დღის TOP10 საინტერესო ამბავი:
1. საპენსიო ფონდს ცენტრალური დეპოზიტარის მომსახურება გაცილებით იაფი დაუჯდებოდა, ვიდრე საქართველოს ბანკის - ლევან სურგულაძე
საქართველოს საპენსიო სააგენტოს სპეციალიზებული დეპოზიტარი “საქართველოს ბანკი” იქნება. მხარეებს შორის შესაბამის ხელშეკრულებას ხელი 1-ელ ოქტომბერს მოეწერა. ხელშეკრულების ხელმოწერის შემდეგ საპენსიო სააგენტოს ქართულ საფონდო ბირჟაზე არსებულ ფინანსურ აქტივებში შეუძლია ინვესტირება.
2. ქართულ სოფლებს ყველაზე მეტად ინტელექტუალური მხარდაჭერა სჭირდება
სასურსათო თვითუზრუნველყოფა, ხარისხი და ტექნოლოგიური განვითარება მთავარი პრობლემებია, რაც აგროსექტორის გამოწვევებს შორისაა. ამ ჩამორჩენის მიზეზად სპეციალისტები ინოვაციების სიმცირეს მიიჩნევენ. აჭარის რეგიონში მცხოვრები ექსპერტი, პროფესორი პაატა აროშიძე სოფლის მეურნეობის საჭიროებებს კარგად იცნობს. ამბობს, რომ ინტერელექტუალური მხარდაჭერა არსებულ პრობლემას მნიშვნელოვნად მოაგვარებს.
3. „გალერია თბილისმა“ 2020 წელი 49.6 მლნ ლარის ზარალით დაასრულა
2020 წელი განსაკუთრებით წამგებიანი სავაჭრო ცენტრებისთვის აღმოჩნდა. ისინი ორივე ლოქდაუნის დროს დაკეტეს, რის გამოც ყველა მათგანი ზარალზე გავიდა. მაშინაც კი, როცა ვაჭრობა დაშვებული იყო, რეგულაციების გამო ხარჯები 2019 წლის მაჩვენებლებს აჭარბებდა.
4. ბებიის რეცეპტით დამზადებული სვანური მარილი დახლებზე ,,ხელედის“ ბრენდით გამოჩნდება
ვლადიმერ გაზდელიანის და მისი მეუღლის თამარ ხვედელიძის მიერ ბებიის რეცეპტით მომზადებული სვანური მარილი ჯერჯერობით ონლაინ იყიდება. როგორც ,,კომერსანტთან“ მეწარმე ვლადიმერ გაზდელიანი ამბობს, გადაწყვეტილი აქვთ, წარმოება გააფართოვონ და დაფასოებული პროდუქტი სავაჭრო ობიექტებშიც შეიტანონ.
5. Apple შემოდგომაზე კიდევ ერთ პრეზენტაციას გამართავს: როდის და რას წარმოადგენენ
Apple-მა მოსაწვევები გაავრცელა, რომლებშიც შემდეგი პრეზენტაციის თარიღია დასახელებული - კომპანია გაჯეტების საფირმო სიახლეებს წარმოადგენს. ამ შემოდგომის მეორე ღონისძიება 18 ოქტომბერს უნდა გაიმართოს და მისი ტრანსლირება კომპანიის ვებგვერდზე განხორციელდება.
6. „ბაზარი ორბელიანზე“ იხსნება
ახალი სავაჭრო ცენტრი „ბაზარი ორბელიანზე“ იხსნება. როგორც სავაჭრო ცენტრის ადმინისტრაცია სოციალურ ქსელში წერს, “ბაზარი ორბელიანზე“ განახლებული კონცეფციით ბრუნდება.
7. 2021 წლის 9 თვეში 2020 წლის 9 თვესთან შედარებით საქართველოში საჰაერო სატვირთო გადაზიდვების ბაზარი 7,77%-ით შემცირდა
2021 წლის 9 თვეში 2020 წლის 9 თვესთან შედარებით საქართველოში საჰაერო სატვირთო გადაზიდვების ბაზარი 7,77%-ით შემცირდა, ხოლო 2019 წლის ანალოგიურ პერიოდთან კი 31,18%-ით შემცირდა.
8. „საამური“ - ბუნებრივი ღვინის მომაჯადოებელი გემო
„საამური“ ბუნებრივი ღვინის მაღაზია-ბარია, რომელიც „ფაბრიკის“ ტერიტორიაზე მდებარეობს და მიუხედავად იმისა, რომ მისი გახსნა პანდემიის პერიოდს დაემთხვა, ბუნებრივი ღვინის მოყვარულებში „საამურს“ და მის გუნდს სახელი მალევე გაუვარდა.
9. Forbes: რატომ გავარდა ბილ გეითსი უმდიდრეს ამერიკელთა სამეულიდან?
ყველაზე უარესი 30 წლის მანძილზე - ასე შეგვიძლია დავახასიათოთ ბილ გეითსის პოზიცია Forbes-ის მიერ გამოქვეყნებულ უმდიდრეს ამერიკელთა რეიტინგში. Microsoft-ის დამაარსებელი 90-ანი წლებიდან ამ სიაში პირველ, ან მეორე ადგილზე იყო, მაგრამ, როგორც ჩანს, ის დრო წავიდა - ამჯერად ის სამეულშიც კი ვერ მოხვდა და ამას რამდენიმე მიზეზი აქვს.
10. Deutche welle: როგორ აპირებს ევროკომისია ენერგოკრიზისის დაძლევას
ევროკავშირში ენერგომატარებლებზე ფასების კატასტროფული ზრდის გამო სულ უფრო შფოთავენ. 13 ოქტომბერს ევროკომისიამ დაამტკიცა მისაღები ზომები, რომლებმაც ფასების ზრდის შედგები უნდა შეარბილონ და ასევე ენერგოსისტემა უფრო მდგრადი გახადონ.