დღის Top-10 საინტერესო ამბავი

დღის Top-10 საინტერესო ამბავი

access_time2020-06-29 21:50:41

დღის Top-10 საინტერესო ამბავი


1.ხელისუფლებას პასუხი არა აქვს - რატომ გადავადდა 2022 წლამდე რაჭასთან დამაკავშირებელი უმოკლესი გზის მშენებლობის დასრულება

ზემო იმერეთი-რაჭის დამაკავშირებელი გზის მშენებლობა დათქმულ ვადებში არ დასრულდება. ინფრასტრუქტურული პროექტი,რომელსაც თბილისიდან ონამდე მანძილი დაახლოებით 75 კმ-ით, ხოლო მგზავრობის დრო თითქმის 2 საათით უნდა შეემცირებინა 2022 წლამდე გადავადდა. კომერსანტის კითხვაზე რატომ ვერ მოხერხდა დათქმულ ვადებში ინფრასტრუქტურული პროექტის დასრულება, საქართველოს საავტომობილო გზების დეპარტამენტში არ გვპასუხობენ. ვრცლად იხილეთ „კომერსანტზე“. 


2.საბერძნეთი საზღვრებს ხსნის – რა წესები იმოქმედებს აეროპორტებში მთელი ქვეყნის მასშტაბით?!

საბერძნეთის მასშტაბით მდებარე ყველა აეროპორტი აქტიურ მზადებაშია, რომ 1 ივლისისთვის ფრენები აღდგეს და ტურისტებს უმასპინძლონ. ეს ყველაფერი დიდ სირთულეებთან იქნება დაკავშირებული, ვინაიდან კორონავირუსის ეპოქაში არაფერი აღარ არის ისე, როგორც ადრე იყო.როგორც უკვე ცნობილია, ტურისტებს შერჩევითად ჩაუტარდებათ ტესტები და იმ შემთხვევაში, თუ ვირუსი მოგვიანებით ან მაშინვე დაუდგინდებათ, სასტუმროში გაივლიან 14 დღიან კარანტინს და საჭირო ხარჯებს საბერძნეთის სახელმწიფო დაფარავს.


3.საერთო სამუშაო სივრცე Terminal - ი თბილისში ორ ახალ ფილიალს ხსნის

Terminal -ი ჭავჭავაძეზე აქსის თაუერსში და ვარდების ბაღში 1 ივლისიდან გაიხსნება. კონცეფცია, სერვისი და ფასები ახალ ფილიალებშიც იგივე რჩება, საკონფერენციო ოთახებით, კაფით და მოსასვენებელი ზონებით სარგებლობა წევრებს ახალ სივრცეებშიც შეეძლებათ.


4.თბილისის შემოგარენში აგარაკის დაქირავების ღირებულება 20%-მდე გაიზარდა

თბილისის შემოგარენში აგარაკების დაქირავების სეზონი მოახლოვდა. პანდემიის ფონზე დედაქალაქთან ახლოს კერძო სახლების ქირაობაზე მოთხოვნა და ფასები საგრძნობლად გაიზარდა.უძრავი ქონების პორტალების მიხედვით, 2020 წლის ზაფხულში თბილისის შემოგარენში ყველაზე მოთხოვნადი ლოკაციებია: წყნეთი, კოჯორი, წავკისი, ოქროყანა, ტაბახმელა და საგურამო.



5.პარლამენტმა საკონსტიტუციო ცვლილებები მესამე მოსმენით დაამტკიცა

მეათე მოწვევის პარლამენტი 120 პროპორციული სისტემით და 30 მაჟორიტარული სისტემით არჩეული დეპუტატისგან დაკომპლექტდება. პარლამენტმა მესამე მოსმენით დაამტკიცა კონსტიტუციაში შესატანი ცვლილებების პროექტი, რომლის თანახმად 2020 წლის საპარლამენტო არჩევნები 120/30-ზე პროპორციით ჩატარდება. საარჩევნო სისტემის ცვლილებაზე კონსტიტუციურ კანონის პროექტს 117-მა დეპუტატმა დაუჭირა მხარი, 3 კი წინააღმდეგ წავიდა.


6.ონლაინ აქტივობებით რთულია გაყიდვების გააქტიურება - მეღვინეები ღვინის სააგენტოს ახალ სტრატეგიას აფასებენ

„ყველაზე მნიშვნელოვანი ღვინის პოპულარიზაციაში არის უშუალო დეგუსტაცია, შეთავაზება და გამოფენები, მაგრამ უნდა შევეგუოთ არსებულ რეალობას. ონლაინ მარკეტინგი ამ მხრივ ყველაზე მნიშვნელოვანია და იმედია გაამართლებს, რადგან ქართული ღვინო ახლა გამოწვევების წინაშე დგას“ - ამის შესახებ „კომერსანტს“ „თელავის ღვინის მარნის“ დამფუძნებელმა ზურაბ რამაზაშვილმა განუცხადა.


7.ჯანდაცვის კომიტეტმა უარი განაცხადა ჯანდაცვის წარმომადგენლებთან და ექიმებთან შეხვედრაზე

პარლამენტის დამოუკიდებელმა კანდიდატმა ლევან კობერიძემ ჯანდაცვის კომიტეტის თავჯდომარეს თხოვნით მიმართა , რომ ჯანმრთელობის დაცვის შესახებ კანონი, ექიმებისა და კლინიკების მოთხოვნით, ჯერ ნებისმიერ სამუშაო ფორმატში სექტორთან ყოფილიყო გავლილი და შემდეგ განხილულიყო კომიტეტზე, კობერიძის განცხადებით, ექიმები და კლინიკები ითხოვენ კონსულტაციებს და მათ ამის უფლება აქვთ.


