დღის TOP10 საინტერესო ამბავი:
1. „კრისტალმა“ ბანკად ტრანსფორმაციის პროცესი 2022 წელს უნდა დაასრულოს - ინტერვიუ არჩილ ბაკურაძესთან
ფინანსური ჩართულობის ორგანიზაცია „კრისტალი“ მომავალ წელს ბანკის ლიცენზიის მიღებას გეგმავს. რას შეცვლის ეს მიკროსაფინანსოსთვის, რა ცვლილებებს გამოიწვევს საფინანსო ბაზარზე მიკრობანკების შექმნა და გეგმავს თუ არა ორგანიზაცია სამომავლოდ საფინანსო ბაზრის რომელიმე მოთამაშესთან შერწყმას, ამ თემებზე „კრისტალის“ სამეთვალყურეო საბჭოს თავმჯდომარემ არჩილ ბაკურაძემ „კომერსანტთან“ ინტერვიუში ისაუბრა.
2. განათლების სექტორში ხარჯი ბოლო 10 წელიწადში გასამმაგდა, ხარისხი - გაუარესდა
საქართველოში მიღებული ცოდნის ეფექტი არასაკმარისია იმისთვის, რომ გლობალური განათლების დონით დიდი ჩამორჩენა არ გვქონდეს. თუმცა, როგორც სპეციალისტები აღნიშნავენ, სხვადასხვა საგანმანათლებლო სექტორში მოღვაწე პედაგოგ-მეცნიერების მიერ გაწეული ხარჯისა და შრომის უკუგება რეალურად ძალიან მცირეა.
3. თავდაცვის ბიუჯეტი მშპ-სთან მიმართებაში 18-წლიან მინიმუმამდე მცირდება
თავდაცვის სამინისტროს დაფინანსება მცირდება. 2022 წლის სახელმწიფო ბიუჯეტის პროექტით მასზე 12 მლნ-ით ნაკლები 918 მლნ იქნება გამოყოფილი. მშპ-სთან მიმართ კი კიდევ უფრო მეტად 1.4%-მდე კლებულობს, რაც 18 წლიანი მინიმუმია. რეგიონში ისედაც ყველაზე დაბალბიუჯეტიანი არმია ნეგატიურ სტატუსკვოს მომავალ წელსაც შეინარჩუნებს.
4. 9 თვეში შემოსულმა ფულადი გზავნილების მოცულობამ ბოლო 1.5 წლის ინვესტიციებს 81%-ით გადააჭრბა
ფულადი გზავნილების მოცულობა სექტემბერში გასული წლის ანალოგიურ პერიოდთან შედარებით 8.8%-ით $210 მლნ-მდე გაიზარდა. იანვარ-სექტემბერში კი ჯამში საზღვარგარეთიდან გადმორიცხული ფულადი თანხები 27.8%-ით $1.7 მლრდ-მდე გაიზარდა.
5. ზეთზე მაღალი ფასი მომავალ წელსაც შენარჩუნდება
წლის ბოლომდმდე აგრარული პროდუქტების გაძვირების ახალ ტალღას ელიან. პროცესი პანდემიის პარალელურად, თითქმის 2 წელია, რაც უცვლელად მიმდინარეობს. თუმცა ზეთი ერთ-ერთია საკვებ პროდუქტებს შორის, რომელიც თავისი ფასით მომხმარებლის განსაკუთრებულ ყურადღებას იქცევს.
6. 2020 წლის ბოლოსთვის ფიქსირებული და არაწარმოებული აქტივების ნარჩენმა ღირებულებამ 1779,2 მლნ. ლარი შეადგინა
2020 წელს საქართველოში საფინანსო მომსახურების საქმიანობით დაკავებული საწარმოების დეკლარირებულმა შემოსავლებმა 5860,9 მლნ. ლარი შეადგინა. ამის შესახებ ინფორმაციას „საქსტატი“ აქვეყნებს. აქედან უდიდესი ნაწილი (76,6%) მიეკუთვნება საპროცენტო და მასთან გათანაბრებულ შემოსავლებს, 8,8% მოდის საკომისიოებზე, ხოლო დარჩენილი 14,6% სხვა სახის შემოსავლებზე ნაწილდება.
7. არაფინანსური კორპორაციების აქტივების მოცულობამ 2020 წლის ბოლოსათვის 94.5 მილიარდი ლარი შეადგინა
არაფინანსური კორპორაციების აქტივების მოცულობამ 2020 წლის ბოლოსათვის 94.5 მილიარდი ლარი შეადგინა, საიდანაც 4.7 პროცენტი გამოსახული იყო უცხოური ვალუტით. ამის შესახებ ინფორმაციას „საქსტატი“ აქვეყნებს. 2020 წლისთვის მთლიანი აქტივებიდან ფინანსური აქტივების მოცულობა 20.9 მილიარდი ლარია.
8. კომპანია „მაიჯიპიესი“თბილისში ავტობუსის 150 მოსაცდელს დაამონტაჟებს
დედაქალაქში ავტობუსის 150 ახალი მოსაცდელის დამონტაჟებასთან დაკავშირებით გამოცხადებული ტენდერი დასრულდა. თბილისის ტრანსპორტისა და ურბანული განვითარების სააგენტომ გამარჯვებულ კომპანიასთან ხელშეკრულება უკვე გააფორმა. დედაქალაქში მოსაცდელებს შესყიდვების სააგენტოს თეთრ სიაში რეგისტრირებული კომპანია „მაიჯიპიესი“ დაამონტაჟებს.
9. Le Monde: რუსეთი - მდიდარი ქვეყანა ღარიბი მოსახლეობით
პანდემიური 2020 წლის გარდა, რუსეთის ბიუჯეტი მკვეთრად გამოხატულად პროფიციტური ან დაბალანსებულია, სახელმწიფო ვალი მშპ-სთან შესაშურ 18% არ აღემატება, საერთაშორისო რეზერვების მოცულობამ $618 მლრდ-ს მიაღწია - ეს თანხა ქვეყანას უკიდურესი აუცილებლობის შემთხვევაში 2 წელი ეყოფა.
10. ჯო ბაიდენი საწვავის გაძვირების გამო რეიტინგს კარგავს
ამერიკის პრეზიდენტი ამომრჩეველთა მხარდაჭერას კარგავს - ამ დროისთვის მისი რეიტინგი 38%-ს არ აღემატება. ამის ახსნა როგორც შიდა, ასევე საგარეო ჩავარდნებით შეიძლება, თუმცა, მთავარი ფაქტორია ენერგომატარებლების მკვეთრი გაძვირება ქვეყანაში.