დღის TOP10 საინტერესო ამბავი:
1. 3 მოვლენა, რომლებიც ღარიბაშვილის პრემიერობას დაგვამახსოვრებს
კოვიდ სიკვდილიანობით პირველი ადგილი — უკვე შემდგარი და მიმდინარე ტრაგედია, რომელსაც ვერავინ და ვერაფერი გამოასწორებს (23 ნოემბრის მდგომარეობით ვირუსმა საქართველოს 11 608 მოქალაქე იმსხვერპლა!), მაღალი ინფლაცია (12,8%!) და ონლაინ კაზინოების წინააღმდეგ მორიგი გალაშქრება (ეს ნარატივი წინასაარჩევნო კამპანიას მოაგონებს ბევრს) - ეს 3 მთავარი მოვლენაა, რაც ეკონომისტებს პრემიერ-მინისტრ ირაკლი ღარიბაშვილის საქმიანობის შეფასებისას ახსენდებათ.
2. „ღარიბაშვილის განცხადება ახალი სოციალური ხედვის შესახებ არსებულ დღის წესრიგს აცდენილია“
„ირაკლი ღარიბაშვილის განცხადება არსებულ დღის წესრიგს აცდენილია“, - ასე აფასებს სოციალური სამართლიანობის ცენტრის (ყოფილი EMC) სოციალური პოლიტიკის პროგრამის დირექტორი თათული ჭუბაბრია პრემიერ-მინისტრის განცხადებას ახალი სოციალურ ხედვის შესახებ.
3. რატომ „მიაგდო“ მთავრობამ საკლუბო სექტორი და რა მოთხოვნები აქვს კლუბ “ხიდს“
1- ლი დეკემბრიდან ქვეყანაში მწვანე პასპორტები ამოქმედდება, თუმცა საკლუბო სექტორი ვერც ამ რეგულაციებში მოხვდა და მათთვის მუშაობა კვლავ აკრძალულია. კლუბები ერთადერთია, რომლებსაც უკვე 21 თვეა მუშაობის შესაძლებლობა არ ეძლევათ.
4. 4 წელში „ბლექ სი არენას“ ზარალმა 17,4 მლნ ლარი შეადგინა
Christina Aguilera, Scorpions, 30 seconds to mars, Aerosmith, jessie j, Black Eyed Peas -ლეგენდარული ჯგუფებისა და არტისტების სია, რომელთაც „ბლექ სი არენამ“ 6 წლის განმავლობაში უმასპინძლა, გრძელია, თუმცა საკონცერტო დარბაზის კარები თითქმის ორი წელია დახურულია. 10 000-მდე მაყურებელზე გათვლილი სივრცე საერთაშორისო მუსიკალური სცენის ვარსკვლავებს კორონავირუსით გამოწვეული პანდემიის გამო ვეღარ იღებს.
5. 65 წელს გადაცილებული ადამიანების სიცოცხლის დაზღვევა არ ხდება, რაც მათთვის საკრედიტო პროდუქტებს აძვირებს
„როგორც სადაზღვევო კომპანიების მიერ მოწოდებული ინფორმაციიდან გამოიკვეთა, სიცოცხლის დაზღვევას ექვემდებარება 65 წლის ასაკამდე პიროვნება, ხოლო 65 წელზე უფროსი ადამიანისთვის აღნიშნული პროდუქტი ხელმისაწვდომი არ არის“, - ამის შესახებ „ახალგაზრდა ფინანსისტთა და ბიზნესმენთა ასოციაციის“ მიერ გავრცელებულ განცხადებაშია ნათქვამი.
6. პანდემიის მართვაში ანტირეკორდები იქნება, ვიდრე ხელისუფლება პოპულისტური გადაწყვეტილებების მიღებას არ შეწყვეტს
„ყოველდღიურად ვამყარებთ ანტირეკორდებს პანდემიის მართვაში“, - ამის შესახებ „ევროპული საქართველოს“ წევრმა, ექიმმა ვახტანგ კალოიანმა განაცხადა.
7. პლასტიკის პარკების აკრძალვა შემსუბუქდა - რომელ პარკებზე არ გავრცელდება შეზღუდვები
მთავრობამ პლასტიკის პარკების აკრძალვასთან დაკავშირებით რეგულაციები შეარბილა. კერძოდ, მთავრობის 19 ნოემბრის დადგენილებით, პლასტიკისა და ბიოდეგრადირებადი პარკების რეგულირების წესში ცვლილებები შევიდა, რომლის მიხედვით, გამონაკლისებს შორის, რომელთაც შეზღუდვები არ ეხება, ნარჩენებისთვის (ნაგვის) განკუთვნილი პარკებიც მოხვდა.
8. რეგიონებში ყველაზე ძვირი მიწა კახეთშია
პანდემიურ პერიოდში, როცა უძრავ ქონებაზე მოთხოვნა შემცირდა, აგრარულ სფეროში საპირისპირო ტენდენციაა, როგორც სასოფლო-სამეურნეო მიწებზე, ასევე აგრარულ ინფრასტრუქტურაზე მოთხოვნა და ფასიც გაზრდილია.
9. რესტორნებს სათობრივი შეზღუდვა ეხსნებათ
უწყებათაშორისმა საკოორდინაციო საბჭომ ახალი რეგულაციები წარადგინა. საბჭოს გადაწყვეტილებით, მწვანე პასპორტის ვალდებულების პარარელულრად რესტორნებს შესაძლებლობე ექნებათ, რომ სამუშაო საათები თვითონ განსაზღვრონ — მათ მუშაობის 23 საათზე დასრულების ვალდებულება ეხსნებათ.
10. ლირამ ვარდნის ტემპით 3-წლიანი რეკორდი მოხსნა
თურქეთის ეროვნულმა ვალუტამ ბოლო 3 წლის მანძილზე ყველაზე ძლიერი ვარდნა განიცადა და 8%-ით გაუფასურდა.