დღის Top 10 საინტერესო ამბავი:
1.წყალტუბოს აღორძინებისთვის გადადგმული პირველი ქმედითი ნაბიჯი - კურორტს გენგეგმა ექნება
კურორტ წყალტუბოს გენერალური გეგმის კონცეფცია 90 დღეში ექნება, შესაბამის ხელშეკრულებას ხელი უკვე მოეწერა. მას შემდეგ რაც „ქართული ოცნების“ ლიდერმა ბიძინა ივანიშვილმა „წყალტუბოს აღორძინების“ გეგმას ჩაუყარა საფუძველი, ეს კურორტის ახალ სიცოცხლისთვის გადადგმული ერთადერთი ქმედითი ნაბიჯია. თუმცა სამართლიანობისთვის უნდა ითქვას, რომ მცდელობა აქამდეც იყო, თუმცა წარუმატებელი.
კოვიდ პანდემიის ფარგლებში დაწესებული დახმარებებისა და პრაქტიკაში გამოვლენილი ხარვეზების შესახებ „კომერსანტთან“ ა/ო სამართლებრივი კვლევის, სწავლებისა და დახმარების ცენტრის დამფუძნებელმა და ადვოკატმა ეკა ლომიძემ ისაუბრა. ეკა ლომიძე დასაქმებულებისა და თვითადაქმებულებისთვის სახელმწიფო დახმარების მიღების პროცედურებს განმარტავს. მისი თქმით, დახმარებით ასევე ისარგებლებენ ის მიკრო მეწარმეები, რომლებსაც შეეზღუდათ საქმიანობა.
საქართველოს ფინანსთა მინისტრმა, ივანე მაჭავარიანმა უწყების 2020 წლის ანგარიშის პრეზენტაცია გამართა.
4.„გალფის“ მოგებამ „ვისოლთან“ შედარებით 2019 წელს 12 მლნ ლარით მეტი შეადგინა
„ვისოლ პეტროლიმ ჯორჯიას“ შემოსავალი 2019 წელს 2018 წელთან შედარებით 24 მლნ ლარით 467 მლნ ლარამდე გაიზარდა. ამის შესახებ „დელოიტი და ტუშის“ მიერ მომზადებულ კონსოლიდირებულ აუდიტის დასკვნაშია ნათქვამი.
5.„ივენთის ჩასატარებლად საჭირო ნივთებს ვყიდით, სხვა გზა არ არის“ - კლუბი „მტკვარი“
„სხვა გზა არ გვაქვს, უკვე ისეთ მნიშვნელოვან ნივთებს ვყიდით, რომელიც ივენთის ჩასატარებლად არის საჭირო.“- ამის შესახებ „ბიზნესპარტნიორს“ კლუბ „მტკვარზე“ დამფუძნებელმა განუცხადა. ნოდარ ბერიძის განმარტებით, საკლუბო სექტორის წარმომადგენლები გადარჩენისთვის იბრძვიან.
6.საქართველოში დასაქმების მაძიებელთა რიცხვი შემცირდა
უმუშევართა რაოდენობა 2020 წლის III კვარტალში II ვარტალთან შედარებით 0.4%-ით, 11.9%-მდე შემცირდა, თუმცა იმავე დროს დასაქმებულთა რაოდენობაც 55 ათასით, 2019 წლის მესამე კვარტალთან შედარებით 62 ათასით 1.629 მლნ-მდე შემცირდა. ასეთი დისპროპორცია სამუშაო ძალის მოცულობის ცვლილებამ გამოიწვია. თუ II კვარტალში ეკონომიკურად აქტიურ ადამიანთა რაოდენობა 1.920 მლნ-ს შეადგენდა, III კვარტალში მათი რიგები 72 ათასმა პირმა დატოვა.
7.Forbes.ge: რამდენი მილიონი ლარი დაჯდა საარჩევნო კამპანიები
პოლიტიკურმა პარტიებმა სახელმწიფო აუდიტის სამსახურს უკვე წარუდგინეს ფინანსური ხარჯთაღრიცხვა იმის შესახებ, თუ რა თანხები დახარჯეს საკუთარი კამპანიების დაფინანსებისთვის. მთლიანობაში პარტიებმა, რომლებმაც 1%-ზე მეტი მხარდაჭერა მიიღეს, საარჩევნო პერიოდის განმავლობაში 39.9 მილიონი ლარის ხარჯები გასწიეს.
8.Washington post: ათწლეულების მანძილზე საბჭოთა ჭადრაკში ქართველი ქალები დომინირებდნენ
ათწლეულების მანძილზე პატარა საქართველო მსოფლიოს საჭადრაკო არენაზე წარმოუდგენელ შედეგებს აღწევდა. ქართველ ქალებს კი გზა მათმა საკუთარმა გმირმა, ნონა გაფრინდაშვილმა გაუკვალა. 1978 წელს ის ისტორიაში შევიდა, როგორც პირველი ქალი, რომელმაც გროსმეისტერის ტიტული მიიღო. 79 წლის ასაკში ის დღესაც საერთაშორისო ტურნირებში იმარჯვეს და ასობით ქართველი გოგონასთვის შთაგონების წყაროს წარმოადგენს.
ჩემი აზრით შეზღუდვები არ უნდა მოიხსნას და არსებული რეგულაციები უნდა დარჩეს, - ამის შესახებ ბოჭორიშვილის კლინიკის დირექტორმა დავით გადელიამ, პრემიერ-მინისტრ გიორგი გახარიასა და კლინიკების ხელმძღვანელებს შორის გამართული შეხვედრის შემდეგ განაცხადა. ინფორმაციას მთავრობის ადმინისტრაციის პრესსამსახური ავრცელებს.
10.„კავკასიის ავტოიმპორტი“: პანდემიის შემდეგ გაყიდვების გაორმაგებას ველოდებით
„კავკასიის ავტოიმპორტის“ დირექტორი გიორგი სურგულაძე „ბიზნესპარტნიორთან“ აცხადებს, რომ ქვეყნების რაოდენობა, სადაც კომპანია რეექსპორტს ახორციელებს გაიზარდა, ამან კი გაყიდვების საერთო მაჩვენებელზე დადებითად იმოქმედა.