დღის Top 10 საინტერესო ამბავი:

1. ინტერვიუ კობა გვენეტაძესთან: „გვქონდეს ისეთი საპროცენტო განაკვეთები, როგორიც ევროპაშია, შეუძლებელია“

საქართველოს ეკონომიკის გამოწვევების, პანდემიის გავლენის, ლარის კურსის, საბანკო სექტორის მდგრადობის ანალიზის, საპროცენტო განაკვეთების შემცირების პერსპექტივის, მაღალი დედოლარიზაციის პრობლემის, ბლოკჩეინ ტექნოლოგიების და სხვა საინტერესო თემების შესახებ „კომერსანტთან“ ვრცელი ინტერვიუს დროს ეროვნული ბანკის პრეზიდენტმა კობა გვენეტაძემ ისაუბრა.

2. საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ტოვებს

საქართველოს ეროვნული ბანკის მონეტარული პოლიტიკის კომიტეტმა 2020 წლის 9 დეკემბრის სხდომაზე რეფინანსირების განაკვეთის უცვლელად დატოვების გადაწყვეტილება მიიღო. მონეტარული პოლიტიკის განაკვეთი 8.0 პროცენტს შეადგენს. ამის შესახებ ინფორმაციას ეროვნული ბანკი ავრცელებს.

3. „ჩინელები საქართველოში აშენებენ, ჩვენ სომხეთში ვაშენებთ“ - რატომ თანამშრომლობს სახელმწიფო რეპუტაციაშელახულ ჩინური კომპანიებთან

„ჩინელები საქართველოში აშენებენ, ჩვენ სომხეთში ვაშენებთ“,- ასე ეხმაურება „კავკასუს როუდ პროჯექტის“ დამფუძნებელი და გენერალური დირექტორი პაატა ტრაპაიძე საქართველოში პოლონეთის ელჩის, მარიუშ მაშკიევიჩის კრიტიკას ინფრასტრუქტურის მშენებლობისთვის ჩინური კომპანიების შერჩევასთან დაკავშირებით.

4. ``სფერო, რომელიც წლობით ვითარდებოდა, ჩაიძირება`` - გამომცემლობების კრიზისი და 4 თვეში დისტანციურად მოსამზადებელი სასკოლო სახელმძღვანელოები

როგორ იმოქმედა შეზღუდვება და წიგნის მაღაზიების დახურვამ გამომცემლობების საქმიანობაზე, რომელთაც სულ რამდენიმე თვეში უნდა უზრუნველყონ განახლებული სახელმძღვანელოების კონკურსისთვის სასკოლო წიგნების მომზადება?

5. ჭავჭავაძის გამზირზე Burger king-ის ახალი რესტორანი იხსნება

ცოტა ხნის წინ,  ჭავაჭავაძის გამზირზე 55-ე სკოლის მიმდებარედ,  Burger King-ის ახალი ფილიალის გახსნისთვის მზადება დაიწყო. Burger King-ი საქართველოში პირველად  2013 წელს გაიხსნა და ამ დროისთვის ბრენდს რესტორნები უკვე 10 -ზე მეტ ლოკაციაზე აქვს წარმოდგენილი, მათ შორის რეგიონშიც.

6.იანვრიდან ზეთის ფასი მნიშვნელოვნად მოიმატებს

საქართველოში იანვრიდან ზეთი კიდევ გაძვირდება. ამის მიზეზი მთავარ იმპორტიორ ქვეყანაში საექსპორტო პროდუქციაზე ფასის ზრდაა, რასაც იანვრიდან ნედლეულის იმპორტზე გადასახადის ზრდა ემატება.

7.აშშ-ს ოფიციალური პირების ცნობით, Pfizer-ის კორონავირუსის საწინააღმდეგო ვაქცინის გამოცდისას 6 ადამიანი გარდაიცვალა

ამერიკული კომპანია Pfizer-ისა და გერმანული Biotech-ის მიერ შემუშავებული Covid 19-ის ვაქცინის ცდების პროცესში ექვსი ადამიანი გარდაიცვალა - 4 მოხალისე პლაცებოთი, ხოლო ორი პაციენტი, რომელსაც ვაქცინა გაუკეთეს -  საუბარია დოკუმენტში, რომელიც აშშ-ს კვების პროდუქტებისა და მედიკამენტების კონტროლის განყოფილებამ გამოაქვეყნა.

8.ANOUKI BEAUTY – ანუკი არეშიძემ კოსმეტიკის ხაზი დააანონსა

დღეს, უკვე არაერთ ცნობილ ადამიანს აქვს სილამაზის და თავის მოვლის პროდუქტების საკუთარი ხაზი. როგორც აღმოჩნდა, მალე ქართულ ბაზარზეც გაჩნდება დეკორატიული კოსმეტიკის ახალი ბრენდი და რაც, ამ ყველაფრის უკან ანუკი არეშიძე დგას. დიზაინერმა ინსტაგრამზე – ANOUKI BEAUTY დააანონსა.

9.ოკუპირებული აფხაზეთის შემოსავლის ნაკლებად ცნობილი წყარო - ავტომობილების რეექსპორტი რუსეთში

საყოველთაოდ ცნობილია, რომ ოკუპირებულ აფხაზეთში ბიზნესის კუთხით შემოსავლის არც თუ ისე ბევრი წყაროა - ძირითადად  ტურიზმი და კრიპტოვალუტების მოპოვება.  თუმცა, არის კიდევ ერთი, რომლის შესახებაც ბევრი არაფერია ცნობილი, ესაა  ავტომობილების რეექსპორტი რუსეთში.

10. რუსეთმა აზერბაიჯანიდან პომიდვრისა და ვაშლის იმპორტი აკრძალა

რუსეთის სასოფლო სამეურნეო ზედამხედველობის სამსახურმა (როსსელხოზნადზორმა) აზერბაიჯანიდან პომიდვრისა და ვაშლის იმპორტი აკრძალა.  გადაწყვეტილება ძალაში 10 დეკემბრიდან შედის.