დღის TOP10 საინტერესო ამბავი:

1. ლარი VS ლირა. რატომ მყარდება ქართული ვალუტა თურქულის გაუფასურების ფონზე - სებ-ის ურთიერთგამომრიცხავი არგუმენტები

თურქული ლირა აშშ დოლართან მიმართებაში ისტორიულ მინიმუმზეა ($1 / 12.05 TRY) და მისი ვარდნის ტემპი ასევე რეკორდულია. ამ ფონზე ქართული ლარი დოლართან მიმართებაში მყარდება და ხუთშაბათს $1 3.1153 ლარი ღირს. პანდემიამდელ პერიოდში ლარის მკვეთრ ვარდნებს საქართველოს ეროვნული ბანკი თურქული ლირის გაუფასურებას უკავშირებდა.

2. ვატო სურგულაძე: პასუხი უნდა მოეთხოვოს ჯანდაცვის მინისტრს, ჯანდაცვის სტრუქტურების ხელმძღვანელებს და პრემიერ-მინისტრს

არასწორი აღრიცხვიანობა, დაგვიანებული ჰოსპიტალიზაცია და მკურნალობის მეთოდი მთავარი პრობლემებია, რაც პანდემიის მართვისას არის დაშვებული. კოვიდ19-ის პრევენციის, ასევე მკურნალობის მოდელი, რითაც საქართველო ხელმძღვანელობს, ვერანაირ კრიტიკას ვერ უძლებს.

3. ბიზნესი მთავრობას ვაქცინაციის კამპანიას უწუნებს

კომპანიის გენერალური დირექტორი ლევან გოგსაძე ფიქრობს, რომ სანამ ვაქცინაციის ტემპი არ დაჩქარდება, ეკონომიკასა და შესაბამისად ბიზნესში არსებული პრობლემების გაუმჯობესება გართულდება. ამ თვალსაზრისით, გოგსაძე მმართველ პარტიას პანდემიის პრევენციის მიზნით აქტიური საინფორმაციო კამპანიის წარმართვისკენ მოუწოდებს.

4. უმუშევრობა სისტემური ხასიათისაა და მისი მოწესრიგება კომპლექსურ მიდგომას საჭიროებს

CIU Business Institute-ის ანალიტიკოსები აცხადებენ, რომ საქართველოში უმუშევრობის მაღალი დონე უფრო სისტემური ხასიათისაა, ვიდრე პანდემიური კრიზისით გამოწვეული და მასთან ბრძოლას კომპლექსური მიდგომა ესაჭიროება. მიმდინარე წლის მესამე კვარტალში საქართველოში უმუშევრობა 2,5%-ით - 19,5%-მდე გაიზარდა.

5. მართვის მოწმობის გამოცდის რეალურ მოძრაობაში ჩაბარება 90 ლარი ეღირება

საქართველოში მართვის მოწმობის ასაღები თითო გამოცდის რეალურ მოძრაობაში ჩაბარების საფასური 90 ლარი იქნება.

6. ტიკარაძე: საქართველოსნაირი ქვეყანა მსოფლიოში არსად არაა, ყველაფერში განსაკუთრებულები ვართ

ჯანდაცვის მინისტრი ეკატერინე ტიკარაძე კოვიდგადატანილი პირებისთვის უვადოდ მწვანე სტატუსის მინიჭებასთან დაკავშირებით ამბობს, რომ არ არის ცუდი გადაწყვეტილება, დაძაბული სოციალური, ეკონომიკური და პანდემიური ფონის პირობებში საქართველოს მოქალაქეებს მეტი მოქნილობა ჰქონდეთ.

7. „განაჩენი კოვიდ19“ - პაციენტები მძიმე ისტორიებით

კლინიკებიდან გაწერილი პაციენტების უმეტესობა სამედიცინო პერსონალის მხრიდან არასათანადო მოპყრობასა და გაწეული სერვისის ხარისხზე ჩივის. მათზე, რომლებსაც  არ გაუმართლათ და საავადმყოფოში დაიღუპნენ, ოჯახის წევრები გაუგონარ ამბებს ჰყვებიან.

8. ჭავჭავაძეზე, უნივერსიტეტის პირველი კორპუსის მოპირდაპირედ მრავალფუნქციური შენობა აშენდება

დედაქალაქის ერთ-ერთ მთავარ გამზირზე უახლოეს მომავალში ახალი მშენებლობა დაიწყება. ჭავჭავაძეზე, უნივერსიტეტის პირველი კორპუსის მოპირდაპირე მხარეს, ხუთსართულიანი შენობის აშენება იგეგმება.

9. მოლდოვური Flyone და მისი შვილობილი Flyone Armenia საქართველოს ავიაბაზარზე შემოდიან

მოლდოვური დაბალბიუჯეტიანი ავიაკომპანია Flyone და მისი შვილობილი Flyone Armenia საქართველოს ავიაბაზარზე გეგმავენ ოპერირებას.  Flyone საქართველოს მიმართულებით ფრენებს 2022 წლის ზაფხულის სანავიგაციო სეზონიდან დაიწყებს, ხოლო Flyone Armenia კი მიმდინარე წლის დეკემბრიდან გეგმავს.

10. ეკატერინე ტიკარაძე - კლუბებმა კარგად ითანამშრომლეს შრომის ინსპექციასთან და საბჭოზე მათი გახსნის რეკომენდაციასაც დავაყენებთ

„კლუბებმა ძალიან კარგად ითანამშრომლეს შრომის ინსპექციასთან. მათთან პირველად დაიტესტა მწვანე პასპორტი, რის შემდეგაც ჩვენ ასევე ჩავატარეთ ეპიდემიოლოგიური კვლევა და დავაკვირდით, თუ როგორი იყო შემდეგ გავრცელება. აქედან გამომდინარე, ჩვენ ვაკვირდებით ეპიდემიურ რიცხვებსაც და იმის მიხედვით, თუ რა საშუალებას მოგვცემს ეპიდემია, ჩვენ წამოვაყენებთ ასევე საბჭოზე რეკომენდაციას, რომ მათი გახსნაც მოხდეს“, – განაცხადა ტიკარაძემ.