დღის ტოპ 10 საინტერესო სიახლე

1.გაზრდილი სიღარიბე და შეჩერებული პროექტები - რა დაუტოვა თურნავამ დავითაშვილს

ნათია თურნავამ მინისტრის სავარძელი 3 წელი შეინარჩუნა და „ადუღებული“ ეკონომიკის მიუხედავად გადადგომა მოუწია. მის თანამდებობაზე ყოფნას ანაკლიის პორტის საბოლოო გაჩერება, პანდემია და მშპ-ის რეკორდული ვარდნა დაემთხვა. წინამორბედების მსგავსად, გაზრდილი სიღარიბისა და შეჩერებული პროექტებისგან განსხვავებით, სტრუქტურული რეფორმები არც მის სახელთან ასოცირდება, თურნავას შემცვლელის ლევან დავითაშვილის მთავარ მიღწევად, სოფლის მეურნეობის მინისტრობის დროს, ფაროსანას დამარცხება ითვლება.

2.ღარიბაშვილმა ბიზნესის ინტერესი არ გაითვალისწინა - ბიზნესომბუდსმენის პოსტი საჯარო სექტორის წარმომადგენელმა დაიკავა

წელიწადი და ხუთი თვის შემდეგ ბიზნესომბუდსმენის პოსტი ვაკანტური აღარაა.  პრემიერ-მინისტრმა ირაკლი ღარიბაშვილმა ბიზნესომბუდსმენად ოთარ დანელია დანიშნა. მიუხედავად იმისა, რომ 2020-21 წლები ბიზნესისთვის საკმაოდ რთული და გამოწვევებით სავსე იყო, უწყების სრულფასოვანი ხელმძღვანელი ირაკლი ღარიბაშვილმა მხოლოდ ორი დღის წინ შეარჩია. თუმცა, მთელი ამ პერიოდის განმავლობაში კერძო სექტორის წარმომადგენლები ბიზნესომბუდსმენის ინსტიტუტის არსებობის საჭიროებაზე აქტიურად საუბრობდნენ.

3. ბანკების საკრედიტო პორტფელში უმოქმედო სესხები თითქმის 6%-ია - ლიდერი 33.81%-ით „ქართუ ბანკია“

2021 წლის მეოთხე კვარტალში უმოქმედო სესხების წილი ბიზნეს სესხებში მცირედით შემცირდა. საანალიზო პერიოდში, წინა კვარტალთან შედარებით, უმოქმედო სესხების წილი ჯამურად ბიზნეს სესხებში, 6%-მდე შემცირდა, რაც პორტფელის ზრდასა და ზოგიერთი კომპანიის ფინანსური მდგომარეობის გაუმჯობესებას უკავშირდება. 2021 წლის მეოთხე კვარტალში, წინა კვარტალთან შედარებით, უმოქმედო სესხების წილი ფიზიკურ პირებზე გაცემულ სესხებშიც შემცირდა. კერძოდ, ეროვნული ბანკის ინფორმაციით, უმოქმედო სესხების წილი იპოთეკურ და სამომხმარებლო სესხებში მცირედით შემცირდა და 3% და 5% შეადგინა, შესაბამისად, რაც მნიშვნელოვანწილად პორტფელის ზრდისა და შინამეურნეობების ეკონომიკური მდგომარეობის გაუმჯობესების შედეგია.

4.რესტორატორები ქორწილებზე შეზღუდვის გაუქმებას მოითხოვენ

რესტორატორთა ასოციაციის თავმჯდომარე შოთა ბურჯანაძე სექტორისთვის შეზღუდვების სრულად მოხსნას ითხოვს.როგორც მან ბიზნესპარტნიორთან განაცხადა, დღეს არსებული რეგულაციები ვირუსს ვერ აჩერებს და მას მხოლოდ ფორმალური ხასიათი აქვს. კერძოდ, შოთა ბურჯანაძე ითხოვს, რომ რესტორნებში დაუშვან ქორწილები და სხვა ღონისძიებები. 

5.საქართველოზე გაზის ტრანზიტი გაოთხმაგებულია

BP-ის ინფორმაციით, 2021 წელს “სამხრეთ კავკასიური მილსადენის” დღიური საშუალო საექსპორტო გამტარუნარიანობა დღეში 48,5 მლნ კბ/მ გაზი იყო, ანუ წლის განმავლობაში საქართველოს დერეფნით 17.7 მლრდ კბ/მ აზერბაიჯანული გაზია გატარებული.

6. საპენსიო სესხზე 26%-ზე მეტი აღარ დაირიცხება

უწყებათაშორისმა კომისიამ საპენსიო სესხების საკითხზე მსჯელობა დაასრულა. განხილვაში მმართველი გუნდის, ოპოზიციის, ეროვნული ბანკისა და არასამთავრობო ორგანიზაციების წარმომადგენლები მონაწილეობდნენ.

7.2021 წელს ასაკობრივ პენსიას 794 ათასი ადამიანი იღებდა

საქართველოში 2021 წელს ასაკობრივ პენსიას 794 ათასი ადამიანი იღებდა, მათგან 71.5% ქალია, 28.5% — კაცი. სოციალურ პაკეტს კი 178 ათასი ადამიანი იღებდა, რომელტაგან 34.7% ქალი იყო, 65.3% — კაცი. სოციალური შემწეობის მიმღებ ოჯახთა რაოდენობა კი 174 ათასს შედეგნდა. ამის შესახებ ინფორმაციას საქასტატი ავრცელებს.

8.რა ინვესტიცია ჩაიდება და როდის დაიწყება გარდაბანში მზის ელექტროსადგურის მშენებლობა

საქართველოში, კერძოდ კი ქვემო ქართლის რეგიონში 100 მილიონი დოლარის უცხოური ინვესტიციის განხორციელება იგეგმება. საუბარია არაბთა გაერთიანებული საამიროების მსხვილი ენერგეტიკული კომპანია „მასდარის“ პროექტზე, რომელიც 50 მგვტ სიმძლავრის მზის ელექტროსადგურის მშენებლობას ითვალისწინებს.

9. რამდენ ხინკალს შეჭამთ 2 წუთში? - სასწორზე 6000 ევროა

რამდენი ხინკლის ჭამა შეგიძლიათ 2 წუთში? — ქართული რესტორნების ერთ-ერთი უმსხვილესი ჰოლდინგი რუსეთში GG Group მოსკოვის ხინკლის ჩემპიონატს იწყება - სასწორზე ნახევარი მილიონი რუბლია (6 000 EUR).

10. ბრიტანეთის კანონმდებლობა, რომელიც რუსეთის წინააღმდეგ სანქციებს დაუშვებს, დღეს შევა ძალაში

კანონმდებლობა, რომელიც უკრაინაში შეჭრის შემთხვევაში რუსეთის წინააღმდეგ სანქციებს დაუშვებს, დღეს შევა ძალაში. განცხადება საქართველოში დიდი ბრიტანეთის საელჩომ გაავრცელა. გაერთიანებული სამეფოს ევროპის საკითხების მინისტრმა, ჯეიმს კლევერლიმ კანონს ხელი დღეს მოაწერა და აღნიშნა, რომ “მთავრობას ექნება უფლება დააწესოს მკაცრი სანქციები რუსეთის წინააღმდეგ მას შემდეგ, რაც კანონმდებლობა პარლამენტში წარსდგა, რათა მოუწოდოს კრემლს, შეწყვიტოს აგრესიის კამპანია უკრაინაში”.