დღის TOP10 საინტერესო ამბავი:
1. 169 000-ზე მეტ ადამიანს ლარში აღებული სესხი გაუძვირდა
ეროვნული ბანკის მონეტარული კომიტეტის გადაწყვეტილებით რეფინანსირების განაკვეთი 0.5%-ით 10.5%-მდე გაიზარდა, რითაც 169 000-ზე მეტ ადამიანს ლარში აღებული სესხი გაუძვირდა.
2. 3-ჯერ მეტი - მილიონამდე „მწვანე ბარათის“ მსურველი და ქვეყნიდან გაქცევის რეკორდული სტატისტიკა
ბოლო 9 წელში საქართველოდან „მწვანე ბარათის“ მიღების მსურველთა რიცხვი თითქმის გასამმაგდა. აშშ-ის სახელმწიფო დეპარტამენტის მონაცემებით, თუ ხელისუფლების შეცვლის წელს აპლიკაცია 49 276 ადამიანმა შეავსო, 2020 პანდემიურ წელს ეს რიცხვი 141 693-მდე, ხოლო 2021 წელს 112 464-მდე გაიზარდა.
3. პრემიერის დაპირებული 6%-იანი ზრდით, მისივე დანაპირები ერთ სულზე $5500-იანი შემოსავალი ვერ მიიღწევა
პრემიერ-მინისტრ ირაკლი ღარიბაშვილის განცხადებით 2022 წელს შემოსავალი 1 სულ მოსახლეზე ისტორიულ მაქსიმუმს - $5500-ს მიაღწევს. პრემიერის დანაპირები რომ შესრულდეს, გაისად საქართველოს ეკონომიკა 15%-ით უნდა გაიზარდოს, მსგავსი შემთხვევა დამოუკიდებელი საქართველოს ისტორიაში ჯერ არ მომხდარა.
4. SWIFT-დან რუსეთის გათიშვა საქართველოს ფულად გზავნილებს შეუმცირებს
რუსეთიდან საქართველოში ფულადი გზავნილების შეიძლება შემცირდეს, ხოლო მომსახურების საკომისო გაძვირდეს. ასეთი საფრთხე საერთაშორისო საგადახდო სისტემა SWIFT-დან რუსული ბანკების სავარაუდო გათიშვას უკავშირდება, რაზეც სამშაბათს CNN წყაროებზე დაყრდნობით იუწყება.
5. რას მისცემს საქართველოს დავოსის ეკონომიკურ ფორუმში მონაწილეობა - ექსპერტების მოსაზრება
საერთაშორისო ასპარეზზე საქართველოს წარმოჩენა, ქვეყნის სატრანზიტო როლის გაძლიერება, ინვესტიციების მოზიდვა და ნდობის განმტკიცება - ეს ის რამდენიმე საკითხია, რომელთა წარმატებით გადაჭრაში შესაძლო საქართველოს დავოსის 2022 წლის იანვარში დაგეგმილ მსოფლიო ეკონომიკურ ფორუმში მონაწილეობა დაეხმაროს.
6. სასამართლოს გადაწყვეტილებით, „რუსთავი 2“ ქიბარ ხალვაშს დარჩა
თბილისის საქალაქო სასამართლოს გადაწყვეტილებით, „რუსთავი 2“ კვლავ ამჟამინდელ მესაკუთრეს ქიბარ ხალვაშს დარჩა. აღნიშნული გადაწყვეტილებით სასამართლომ მოსარჩელე მხარის - დავით დვალისა და ჯარჯი აქიმიძის სამოქალაქო სარჩელი არ დააკმაყოფილა.
7. საქართველო, აზერბაიჯანი და ირანი ახალ სატრანზიტო მარშრუტს გახსნიან
ირანმა, აზერბაიჯანმა და საქართველომ სპარსეთის ყურის შავ ზღვასთან დამაკავშირებელი სატრანზიტო მარშრუტის ორგანიზებაზე შეთანხმებას მიაღწიეს. აღნიშნულტან დაკავშირებით საერთაშორისო ტრანზიტისა და ტრანსპორტის დეპარტამენტის ირანული ორგანიზაციის გენერალურმა დირექტორმა ჯავად ჰედაათიმ განაცხადა.
8. საქართველომ მედეა, როგორც სამედიცინო ტურიზმის ბრენდი, აუცილებლად უნდა გამოიყენოს
რატომ ვერ ვითარდება სამედიცინო-რეკრეაციული ტურიზმი საქართველოში და შეიძლება თუ არა მედეას ქვეყანაში მედიცინა ბრენდის ერთ-ერთი სიმბოლო იყოს? — ამ თემებზე სასაუბროდ ლევან კობერიძემ რადიო “კომერსანტში“ თავის საავტორო გადაცემაში “ბრენდი საქართველო“ ილიას უნივერსიტეტის პროფესორი და პარლამენტის ჯანდაცვის კომიტეტის ყოფილი თავმჯდომარე აკაკი ზოიძე მიიწვია.
9. ქართველმა დეპუტატებმა ამერიკელ კონგრესმენებს ნატოში სწრაფად გაწევრიანების ლობირება სთხოვეს
საქართველოს პარლამენტის დელეგაცია, რომელიც აშშ-ში იმყოფება, რესპუბლიკელ კონგრესმენებს, კინზინგერს, შაბოს, სისილინს და ბეიკონს შეხვდა. დელეგაციის შემადგენლობაში არიან პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, მისი პირველი მოადგილე გიორგი ხელაშვილი და თავდაცვის და უშიშროების კომიტეტის თავმჯდომარე ირაკლი ბერაია.
10. ოლაფ შოლცმა ანგელა მერკელის 16 წლიანი მმართველობა დაასრულა
ანგელა მერკელის 16-წლიანი მმართველობის შემდეგ, ბუნდესტაგმა ოლაფ შოლცი ახალ კანცლერად აირჩია. მას მხარი 395-მა დეპუტატმა დაუჭირა, 303 კი წინააღმდეგი წავიდა. 63 წლის შოლცი სოციალ-დემოკრატიული პარტიის თავმჯდომარეა.