დღის Top 10 საინტერესო ამბავი

დღის Top 10 საინტერესო ამბავი

access_time2020-12-08 21:30:15

 დღის Top 10 საინტერესო ამბავი:

 

 

1. ახლა გვჭირდება აგრესიული ხელშეწყობა, თუ ვინმე ინვესტორს რამე იდეა გაუჩნდება, ორივე ხელი უნდა ჩავჭიდოთ და არ გავუშვათ

 

 

საერთაშორისო ორგანიზაცია SOS International-მა უსაფრთხოების ნიშნით,  სხვადასხვა ქვეყნების შეფასების რუკა გამოაქვეყნა. კვლევის მიხედვით პოსტპანდემიურ პერიოდში ბიზნესის კეთებისა და ჯანმრთელობის უსაფრთხოების ნაწილში საქართველო მსოფლიო რუკაზე უკიდურესად მაღალი რისკის მქონე ერთადერთ ქვეყნადაა მონიშნული. ბიზნესმენები მიიჩნევენ, რომ საქართველოს ეკონომიკის სისუსტე საერთაშორისო თავს კვლევებშიც იჩენს

 

 

2. ინტერვიუ კობა გვენეტაძესთან: „ინტერვენციების პარალელურად რეფინანსირების სესხების მიწოდება აბსოლუტურად ცხადი ლოგიკაა“

 

 

ეროვნული ბანკის პრეზიდენტმა კობა გვენეტაძემ „კომერსანტთან“ ინტერვიუს დროს აღნიშნა, რომ ერთი მხრივ, ინტერვენციები ანუ ლარის ამოღება უცხოური ვალუტის გაყიდვის გზით და მეორე მხრივ, რეფირანსირების სესხების მიწოდება ინდუსტრიისთვის, აბსოლუტურად ცხად ლოგიკას ექვემდებარება.

 

 

3. საქართველოში ორიგინალი იმპორტირებული სათამაშოები აღარ გაიყიდება ?! - რატომ იხურება მეორადი სათამაშოების მაღაზიები

 

კორონავირუსით გამოწვეული პანდემიისა და შეზღუდვების გამო დაზარალებულ და დახურულ ბიზნეს ობიექტებს მალე მთავრობის რეგულაციების გამო დახურული ბიზნესებიც დაემატება. კერძოდ, 2021 წლიდან ამოქმედდება რეგულაცია, რომელიც გულისხმობს, რომ ის მაღაზიები, რომლებიც ბაზარზე ამერიკიდან ან ინგლისიდან მეორადი სათამაშოების იმპორტით არიან დაკავებული ოპერირებას ვეღარ გააგრძელებენ.

 

 


4. „გალერია თბილისისა“ და „პარაგრაფ შეკვეთილის“პროექტების გასხვისების პროცესი ჩაიშალა

 

ინვესტორები „გალერია თბილისით“ და „პარაგრაფ შეკვეთილით“ დაინტერესდნენ, თუმცა პროექტების გასხვისების პროცესი ჩაიშალა. როგორც„კომერსანტს“ „თანაინვესტირების ფონდის“ აღმასრულებელმა დირექტორმა, ცოტნე ებრალიძემ განუცხადა კორონავირუსით გამოწვეული პანდემიის გამო, მრავალმილიონიანი პროექტების გასხვისების პროცესი რამდენიმე წლით გადავადდა.

 

5. ქართულ დაბალბიუჯეტიან ავიაკომპანიას საქართველოს მთავრობამ „Wizzair“-თან თანაბარ პირობებში ჩაყენებაზე უარი უთხრა

 

„Wizzair და ryanair“ შემდეგ ქართულ ავიაბაზარზე ახალი დაბალბიუჯეტიანი კომპანიას „air georgia“-ს უნდა დაეწყო ოპერირება. ,,ჰაბ ჯორჯიას“ დამფუძნებელმა გიორგი კოდუა კომერსანტთან აცხადებდა, რომ პირველი AIRBUS A320 ტიპის თვითმფრინავი თბილისის აეროპორტში დღედღეზე შემოვიდოდა, თუმცა დღეს ბიზნესმენი გვეუბნება, რომ პროექტი დაპაუზებულია.

