დღის Top 10 საინტერესო ამბავი:

1.„ამ ეტაპზე კონკრეტული პრიორიტეტული საკითხების ჩამოთვლა არაპროფესიონალურად მიმაჩნია„ - რა გეგმა აქვთ პარლამენტის კომიტეტების ახალ თავმჯდომარეებს?

11 დეკემბერს მე-10 მოწვევის პარლამენტის პირველი სხდომა გაიმართა. საქართველოს უახლეს ისტორიაში ეს პირველი ერთპარტიული პარლამენტის სხდომა იყო. სხდომაზე პარლამენტის წევრებმა საპარლამენტო კომიტეტების თავმჯდომარეები აირჩიეს, რომელთა ხელმძღვანელობით საკანონმდებლო ორგანოში საკომიტეტო სხდომების ფარგლებში განიხილება, ეკონომიკური, საფინანსო, საგარეო, აგრარული თუ სხვა საკითხები.

2.„მინისტრმა მიიწვია მხოლოდ იმ ბაღების წარმომადგენლები, სადაც მთავრობის წევრებს დაჰყავთ ბავშვები და შეღავათებზეც მათ ესაუბრა“ - ასოციაცია

მინისტრთან შეხვედრას კერძო ბაღების ძალიან მცირე ნაწილი ესწრებოდა, დანარჩენი მათგანისთვის კი შეხვედრის და შეთანხმების დეტალები დღემდე უცნობია. საქართველოს კერძო საბავშვო ბაგა-ბაღების ასოციაციის ხელმძღვანელი პავლე ქალიაშვილი „კომერსანტთან“ აღნიშნავს, რომ მინისტრმა მიიწვია მხოლოდ ისინი, სადაც მთავრობის წევრებს დაჰყავს ბავშვები და მათთან დაახლოებულები არიან, შეღავათებზეც სწორედ მათ ესაუბრა. მისი თქმით, ასოციაციამ, რომელიც 140 ბაღს აერთიანებს შეხვედრაზე მიწვევა, კრიტიკული განწყობის გამო არ დაიმსახურა.

3.ქამრების შემოჭერის ნაცვლად 2021 წელს საჯარო სექტორში დასაქმებულების ხელფასები 60 მლნ. ლარით იზრდება

საჯარო სექტორში დასაქმებული ადამიანების მთლიანი სახელფასო ანაზღაურება 2021 წელს იზრდება. 2021 წლის ბიუჯეტის პროექტის საბოლოო ვერსიის თანახმად, მომდევნო წელს საჯარო სექტორში დასაქმებულების შრომის ანაზღაურებისთვის 1,614,671.1 ათასი ლარია გათვალისწინებული, რაც 60 მილიონი ლარით მეტია 2020 წელთან შედარებით.

4.ნოემბერში საქართველოს იმპორტი 12.1%-ით, ხოლო ექსპორტი 13.4%-ით შემცირდა

2020 წლის იანვარ-ნოემბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 10 202.7 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 14.6 პროცენტით ნაკლებია.

5.რა უშლის ხელს საქართველოში ინვესტიციების შემოსვლას?!

პანდემიის დროს მოსალოდნელიც იყო, რომ პირდაპირი უცხოური ინვესტიციები საქართველოში შემცირდებოდა. კლება მიმდინარე წლის პირველივე კვარტალში დაიწყო, როცა მხოლოდ $174 მილიონი შემოვიდა ქვეყანაში.

6.„თებერვლიდან საერთაშორისო ფრენებზე ყველა შეზღუდვის მოხსნა იგეგმება“ - ნათია თურნავა

ეკონომიკისა და მდგრადი განვითარების მინისტრის ნათია თურნავას განცხადებით, თებერვლიდან საერთაშორისო ფრენებზე ყველა შეზღუდვის მოხსნა იგეგმება. ამის შესახებ მინისტრმა უწყების 2020 წლის საქმიანობის ანგარიშის წარდგენისას განაცხადა.

7.„ქართულმა ოცნებამ“ საქართველოს პარლამენტს პრემიერ-მინისტრობის კანდიდატად გიორგი გახარია წარუდგინა

მოქალაქეთა პოლიტიკურმა გაერთიანებამ „ქართული ოცნება – დემოკრატიული საქართველო“ პარლამენტს ქვეყნის პრემიერ-მინისტრობის კანდიდატად გიორგი გახარიას კანდიდატურა წარუდგინა.

8.საკლუბო ბიზნესი მთავრობას მიმართავს

საკლუბო ბიზნესი მთავრობისგან დახმარებას ითხოვს. სექტორმა ოთხპუნქტიანი გეგმა შეიმუშავა.

9.KTW ჯგუფი 2021 წლიდან ორი ეკო სოფლის მშენებლობის დაწყებას გეგმავს

„კახური ტრადიციული მეღვინეობა“ 2021 წლიდან ორი ეკო სოფლის მშენებლობის დაწყებას გეგმავს, მათ შორის ერთი „ქინძმარაულის ღვინის სოფელი“ იქნება, რომლის მშენებლობა გაზაფხულზე უნდა დაიწყოს.

10.10 გრამი ღორის ხორცი და 0.5 კვერცხი - საარსებო მინიმუმის დასათვლელი ფორმულა 17 წელია არ შეცვლილა

შრომისუნარიანი მამაკაცის საარსებო მინიმუმი 2020 წლის ოქტომბერში 187.7ლარით განისაზღვრა, ხოლო საშუალო მომხმარებლის ანუ ერთსულიანი ოჯახის კიდევ უფრო ნაკლებით - 166.3 ლარით.