დღის TOP10 საინტერესო ამბავი:
1. საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში
საქართველოს კანონმდებლობით ინფლაციაზე პასუხისმგებელი ეროვნული ბანკია. ინფლაციის მართვა სწორედ მისი მთავარი მანდატია, თუმცა მას პრობლემა საგარეო ფაქტორებზე გადააქვს, ქვეყანაში კი ყოველთვიურად რეკორდული ინფლაცია ფიქსირდება.
2. „გარდაბანი გრუპ“ - ქართული პრემიუმ ღვინის წარმატებული ექსპორტიორი ინგლისის ელიტურ ობიექტებში
შუაგულ ლონდონში, მსოფლიოს უძვირესი ღვინოების ცნობილ მაღაზიაში სულ ცოტა ხნის წინ თავისი ნიშა ქართულმა ღვინომაც დაიკავა. ევროპის წამყვანი ბრენდების გვერდით ქართული ღვინოს წარმოჩენა, რომელსაც მსოფლიო ეს-ეს არის ეცნობა, საკმაოდ რთული საქმე იყო.
3. კოვიდ-საბჭომ “მწვანე პასპორტის” პირობებს არ გადახედა – რატომ დატოვეს საბჭო ეკატერინე ტიკარაძემ და ამირან გამყრელიძემ?
უწყებათაშორისი საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, საკოორდინაციო საბჭოს სხდომაზე საბჭოს წევრებს შორის არანაირი დაპირისპირება არ ყოფილა.
4. “ნონა გაფრინდაშვილი ნეთფლიქსის წინააღმდეგ“ - კალიფორნიის სასამართლოში პროცესი 24 იანვარს ჩაინიშნა
ქართული რეალობისთვის საქმის უპრეცედენტო ხასიათიდან და საზოგადოების ინტერესიდან გამომდინარე, იურიდიულმა ფირმამ BLB-მ (ბიელბიმ), რომელიც ნონა გაფრინდაშვილის ინტერესების დამცველია, ნეტფლიქსის წინააღმდეგ საქმის მიმდინარეობის შესახებ მნიშვნელოვანი ინფორმაცია 7 დეკემბერს თბილისში, სასტუმრო „ქორთიარდ მერიოტში“-ში გაიმართულ პრეს-კონფერენციაზე გაავრცელა.
5. განათლების და ქეშის დეფიციტი - ბიზნესის ორი ძირითადი გამოწვევა პანდემიის პერიოდში
მთავრობის ეკონომიკური გუნდის შეფასებას ქვეყნის ეკონომიკურ ზრდასთან დაკავშირებით მცირე და საშუალო საწარმოთა ასოციაციის პრეზიდენტი მიხეილ ჭელიძე მხოლოდ ნაწილობრივ ეთანხმება.
6. 10 წლიწადში ნომინალური პენსია 140%-ით გაიზარდა, მსყიდველუნარიანობით - 60%-ით
პენსიის მკვეთრ ზრდას ხელს ორი გარემოება უშლის: დაბალი ეკონომიკური ზრდა და მოსახლეობაში პენსიონერთა წილის ზრდა. თუ ღარიბაშვილის ნათქვამი გამართლდა და 2022 წელს ეკონომიკა 6%-ით გაიზარდა, მაშინ 2013-2022 წლებში ჯამურ 37%-იან ზრდას მივიღებთ. რაც განვითარებადი ქვეყნისთვის ძალიან ცოტაა.
7. საქართველოში ე.წ. ბუსტერ დოზის გაკეთების ვადა, 6-დან 5 თვემდე შემცირდა
ეკატერინე ტიკარაძის ბრძანების საფუძველზე, საქართველოში ე.წ. ბუსტერ დოზის გაკეთების ვადა, 6-დან 5 თვემდე შემცირდა. ინფორმაციას ჯანდაცვის სამინისტრო ავრცელებს.
8. „კარგი იქნებოდა თავიდანვე 20%-ით მომხდარიყო დაბეგვრა“ - აფბა აზარტული თამაშების კანონპროექტზე
ახალი კანონპროექტის მიხედვით, აზარტული თამაშების სექტორში დაიბეგრება არა კომპანიების მოგება, არამედ მიღებული შემოსავალი.
9. რა სირთულეების წინაშე აღმოჩნდა სარესტორნო ბიზნესი „მწვანე პასპორტების“ ამოქმედების შემდეგ - „კონკრეტულ სეგმენტს, მომხმარებლები 20-40%-ით შეუმცირდა“
„ჩვენ რეალურად პრობლემა გვაქვს ტექნიკურ საკითხთან დაკავშირებით, კერძოდ, ეს ეხება კოვიდ პასპორტების წაკითხვას და მის გამოყენებას, როგორც ჩამოსული სტუმრების, ისე ადგილობრივების შემთხვევაში“,- ამის შესახებ „რესტორატორთა ასოციაციის“ თავმჯდომარემ შოთა ბურჯანაძემ განაცხადა.
10. სპილენძის გაძვირებას უახლოეს მომავალში ელოდებიან
ბაზრის ანალიტიკოსები უახლოეს პერიოდში სპილენძის მნიშვნელოვან გაძვირებას პროგნოზირებენ და ამის მიზეზად ორ მსხვილ მომპოვებელ ქვეყანაში - ჩილეში და პერუში - მთავრობების ახალ საგადასახადო პოლიტიკას ასახელებენ.