დღის TOP10 საინტერესო ამბავი
1. პანდემიასთან ბრძოლაში ჯანდაცვის მენეჯმენტის კრახს უკვე მედიკოსებიც აღიარებენ
კოვიდ19-ის მეხუთე ტალღის პიკში საქართველომ პანდემიასთან ბრძოლის აშკარად წარუმატებელი ნაბიჯი აჩვენა. როგორც დაავადების, ასევე გარდაცვალების დონე საგანგაშო ნიშნულზეა და ჯანდაცვის სექტორი უკვე ღიად აცხადებს, რომ პაციენტებს ვერ უმკლავდებიან, განსაკუთრებით რეანიმაციულ განყოფილებებში.
2. კოვიდსიკვდილიანობის მაღალი რიცხვი ვაქცინაციისა და პირველადი ჯანდაცვის ჩავარდნამ გამოიწვია
ეპიდემიოლოგიური ვითარების დასტაბილურებას ხელისუფლება ამ დრომდე ვერ ახერხებს. საქართველოში ბოლო 28 დღის განმავლობაში კორონავირუსის 121,757 შემთხვევა გამოვლინდა, ხოლო 1,507 ადამიანი გარდაიცვალა.
3. „ჩვენ მზად ვართ, რომ კიდევ 1000 თანამშრომელი ავიყვანოთ“ – „ქართლი ტექსტილი“ დამატებით კადრებს ეძებს
„ჩვენ მზად ვართ, რომ კიდევ 1000 თანამშრომელი ავიყვანოთ“,- ამის შესახებ „აჭარა ტექსტილის“ ფინანსურმა დირექტორმა „ბიზნესპრესნიუსს“ განუცხადა. ამ შემთხვევაში საუბარია „ქართლი ტექსტილზე“, რომელიც მიმდინარე წელს გაიხსნა და ის „აჭარა ტექსტილის“ ჯგუფის რიგით მეოთხე საწარმოა.
4. „სარესტორნო ბიზნესი სულს ღაფავს“ - გააძვირა თუ არა ინფლაციამ მენიუ?
წლიური ინფლაციის განაკვეთმა ოქტომბერში 12.8%-ს მიაღწია. ინფლაციაზე ყველაზე დიდი გავლენა სურსათის 18.4%-ით გაძვირებამ იქონია. როგორ აისახება მომატებული ფასები სარესტორნო ბიზნესზე და დახვდება თუ არა რესტორანში მისულ მომხმარებელს გაძვირებული მენიუ. საკითხზე მედია ჰოლდინგთან „მეგრული სახლის“ დამფუძნებელი ეკა ჯალაღონია საუბრობს.
5. საქართველოს ბიზნეს ასოციაციამ ფრანგ პარტნიორებს საქართველოში არსებული ბიზნეს კლიმატი და საინვესტიციო პოტენციალი გააცნო
საქართველოს ბიზნეს ასოციაციამ საფრანგეთის უმსხვილესი ბიზნეს გაერთიანების, MEDEF International-ის დელეგაციას უმასპინძლა.
6. კომპანიები კოვიდ პასპორტებზე უარს ამბობენ
1-ლი დეკემბრიდან ძალაში “მწვანე პასპორტები“ შევა, რაც იმას ნიშნავს, რომ ადამიანები, რომლებიც ვაქცინირებულები არ იქნებიან, ან ბოლო 6 თვეში კორონავირუსი არ ექნებათ გადატანილი, გარკვეულ ბიზნეს ობიექტებზე არ დაიშვებიან.
7. ლარში სესხები მომდევნო 8 თვეში არ გაიაფდება - საბანკო სექტორის მოლოდინები
ლარის სესხებზე საპროცენტო განაკვეთები კვლავ მაღალ ნიშნულზე რჩება და საბანკო სექტორი ამ მიმართულებით საკრედიტო პროდუქტების გაიაფებას მომავალი წლის მეორე ნახევრამდე არ ელის.
8. „ლიბერთი“ საპენსიო ტენდერში მონაწილეობას მიიღებს, თუ პირობები მისაღები იქნება – ვასილ ხოდელი
„ხაზგასმით მინდა აღვნიშნო, რომ საბანკო მომსახურების პირობების განსაზღვრასთან დაკავშირებული ტენდერის გამოცხადების მოთხოვნა, ჩვენ თავად დავაყენეთ, ვინაიდან ამ საკითხის ირგვლივ ბევრი კითხვები დაგროვდა“, – ამის შესახებ „ლიბერთის“ გენერალურმა დირექტორმა, ვასილ ხოდელმა BM.ge-ის გადაცემა „საქმიან დილაში“ სტუმრობისას განაცხადა.
9. Le Figaro: აღმოსავლეთ და ჩრდილოეთ ევროპა პანდემიის ახალი ტალღის მოლოდინში
ევროკავშირში პანდემია ძლიერდება, ხოლო 10 ქვეყანაში მდგომარეობა შემაშფოთებლად ითვლება. ევროპის დაავადებათა კონტროლის ცენტრის ინფორმაციით, კორონავირუსის ახალი შემოტევისთვის დამახასიათებელია დაინფიცირების სწრაფი და მნიშვნელოვანი, ხოლო სიკვდილიანობის ნელი, მაგრამ თანმიმდევრული ზრდა.
10. Daily Mail: მსოფლიოს შპრიცების დეფიციტის წინაშე აღმოჩნდება
2022 წელს მსოფლიოს ახალი დეფიციტი ელის - შპრიცებზე მოთხოვნა იზრდება, ხოლო მრეწველობა მას ვერ აკმაყოფილებს. სავარაუდოდ, მომავალ წელს გლობალური ჯანდაცვის სისტემას 2 მლრდ, შპრიცი დააკლდება, რაც კორონავირუსის საწინააღმდეგო მასობრივი ვაქცინაციის შედეგი იქნება. ამ დროისთვის მსოფლიოში გაკეთდა ვაქცინების 7,5 მლრდ დოზა, რაც 2-ჯერ მეტია, ვიდრე სტანდარტული აცრების მაჩვენებელი საშუალოდ წლის მანძილზე.