დღის TOP10 საინტერესო ამბავი:
1. პოპულიზმი და კონსტიტუციის ჩარჩოებიდან გასვლა - რა ხდება მეორე ტურის წინ
თვითმმართველობის არჩევნებში მეორე ტური 64-დან 20 ქალაქში ხვალ, 30 ოქტომბერს ჩატარდება. ბოლო ერთ თვეში ისედაც მაღალი პოლარიზაცია კიდე უფრო გაღრმავდა. გახშირდა პოპულისტური და არაკონსტიტუციური განცხადებებიც.
2. „აგროჰაბი“ პოსტპანდემიურ პერიოდში ორი ფილიალის გახსნას გეგმავს
„ბიზნესის მთავარი გამოწვევა საშუალო ფენის სიმცირეა, მოსახლეობაში მეტი ფული უნდა ბრუნავდეს“, - ამის შესახებ კომერსანტს ჰიპერმარკეტების ქსელის „აგროჰაბი“-ის დამფუძნებელმა აკაკი ახვლედიანმა განუცხადა.
3. სექტემბერში საქართველოს ეკონომიკა 6.9%-ით გაიზარდა
სექტემბერში საქართველოს ეკონომიკა გასული წლის ანალოგიურ პერიოდთან შედარებით 6.9%-ით, იანვარ-სექტემბერში კი 11.3%-ით გაიზარდა. ამის შესახებ ინფორმაციას საქსტატი ავრცელებს.
4. ფულადი გზავნილების ნახევარზე მეტი გართობა-დასვენებასა და შოპინგზე იხარჯება
ფულის მრავალფუნქციური დანიშნულების მთავარი პრინციპი დაურღვეველია და ხარჯვის არეალი საკმაოდ ფართოა, თუმცა ერთ-ერთი დიდი ნაწილი სწორედ გართობა-დასვენებასა და შოპინგზე მოდის. როგორც სტატისტიკოსი სოსო არჩვაძე ,,კომერსანტთან“ განმარტავს, თუკი 90-იანი წლების ბოლოს ფული მიმდინარე მოთხოვნილებების დაკმაყოფილებას ემსახურებოდა, ახლა უკვე უფრო სოლიდური და მნიშვნელოვანი მასშტაბი მიიღო.
5. ისტორიული ძეგლის თანამედროვე სიცოცხლე - თბილისს ახალი აპარტამენტები შეემატება
2022 წელს თბილისს კიდევ ერთი, განსაკუთრებული ვიზუალის მქონე განთავსების ობიექტი შეემატება. ქალაქის ისტორიულ ნაწილში, აღმაშენებლის გამზირზე მდებარე კულტურული მემკვიდრეობის ძეგლი ახალ, თანამედროვე სიცოცხლეს შეიძენს. პროექტს, რომლის საინვესტიციო ღირებულება 6 მლნ ლარია, „ჯორჯიან ჰოტელ მენეჯმენტი“ ახორციელებს.
6. ზრდის მიუხედავად, ნავთობპროდუქტების ადგილობრივი წარმოება იმპორტის მხოლოდ 2,2%-ს შეადგენს
2021 წლის 9 თვის განმავლობაში საქართველოში ნავთობგადამამუშავებელი საწარმოების მიერ ნედლი ნავთობის გადამუშავებამ 28 932,5 ტონა შეადგინა, რაც გასული წლის ანალოგიური პერიოდის მაჩვენებელთან შედარებით 8 937,2 ტონით, ანუ 44,7%-ით მეტია.
7. 9 თვეში 7 425 სამშენებლო ნებართვა გაიცა - წლიური +6.5%
სამშენებლო ნებართვებზე მაღალი მოთხოვნაა და იანვარ-სექტემბერში 7425 ნებართვაა გაცემული, რაც 6,5%-ით მეტია 2020 წლის ანალოგიურ პერიოდთან შედარებით.
8. სვანეთში ზურულდის მთაზე ახალი საბაგირო კომპლექსის მშენებლობა აქტიურ ფაზაშია
მესტიაში, ზურულდის მთაზე, ახალი საბაგირო კომპლექსის მშენებლობა აქტიურ ფაზაშია. ამის შესახებ ინფორმაციას და საბაგიროს მშენებლობის ამსახველ კადრებს სოციალურ ქსელში გვარდი „თეთნულდი-ჰაწვალი“ ავრცელებს.
9. აფხაზები ქაფშიას მოპოვებაზე წესებს ამკაცრებენ - ბრაკონიერობის გამო რეგიონის წყლები ცარიელია
აფხაზეთის დე ფაქტო მთავრობამ 2021-2022 წლების შემოდგომა-ზამთრის სეზონზე ქაფშიას მოპოვება შეზღუდა და წესები გაამკაცრა. მიზეზად წყლის ბიორესურსის შეზღუდული რაოდენობა სახელდება.
10. Telegraph: ევროკავშირი - ილუზია და დისნეის ზღაპარი
მეორე მსოფლიო ომის დასრულების შემდეგ, დღეს უკვე დავიწყებულმა, ევროკავშირის მამა-დამაარსებელმა ვალტერ ჰალშტეინმა შტატებში მოგზაურობის დროს გადაწყვიტა, რომ ევროპა ამერიკული ზესახელმწიფოს ასლი უნდა გახდეს - თუმცა პრობლემა ის იყო, რომ ევროპელები მას გიჟად მიიჩნევდნენ.
საინტერესო ამბები
