დღის TOP10 საინტერესო ამბავი:
1. მცირე ბანკების ხუთეული - დაკრედიტებაში ყველაზე დაბალი მაჩვენებელი „სილქ როუდ ბანკს“ აქვს
2021 წლის განმავლობაში კომერციული ბანკების მთლიანი სესხების რაოდენობა გაიზარდა და ბანკების სასესხო პორტფელი თითქმის 40 მლრდ. ლარს გაუტოლდა.
2. „ორი ნაბიჯის“ ფილიალების რაოდენობა 350-მდე გაიზარდა
მაღაზიათა ქსელმა „ორი ნაბიჯი“ 2020 წელს 55 ახალი მაღაზია გახსნა, გაყიდვები კი 96 მლნ ლარით 414 მლნ ლარამდე გაზარდა. აუდიტის დასკვნის მიხედვით, გაზრდილმა ხარჯებმა მოგება 33%-ით შეამცირა, თუმცა სხვა ბევრი კომპანიისგან განსხვავებით, ქსელი მინუსში არ გასულა და 5.4 მლნ-იანი მოგების დაწერა მოახერხა.
3. ბათუმის კუნძულის პროექტი, იმედია, ანაკლიის პორტის და ნამახვანჰესის ბედს არ გაიზიარებს - ქეთი ბოჭორიშვილი
ბათუმში „ამბასადორი აილენდის“ პროექტის განხორციელებაზე საქართველოს მთავრობამ გადაწყვეტილება უკვე მიიღო.
4. სავაჭრო ცენტრებში გაყიდვები პანდემიამდელ მაჩვენებლებს უბრუნდება
თბილისში მდებარე სავაჭრო ცენტრების უმეტესობამ რეალიზაცია თითქმის სრულად აღიდგინა. პანდემიისას მთავარ გამოწვევად ამ ეტაპზე მიწოდების უზრუნველყოფაა. ამიტომ ბიზნესისთვის მთავარი შეუზღუდავი მუშაობის შესაძლებლობაა, რასაც კოვიდინფიცირების ბოლო მონაცემები კითხვის ნიშნის ქვეშ ტოვებს.
5. 9.00-იანი ნიშნული დაძლეულია, ლირა რეკორდულ ვარდნას განაგრძობს
თურქული ლირა ისტორიულ მინიმუმზეა. 12 ოქტომბერს აშშ დოლარის ღირებულება 9.00-იან ნიშნულს გადასცდა, 13 ოქტომბერს დილით Bloomberg-ის სავაჭრო პლატფორმაზე კურსი 9.03-ს შეადგენდა.
6. პანდემიამ ხის სახლებზე მოთხოვნა საგრძნობლად გაზარდა
მას შემდეგ, რაც მსოფლიოში კორონავირუსის გავრცელების პრევენციის მიზნით შეზღუდვები დაწესდა, საქართველოში ქალაქიდან მოშორებით, კერძო სახლებში დასახლების ტენდენცია შეინიშნება, ამ ყველაფერმა კი ხის სახლებზე მოთხოვნა საგრძნობლად გაზარდა.
7. EXPO GEORGIA-ში CAUCASUS BUILD 2021 გაიმართება
გამოფენების ცენტრ “ექსპო ჯორჯიას“ ორგანიზებით, 2021 წლის 15-17 ოქტომბერს სამშენებლო მასალებისა და ინტერიერის 25-ე საერთაშორისო გამოფენა ჩატარდება.
8. IG Development-მა ე.წ. „ზაკვოს“ შენობის დემონტაჟი დაიწყო
IG Development-მა ამიერკავკასიაში საბჭოთა ჯარების ყოფილ შტაბბინის დემონტაჟი დაიწყო. რითეილ ბაზრის ლიდერმა კომპანიამ ნაგებობების დემონტაჟის ნებართვა 12 ოქტომბერს მიიღო. ადგილზე მძიმე ტექნიკა უკვე მუშაობას.
9. CNBC: ევროპის ენერგეტიკა რუსეთის მძევალი გახდა
მას შემდეგ, რაც რუსეთმა გაზის ფასის კატასტროფული მატების ფონზე ევროპას ბუნებრივი აირის მიწოდების გაზრდა შესთავაზა, სრულად ახდა ვაშინგტონის პროგნოზი - ევროპა რუსულ გაზზე კიდევ უფრო დამოკიდებული გახდა.
10. ატომური ენერგეტიკა ევროპამ ისევ შეიყვარა
ენერგეტიკულმა კრიზისმა, რომელმაც გაზის და ნახშირის ფასები კატასტროფულად გაზარდა, ევროპაში ატომური ენერგეტიკის აღორძინების თაობაზე დებატები განაახლა.