დღის TOP10 საინტერესო ამბავი

1. ლომთაძემ უმდიდრესი ქართველის ტიტული დაკარგა

ყაზახური ფინტექის Kaspi ლიდერმა მიხეილ ლომთაძემ 18 ნოემბერს უმდიდრესი ქართველის ტიტული ბიძინა ივანიშვილს დაუთმო და ამ უკანასკნელს $30 მლნ-ით ჩამორჩება.

2. ნიკოლოზ შურღაია საქართველოს საგარეო ვექტორის შებრუნებას აპროტესტებს - ბანკირი ზეპარტიულ მარშს უერთდება

„პაშა ბანკის“ დირექტორთა საბჭოს თავმჯდომარე და გენერალური დირექტორი ნიკოლოზ შურღაია Facebook-ზე ვრცელ პოსტს აქვეყნებს, რომელშიც ხელისუფლების მიერ დასავლური კურსის შეცვლის ნიშნებზე ამახვილებს ყურადღებას და აცხადებს, რომ პარასკევს, 19 ნოემბერს დაგეგმილ ზეპარტიულ მარშს შეუერთდება.

3. სამ ბანკს სექტორის მოგების 90% უჭირავს

2021 წლის პირველ 9 თვეში ქართული ბანკების წმინდა მოგება მნიშვნელოვნად გაიზარდა, მთლიანობაში 14 კომერციულმა ბანკმა დაახლოებით 1.64 მილიარდი ლარის მოგება მიიღო.

4. ,,შავ პარასკევს“ სავაჭრო ცენტრები მოკრძალებული აქციებით შეხვდებიან

ბიზნესი ტრადიციას პანდემიის პირობებშიც გაითვალისწინებს და მომხმარებელს ,,შავ პარასკევს“ მოუწყობს. თუმცა ის არ იქნება ისეთი მასშტაბური, როგორიც პანდემიამდე იყო.

5. „ბაზარი ორბელიანზე“ სატესტო რეჟიმში ამუშავდა - სრული დატვირთვით 1-ელ დეკემბერს გაიხსნება

ორბელიანის განახლებულ მოედანზე ახალი სავაჭრო ცენტრი „ბაზარი ორბელიანზე“ სრული დატვირთვით 1-ელ დეკემბერს გაიხსნება, მანამდე კი დღეიდან, 18 ნოემბრიდან , “ბაზარი ორბელიანზე“ ორკვირიან სატესტო რეჟიმში იწყებს მუშაობას.

6. Ansada - საოჯახო სამკერვალო საწარმო სპონსორს ეძებს

„ჩვენ, მცირე მეწარმეებიც გთხოვთ, დაგვეხმარეთ სურვილების ახდენაში“, - ასეთი შეტყობინება დატოვა სულ ცოტა ხნის წინ ახალგაზრდა გორელმა მეწარმემ თეო გელაძემ სააგენტო ,,აწარმოე საქართველოში“-ს Facebook-გვერდზე.

7. რატომ ძვირდება ყავა საქართველოში - ქვეყნები, საიდანაც პროდუქტი შემოდის

„ჩვენი პროდუქცია 12-დან 15%-მდე გავაძვირეთ“- ამის შესახებ ყავა „ჩერის“ გენერალურმა დირექტორმა ირაკლი ლომთათიძემ განაცხადა. მისი თქმით, იქიდან გამომდინარე, რომ ნედლეულის ღირებულება სულ უფრო იმატებს, გლობალურ ბაზარზე მიმდინარე ტენდენცია პირდაპირ ისახება ადგილობრივ ფასებზე.

8. საქართველოში პომიდორი თურქული იმპორტის ხარჯზე იაფდება

საქართველოში კვლავაც აქტიურად შემოდის თურქული პომიდორი, მიწოდების დეფიციტის შესავსებად. პომიდვრის იმპორტმა ნოემბერში 1360 ტ შეადგინა, რაც საშუალო იმპორტზე 3-ჯერ მეტია, ხოლო ნოემბერში ასეთი დიდი მაჩვენებელი ბოლო 7 წლის განმავლობაში არ დაფიქსირებულა.

9. რუსეთი, იტალია, აშშ - საიდან რიცხავენ ქართველი ემიგრანტები ყველაზე მეტს

საქართველოში გადმორიცხული ფულადი გზავნილები ისტორიულ მაქსიმუმზეა. მხოლოდ ოქტომბერში ქვეყანამ 207 მილიონი დოლარი მიიღო, 10 თვეში კი გასულ წელთან შედარებით 26%-ით მეტი, მილიარდ 912 მილიონის ფულადი გზავნილი გადმოირიცხა.

10. Focus: ბელარუსი ევროპის საზღვრის ახალი შტურმს გეგმავს

დროდადრო ბელარუსის და პოლონეთის საზღვარზე საეჭვო სიმშვიდეა - თუმცა, ის მოჩვენებითია და ნებისმიერ მომენტში შეიძლება მორიგ შეტაკებაში გადაიზარდოს.