 

 

6. „ბაზარზე არის მოთხოვნა მესამე ადგილობრივ, უფრო მოქნილ და ინოვაციურ მოთამაშეზე“ - „Glovo“-ს და „Wolt“-ს ახალი კონკურნეტი ჰყავთ

 

დაახლოებით ერთი კვირაა, რაც თბილისში,  ახალი საკურიერო პლატფორმა „ელვის სისწრაფით“ გამოჩნდა. როგორ გეგმავს „ელვისი“ ბაზარზე თავის დამკვიდრებას და შეძლებს თუ ქართული კომპანია კონკურნეცია გაუწიოს უკვე ყველასთვის ცნობილ საკურიერო კომპანიებს „Glovo“-ს და „Wolt“-ს.



7. WIZZ AIR-ი საქართველოდან ფრენების აღდგენას 2021 წლის მარტიდან გეგმავს


 

Wizz air-ი საქართველოდან ფრენების აღდგენას 2021 წლის მარტიდან გეგმავს.როგორც დაბალბიუჯეტურ ავიაკომპანიაში განმარტეს, გეგმაში იმ 40-მდე მიმართულების აღდგენაა, რომელზეც Wizz air-ი პანდემიამდე დაფრინავდა.

 

 

8. Camille Bloch-ი საქართველოში თხილის წარმოებისა და გადამუშავების 10 მილიონიან პროექტს იწყებს

 

 

2021 წლის იანვარში საკონდიტრო პროდუქციის შვეიცარიული მწარმოებელი Camille Bloch საქართველოში თხილის მოყვანის და გადამუშავების მსხვილ პროექტს იწყებს. საუბარია 10 მლნ. დოლარი ინვესტიციებზე, 650 ჰექტარის პლანტაციის გაშენებაზე და თხილის გადამამუშავებელი ქარხნის მშენებლობაზე

 

 

9. როგორ უნდა მოიქცეთ თუ სესხის გადავადება გსურთ - „რესტრუქტურიზაციისთვის მიმართვა ნებისმიერ მსესხებელს შეუძლია“


„საბანკო სექტორი ინდივიდუალური მომართვიანობის შემთხვევაში რესტრუქტურიზაციებზე შეთანხმდა,“- ამის შესახებ ბანკების ასოციაციის ხელმძღვანელმა ალექსანდრე ძნელაძემ განაცხადა. მისი თქმით, მოწყვლადი ჯგუფების იდენტიფიცირებისთვის უფრო მეტად არის მზად როგორც საბანკო სექტორი, ასევე სახელმწიფო.

 

 

10. რომელ კრიპტოვალუტებს აქვთ უახლოეს მომავალში ზრდის შანსი - 5 კრიპტოვალუტა

 

ბიტკოინი უკვე 2 კვირის მანძილზე  20 000 დოლარიან ნიშნულს ვერ აღწევს, თუმცა, ანალიტიკოსების აზრით, მთავარ კრიპტოვალუტას ზრდის ყველა შანსი აქვს. ამავე დროს ვირტუალური ფულის სამყარო მხოლოდ ბიტკოინით არ შემოიფარგლება - არის კიდევ რამდენიმე საყურადღებო კრიპტოვალუტა, რომელიც ინვესტირებისთვის მომგებიანია.


თეგები:
Top 10



დღის Top 10 საინტერესო ამბავი

დღის Top 10 საინტერესო ამბავი
access_time2021-03-02 21:00:39
დღის Top 10 საინტერესო ამბავი: 1.გაზრდილი საპროცენტო განაკვეთები და შემცირებული სესხების მოცულობა - საბანკო სექტორის იანვრის თვე 2021 წელი ქართულმა საბანკო სექტორმა მოგებით დაიწყო, რომლის მოცულობა 113.36 მლნ ლარს შეადგენს. თუმცა წინა წლის დეკემბერთან შედარებით შემცირებულია საპროცენტო შემოსავლები და...

