დღის TOP10 საინტერესო ამბავი:

1. თუ ორნიშნა ინფლაცია გაგრძელდა, საპენსიო ფონდის ამონაგები მინუსში იქნება

საქართველოს 1 166 737 მოქალაქე ნაწილობრივ სავალდებულო საპენსიო სისტემაში მონაწილეობს და მათი ყოველთვიური ხელფასის 6% საპენსიო სააგენტოში ირიცხება. საპენსიო ფონდის აქტივები უკვე 1.77 მილიარდ ლარს აჭარბებს.

2. სებ-ი მონეტარული პოლიტიკის განაკვეთს უცვლელად - 10 პროცენტზე ტოვებს

საქართველოს ეროვნული ბანკის მონეტარული პოლიტიკის კომიტეტმა 2021 წლის 27 ოქტომბერს რეფინანსირების განაკვეთის უცვლელად დატოვების გადაწყვეტილება მიიღო. მონეტარული პოლიტიკის განაკვეთი 10 პროცენტს შეადგენს.

3. ინფლაციური შოკები მილევას რომ დაიწყებს, მონეტარულ პოლიტიკას ეტაპობრივად შევამცირებთ - კობა გვენეტაძე

„მას შემდეგ, რაც ინფლაციური შოკების მილევა მოხდება, მონეტარული პოლიტიკის განაკვთს ეტაპობრივად შევამცირებთ“, - ამის შესახებ ეროვნული ბანკის პრეზიდენტმა, კობა გვენეტაძემ მონეტარული პოლიტიკის კომიტეტის სხდომის დასრულების შემდეგ განაცხადა.

4. „არდის“ დაზღვეულები „ამერიკული კლინიკა თბილისის“ სერვისებით ნოემბრიდან ისარგებლებენ

სადაზღვევო კომპანია ,,არდის“ პროვაიდერ კლინიკებს თბილისში ახალგახსნილი „ამერიკული კლინიკა თბილისი“ დაემატება. მხარეებს შორის მოლაპარაკება უახლოეს დღეებში დასრულდება, ხოლო უკვე ნოემბრიდან ,,არდის“ დაზღვეულებს  ახალი კლინიკის სერვისებით სარგებლობა შეეძლებათ.

5. მთავრობამ პანდემიის მართვა და ეკონომიკის სტიმულირება ვერ შეძლო - რამაზ გერლიანი

ეკონომიკური და ფინანსური ბაზრის მკვლევარები ,,კომერსანტთან“ აცხადებენ, რომ ქვეყნის ეკონომიკას ასულდგმულებს ფულადი გზავნილები და საექსპორტო საქონლისა და მომსახურებით შემოსული ფინანსური ნაკადები, რაც მდგრადი განვითარებისთვის საკმარისი არ არის და მოსახლეობის კეთილდღეობაზე ვერანაირ გავლენას ვერ ახდენს.

6. „დიაგონალური კუმულაცია“ - ამ პრივილეგიის ეფექტურად გამოყენებისთვის საგადასახადო ტვირთის შემსუბუქებაა საჭირო

თურქეთი საქართველოს #1 სავაჭრო პარტნიორია. ორ ქვეყანას შორის უახლოეს პერიოდში თანამშრომლობის გაღრმავებაა მოსალოდნელი. ევროკავშირმა საქართველოს საკუთარ ტერიტორიაზე თურქული ნედლეულით დამზადებული პროდუქციის შეტანის ნება დართო.

7. კობა გვენეტაძე აღიარებს, რომ საქართველოში მაღალი ინფლაციაა

საქართველოს ეროვნული ბანკის პრეზიდენტმა კობა გვენეტაძემ დღეს, 27 ოქტომბერს გამართულ ბრიფინგზე ქვეყანაში არსებული ინფლაციის შესახებ ისაუბრა და IMF-ის სტატისტიკასაც გამოეხმაურა. IMF-ის ოქტომბრის შეფასებით, საქართველო მსოფლიოში ინფლაციის სიდიდით მეთექვსმეტე ადგილზეა.

8. საქართველოში ლუდის პირველი სპა ცენტრი გაიხსნა

ქვევრის ლუდის მწარმოებელმა კომპანია „ვარძიამ“, რომელიც პროდუქტს „ქვევრის ლუდის“ ბრენდით აწარმოებს, ასპინძაში დასასვენებელი კომპლექსი გახსნა.

9. ბელარუსი-ევროკავშირის საზღვარზე პოლიციას და ლტოლვილებს შორის შეტაკებები დაიწყო

ვითარება ევროკავშირის და ბელარუსის საზღვარზე ყოველდღიურად რთულდება - თუ აქამდე მინსკელი დიქტატორის ალექსანდრ ლუკაშენკოს მიერ შეგზავნილი ლტოლვილები ახლო აღმოსავლეთის ქვეყნებიდან მის გადაკვეთად შედარებით უხმაუროდ ცდილობენ, დღეს მათი ნაწილი უკვე პირდაპირ შეტევაზე გადადის.

10. ევროკავშირი გაზის ცენტრალიზებულ შესყიდვებზე იმსჯელებს

ევროკავშირის ერთიანობა მორიგი გამოცდის წინაშეა - ამჟამად მიზეზი ესპანეთია. მადრიდმა, ენერგოკრიზისთან ბრძოლის სტრატეგიის ფარგლებში, ევროკავშირს ახალი ინიციატივა წარუდგინა, რომლის ერთ-ერთი პუნქტიც კავშირის ცალკეული ქვეყნებისთვის ენერგომატარებლებზე ფასების გადახედვის უფლების მინიჭებას გულისხმობს.