბილიტაცია დაიწყო
ისნის რაიონში, ქეთევან დედოფლის გამზირის სრული რეაბილიტაცია დაიწყო. ამის შესახებ თბილისის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა.
8. საქართველოს ევროპაში 3 000 ტონა ლოკოკინის ექსპორტის პოტენციალი აქვს
ევროპის ბაზარზე ქართული ლოკოკინების პირველი პარტია აგვისტო-სექტემბერში გავა. საქართველოში ლოკოკინების პირველი ფერმის - ,,ნადი გრუპის“ დამფუძნებლის მერაბ ნადარაიას ინფორმაციით, ხორცთან ერთად, ევროპაში დიდი მოთხოვნაა ასევე ევროპული ფარმაცევტული კომპანიების მხრიდან ლოკოკინების ლორწოზე.
9. 2021 წელს ნავთობპროდუქტებისა და გაზის იმპორტი საქართველოს $1.178 მლრდ დაუჯდა
2021 წელს იმპორტი 2020 წელთან შედარებით 25.1%-ით, 2019 წელთან შედარებით კი 5.8%-ით გაიზარდა და $10.073 მლრდ-ს მიაღწია, რაც დამოუკიდებელი საქართველოს ისტორიაში რეკორდული მაჩვენებელია.
10. „ქიმერიონის“ 49%-იანი წილით ამერიკელი ინვესტორები დაინტერესდნენ
ღვინის მწარმოებელი კომპანია „ქიმერიონის“ 49%-იანი წილის შესყიდვით ამერიკელი ინვესტორები დაინტერესდნენ. კომპანიის წილი 20 მლნ დოლარად იყიდება, ინვესტორს კი „საქართველოს ბიზნეს ბროკერიჯი“ ეძებს.