დღის TOP10 საინტერესო ამბავი:
1. პანდემიის მართვის საკომუნიკაციო კამპანიას ბიზნესი არასაკმარისად მიიჩნევს
დაბალი იმუნიზაციის ფონზე ეპიდემიოლოგების მიერ ცოტა ხნის წინ გამოთქმულ მოსაზრებას, რომ პანდემიის მართვის პროცესს ,,რაღაც“ დააკლდა, ბიზნესიც იზიარებს.
2. კოვიდპასპორტის არმქონე პირის ობიექტში შესვლის გამო ჯარიმა არა მოქალაქეს, არამედ ბიზნეს სუბიექტს დაეკისრება
1-ლი დეკემბრიდან, კოვიდპასპორტის არმქონე პირის სხვადასხვა ობიექტში შესვლის შემთხვევაში, ჯარიმა არა მოქალაქეს, არამედ ბიზნეს სუბიექტს დაეკისრება.
3. ონლაინ კაზინოების აკრძალვით ბიუჯეტი 1.5 მილიარდს დაკარგავს
ირაკლი ღარიბაშვილის იდეას, კაზინოების აკრძალვის შესახებ, ეკონომისტი ოთო აბესაძე სოციალურ ქსელში გამოეხმაურა. აბესაძე ფიქრობს, რომ როდესაც კანონი ძალაში შევა, ქვეყნის ბიუჯეტი საშუალოდ 1.5 მილიარდ ლარს დაკარგავს და აქციზის გადასახადები საწვავსა და თამბაქოზე გაორმაგდება.
4. ონლაინ კაზინოების რეკლამა აიკრალება - პრემიერ-მინისტრი
საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა, რომ ონკაინ კაზინოების რეკლამა აიკრძალება.
5. ონლაინ კაზინოებისთვის გადასახადი გაიზრდება - ირაკლი ღარიბაშვილი
მთავრობის ორშაბათის სხდხომაზე პრემიერ-მინისტრმა ონლაინ კაზინოებზეც ისაუბრა და აღნიშნა, რომ ამ ბიზნესის მფლობელებისთვის გადასახადი გაიზრდება. მისივე თქმით, დაგეგმილია ონლაინ კაზინოების სრულად აკრძალვაც.
6. „მიუხედავად ლარის დოლართან გამყარებისა, ჩვენ არ გამოვრიცხავთ საპირისპირო კორექციას“ - „თიბისი კაპიტალი“
„მიუხედავად წინა კვირაში ლარის დოლართან გამყარებისა, ჩვენ არ გამოვრიცხავთ საპირისპირო მიმართულებით კორექციას, თუმცა, ჩვენი აზრით, არაუმეტეს რამდენიმე პროცენტისა“, — ამის შესახებ აღნიშნულია „თიბისი კაპიტალის“ ყოველკვირეულ განახლებაში მთავარი ეკონომისტისგან.
7. სახელმწიფო სსიპ-ებსა და ა(ა)იპ-ებში კორუფციის შემაკავებელი მექანიზმები სუსტია, ხარჯები კი ყოველწლიურად იზრდება
სახელმწიფო სსიპ-ებსა და ა(ა)იპ-ებში კორუფციის შემაკავებელი მექანიზმები სუსტია, ხარჯები კი ყოველწლიურად იზრდება. ამის შესახებ „საერთაშორისო გამჭვირვალობა - საქართველოს“ მიერ გამოქვეყნებულ ანგარიშშია ნათქვამი.
8. „დღეს არსებული მანკიერი პოლიტიკა არ აძლევს საშუალებას სოციალურად დაუცველ მოქალაქეს, რომ სამუშაო ადგილი იშოვოს“ - ირაკლი ღარიბაშვილი
საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე ახალი პროგრამა წარადგინა, რომელიც მოსახლეობის სოციალურად დაუცველ ნაწილს ეხება. მისი თქმით, დღეს არსებული მანკიერი პოლიტიკა არ აძლევს საშუალებას სოციალურად დაუცველ მოქალაქეს, რომ სამუშაო ადგილი იშოვოს, რადგან მას სოციალური დახმარების დაკარგვის ეშინია.
9. TaxiWoman ფუნქციონირებას წყვეტს
TaxiWoman ფუნქციონირებას წყვეტს. ამის შესახებ ინფორმაციას კომპანია სოციალურ ქსელში ავრცელებს.
10. ფინანსთა სამინისტრო ონლაინ კაზინოების შეზღუდვის გეგმას ერთ კვირაში წარმოადგენს
მთავრობის სხდომის შემდეგ აზარტული თამაშების დაბეგვრის ახალ წესზე განმარტება ფინანსთა მინისტრმა ლაშა ხუციშვილმა გააკეთა და აღნიშნა, რომ რეგულირების ახალი მოდელის პრეზენტაცია 1 კვირაში გაიმართება, ხოლო დაგეგმილი ცვლილებებით აზარტული თამაშების დასაბეგრი ბაზა სრულიად შეიცვლება.