მერაბ ჟორდანია ვენის „აუსტრიას“ პრეზიდენტი ხდება

მერაბ ჟორდანია ვენის „აუსტრიას“ პრეზიდენტი ხდება
access_time2021-03-02 17:20:09
მერაბ ჟორდანია ტიტულოვანი ავსტრიული კლუბის - ვენის "აუსტრიას" პრეზიდენტი იქნება. ამის შესახებ ადგილობრივი საიტები იტყობინებიან. საინტერესოა წერილი, რომელიც wien.orf.at-მა გამოაქვეყნა: მწვანე შუქი პარტნიორობისთვის "ვენის "აუსტრიას" ფინანსურ მომავალთან დაკავშირებით სიტუაციას წესით მალე უნდა მოეფინოს ნათელი. ახალი პარტნიორი ჯერ ოფიციალურად არ წარუდგენიათ, მაგრამ კლუბში ამბობენ, რომ მოლაპარაკება პოზიტიური შედეგით...

Bloomberg: პანდემიის დროს სურსათზე ფასების ზრდა სერიოზულ პრობლემად იქცა

Bloomberg: პანდემიის დროს სურსათზე ფასების ზრდა სერიოზულ პრობლემად იქცა
access_time2021-03-02 20:00:43
ბოლო თვეებში სასურსათო პროდუქტების ფასმა მაქსიმუმს მიაღწია და ექსპერტების აზრით, ვითარება ძვირი სურსათის ახალი „სუპერციკლისკენ“ მიდის. ეს მასობრივი უმუშევრობის და შემოსავლების კატასტროფული ვარდნის ფონზე ხდება. მომხმარებლებზე ზეგაგვლენას ზრდადი ინფლაციაც ახდენს. Bloomberg-მა გაანალიზა მდგომარეობა 5 ქვეყანაში, სადაც ფასების ზრდამ და ინფლაციამ განსაკუთრებით დიდ მასშტაბებს მიაღწია. ბრაზილია ეს არის ლათინური...

Foreign policy: უკრაინა რეფორმებზე უარს ამბობს

Foreign policy: უკრაინა რეფორმებზე უარს ამბობს
access_time2021-03-02 19:00:23
უკრაინაში საგარეო ვალი მუდმივად იზრდება, მაგრამ მთავრობა პრეზიდენტ ზელენსკის მეთაურობით ამ პრობლემას მხოლოდ აღრმავებს. საერთაშორისო სავალუტო ფონდი ხელისუფლებისგან ფინანსური დახმარების სანაცვლოდ რეფორმების ჩატარებას მოითხოვს, თუმცა, კიევი ამ მოთხოვნის იგნორირებას ახდენს და ამავე დროს ვალებს სულ უფრო აგროვებს. ეს საშიში სტრატეგიაა ქვეყნისთვის, რომელსაც ჰაერივით სჭირდება კარგი ურთიერთობები დასავლეთთან და საერთაშორისო ფინანსურ ორგანიზაციებთან. თანაც იმ დროს, როდესაც...

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს
access_time2021-03-02 12:00:35
გასართობი პორტალი SILKGAMES.GE მხოლოდ სილქნეტის მობილური ქსელის აბონენტებისთვის შეიქმნა და ყველა ჟანრის 500-ზე მეტი თამაში გააერთიანა. პორტალით სარგებლობა შესაძლებელია, როგორც სმარტფონისთვის, ისე პერსონალური კომპიუტერული მოწყობილობისთვის. Silk Games სერვისის 30 დღიანი სარგებლობის საფასური 5 ლარია. მობილური ნომრით რეგისტრირებული მომხმარებელი ავსებს ანგარიშს და სარგებლობს სერვისით შეუზღუდავად 24/7. იმ შემთხვევაში, თუ 31-ე დღეს...


მსგავსი სიახლეები

up