8.„ლაბორატორია ჩემი სახლი“ ივლისიდან ონლაინ გაყიდვებს იწყებს

საერთაშორისო კორპორაცია ICR-ის ავეჯის მაღაზიები „ლაბორატორია ჩემი სახლი“, „კარე“ და „მობლერი“ ივლისიდან ავეჯის ონლაინ გაყიდვებს იწყებს. როგორც „კომერსანტს“, კომპანიის მმართველმა მენეჯერმა გურამ მგელაძემ განუცხადა, ახალი პლატფორმა მომხმარებლებს საშუალებას მისცემს ავეჯი საქართველოს ნებისმიერი რეგიონიდან შეიძინონ.


9.Telegram-მა რუსულ სპეცსამსახურებს საკუთარ მომხმარებლებზე წვდომის უფლება მისცა

რუსეთის კავშირგაბმულობის, საინფორმაციო ტექნოლოგიების და მასობრივი კომუნიკაციების საშუალებების ზედამხედველობის სამსახურმა როსკომნადზორმა პროკურატურასთან შეთანხმებით მესენჯერ Telegram-ს შეზღუდვები მოუხსნა.„ჩვენ ვაფასებთ სერვისის შემქნელის პაველ დუროვის მხრიდან ტერორიზმთან და ექსტრემიზმთან ბრძოლის მზადყოფნას“ - ნათქვამია სახელმწიფო უწყების ინფორმაციაში.როსკომნადზორმა სანქციები მესენჯერის წინაამღდეგ 2017 წლის ივლისში შემოიღო, ხოლო 2018 წლის 13 აპრილს ეს გადაწყვეტილება სასამართლომ დაადასტურა.


10.იპოდრომი გაიყიდა - რას უპირებს ბიძინა ივანიშვილი რეკრეაციულ სივრცეს

თბილისის ერთ-ერთი ყველაზე მნიშვნელოვანი რეკრეაციული სივრცე - იპოდრომი გაიყიდა. ამის შესახებ სოციალურ ქსელში „ევროპული საქართველოს წევრი ირაკლი აბესაძე წერს. დეპუტატის თქმით, ბიძინა ივნიშვილის საკუთრებაში (ოფიციალურად შპს ,,ინვესტ კაპიტალი”) არსებული მიტოვებული რეკრეაციული სივრცე ისევ ბიძინა ივანიშვილის „ფონდმა ქართუმ“ შეისყიდა.„იპოდრომი გაიყიდა. გამყიდველი - ბიძინა ივანიშვილი (შპს ,,ინვესტ კაპიტალი”) მყიდველი - ბიძინა ივანიშვილი (ფონდი ,,ქართუ”) ფასი - 60 მილიონი.იპოდრომის აღორძინება უნდა და ძველი კომპანია ვერ იზამდა? ფული გაათეთრა? საარჩევნოდ ფულის მობილიზება გააკეთა? ფონდ ქართუს მიწის საყიდლად ფული თვითონ მისცა, ოფშორულმა კომპანიამ, თუ სხვამ“, - წერს აბესაძე.





თეგები:
Top-10



„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“

„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“
access_time2020-09-26 20:00:53
„სავაჭრო კომპანიების 90%, დღეის მდგომარეობით, ზარალში იმყოფება,“- ამის შესახებ „აი სი არ ჯგუფის“ სამეთვალყურეო საბჭოს თავმჯდომარემ კახა ხაზარაძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ზუსტი პროგნოზის გაკეთება რთულია,...

პანდემია და სეზონური გრიპი - ევროპა საფრთხის წინაშეა

პანდემია და სეზონური გრიპი - ევროპა საფრთხის წინაშეა
access_time2020-09-26 18:00:13
ზაფხულის დასრულების შემდეგ, ევროპა მნიშვნელოვანი პრობლემისა და საფრთხის წინაშეა. აგვისტოს ბოლოდან კოვიდ19-ის შემთხვევებმა სხვადასხვა ქვეყანაში მნიშვნელოვნად იმატა. პანდემიას სეზონური გრიპიც ერთვის თან, რაც ჯანდაცვის სფეროს სპეციალისტების თქმით, რეალური საფრთხეა და საჭიროა...

პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა
access_time2020-09-26 16:00:42
ეროვნული ბანკის ინფორმაციით, საბანკო სექტორში განთავსებული არასაბანკო დეპოზიტების მოცულობამ 2020 წლის პირველი სექტემბრისათვის 30.93 მლრდ ლარი შეადგინა, რაც 392.65 მლნ ლარით, ანუ 1.29%-ით მეტია პირველი აგვისტოსთვის არსებულ მაჩვენებელზე (გაცვლითი კურსის ეფექტის გარეშე 1.28%-ით მეტი). აგვისტოში, წინა თვესთან შედარებით, ადგილი ჰქონდა ვადიანი დეპოზიტების ზრდას 563.69 მლნ ლარით, ანუ 4.04%-ით (გაცვლითი კურსის ეფექტის გარეშე 4.05%-ით გაიზარდა), ხოლო მოთხოვნამდე დეპოზიტები 171.04 მლნ ლარით, ანუ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...


მსგავსი სიახლეები

up